ဖဲ အဲ (န်) ဒ့ှူ ခၠဲတဲၣ် အလီတဲစိဟါမၢ် ဖဲပီၣ်လဲၣ်ကၢၢ်နံၤအခါ‚ အ၀ဲဆိကမိၣ် လၢအတၢ်လီၤမၢ်န့ၢ်အီၤ လီၤထူလီၤယိာ်လံန့ၣ်လီၤႉ ဘၣ်ဆၣ် တနွံအလီၢ်ခံ‚ ပှၤမၤညၣ်ဖိ ကလဲ (န်) ကၤလ့ၣ် ကိးအီၤလီၤႉ အ၀ဲထုးထီၣ်န့ၢ်ဘၣ် ခၠဲတဲၣ် အလီတဲစိလၢညၣ်ဖးဒိၣ် အတယၢၢ် ကအိၣ် ၂၅ ပီၣ် အပူၤန့ၣ်လီၤႉ လီတဲစိအံၤ ဖဲအဃ့ထီၣ်အခါ မၤဒံးတၢ်ဒံး အဖၢန့ၣ်လီၤႉ
တၢ်အိၣ်မူန့ၣ် ပှဲၤမး ဒီးပူလီၤတိၢ်လီၤဆီတဖၣ်‚ ဒီးပထံၣ်ဘၣ်တဘျုးယုၢ် လၢလံာ်စီဆှံအပူၤန့ၣ်လီၤႉ ဘၣ်တနံၤ ပှၤဃ့သွဲတဖၣ် ဟဲဆူစီၤပ့းတ့ှူးအအိၣ် ဒီးသံကွၢ်၀ဲ ‘‘သုသရၠာစးၣ်ဟ့ၣ်သွဲစ့တပၢၤန့ၣ် တမ့ၢ်ဘၣ်ဧါ’’ (မး ၁၇း၂၄) န့ၣ်လီၤႉ ကစၢ်ယ့ၣ်။းဆီတလဲကွံာ် တၢ်မၤ အသးအံၤ ဆူတၢ်သိၣ်လိန့ၣ်လီၤႉ အ၀ဲအဲၣ်ဒိး လၢစီၤပ့းတ့ှူး ကသ့ၣ်ညါလၢအ၀ဲမ့ၢ်စီၤပၤလီၤႉ စီၤပၤအဖိတဖၣ်န့ၣ် ပှၤတထၢသွဲစ့လၢအအိၣ်ဘၣ်ႉ ကစၢ်ယ့ၣ်။း ပာ်ဖျါ့တၢၢ် ကလာ်လၢအ၀ဲမ့ၢ်ဂ့ၤ‚ အဖိတဖၣ်မ့ၢ်ဂ့ၤ ပူၤဖျဲးလၢတၢ်ဟ့ၣ် သွဲန့ၣ်လီၤ (း၂၅-၂၆) ႉ
ဘၣ်ဆၣ် ကစၢ်ယ့ၣ်။း ပလီၢ်အသးလၢအသု ‘‘တကဲထီၣ် တၢ်လီၤဃံၤ အလီၢ်တဂ့ၤ’’ (း၂၇) န့ၣ်လီၤႉ အဃိ အ၀ဲမၢစီၤပ့းတ့ှူး လဲၤတခွဲညၣ်န့ၣ်လီၤ (တၢ်အံၤ မ့ၢ်တၢ်လီၤတိၢ်လီၤဆီတမံၤလီၤ) ႉ စီၤပ့းတ့ှူးထံၣ်စ့တဘ့ၣ် လၢညၣ်အဆိကတၢၢ် တဘ့ၣ် လၢအတခွဲန့ၢ်၀ဲ အထးခိၣ်ပူၤန့ၣ်လီၤႉ
မ့ၢ်ကစၢ်ယ့ၣ်။း ဟဲမၤတၢ်မနုၤတမံၤဖဲအံၤလဲၣ်ႉ တၢ်သံကွၢ်ဂ့ၤန့ၢ်အန့ၣ်အံၤ ကမ့ၢ်၀ဲ‚ မ့ၢ်ကစၢ်ယ့ၣ်။း မၤတၢ်မနုၤလၢယွၤအဘီအမုၢ်အပူၤလဲၣ်ႉ ပှၤအါဂၤတသ့ၣ်ညါ နီၣ်အီၤ ဒ်စီၤပၤအသိးဘၣ်ဆၣ်‚ အ၀ဲမ့ၢ် စီၤပၤ့ကၢး၀ဲဘၣ်၀ဲတဂၤလီၤႉ ဖဲပတူၢ်လိာ်အီၤ ဒ်ပကစၢ်လၢပတၢ်အိၣ်မူအပူၤန့ၣ်‚ ပကဲထီၣ်အဖိတဖၣ်န့ၣ်လီၤႉ
တၢ်အိၣ်မူ အိၣ်ဒီးတၢ်လိၣ်ဘၣ် အကလုာ်ကလုာ်တဖၣ်လီၤႉ ဘၣ်ဆၣ် ကစၢ်ယ့ၣ်။းကတဲာ်ကတီၤန့ၢ်ပှၤတၢ်လီၤႉ ဒ်သရၠာစးၣ်ကွၢ်တၢ်လီၢ်လံၤ ဒ့ဘ့း ဖီၣ်ဖိၣ် စံး၀ဲအသိး‚ ‘‘ဖဲပတခွဲညၣ် လၢပပၢ်ယွၤအဂီၢ်န့ၣ်‚ ပသန့ၤပသးလၢအီၤသ့ လၢကယဲၢ် တၢ်လၢပလိၣ်ဘၣ်တဖၣ်အဂီၢ်န့ၣ်လီၤႉ