‘‘ခရၠာစးံာ်အိၣ်ဒီးယၤ‚ ခရၠာစးံာ်လၢယမဲာ်ညါ‚ ခရၠာစးံာ်လၢယလီၢ်ခံ‚ ခရၠာစးံာ်လၢယပူၤ‚ ခရၠာစးံာ်လၢယဖီလာ်‚ ခရၠာစးံာ်လၢယဖီခိၣ်‚ ခရၠာစးံာ်လၢယထွဲ‚ ခရၠာစးံာ်လၢယစ့ၣ်ႉႉႉ’’
ထါသး၀ံၣ်အဖျၢၣ်တဖၣ်အံၤ လၢအဘၣ်တၢ်ကွဲးအီၤ လၢအပူၤကွံာ်နံၣ်ကယၤယဲၢ် အတီၢ်ပူၤ‚ လၢပှၤစဲးလ်တံးခရၠာစးံာ်ဖိ ပှၤစီဆှံဖဲးထရၠာစးံးအံၤ သီၣ်ကဒါက့ၤလၢ ယသးပူၤ ဖဲယဖးလံာ်မးသဲအတၢ်ကွဲး ဘၣ်ဃးကစၢ်ယ့ၣ်။းအတၢ်အိၣ်ဖျဲၣ်အဂ့ၢ်အခါန့ၣ်လီၤႉ ထါဖျၢၣ်တဖၣ်အံၤ မၤအသးဒ် တၢ်ဖိးဟုဃာ်လၢအလၢၤ ဒီးဒုးသ့ၣ်နီၣ်ထီၣ်က့ၤယၤ လၢယတအိၣ်ထဲတဂၤဧိၤနီတဘျီဘၣ်န့ၣ်လီၤႉ
လံာ်မးသဲ တဲဘၣ်ပှၤ လၢယွၤလၢအအိၣ်၀ဲဆိး၀ဲ လၢအပှၤဂီၢ်မုၢ်တဖၣ်အကျါတဂၤအံၤ မ့ၢ်ခရၠာစးံာ်အိၣ်ဖျဲၣ် အတၢ်သးကံၢ်န့ၣ်လီၤႉ စီၤမးသဲကိးထီၣ် ၀ံယ့ှှါယၤ အတၢ်စံးပာ် လၢဖိသၣ်တဂၤကဘၣ်တၢ်ကိးအီၤ လၢဧံးမၤနူၤအ့လး‚ အခီပညီမ့ၢ်၀ဲ ‘‘ယွၤအိၣ်ဒီးပှၤ’’ (ယ့ှှါ ၇း၁၄) လီၤႉ တၢ်စံးပာ်အံၤ ဘၣ်တၢ်မၤလၢထီၣ်ပှဲၤထီၣ် လၢခံကတၢၢ်လၢယ့ၣ်။း‚ ကစၢ်လၢအအိၣ်ဖျဲၣ်ထီၣ် လၢသးစီဆှံအစိအကမီၤ ဒ်သိးကကဲထီၣ် ယွၤအိၣ်ဒီးပှၤန့ၣ်လီၤႉ တၢ်မ့ၢ်တၢ်တီအံၤ မ့ၢ်တၢ်သးကံၢ်အဃိ‚ စီၤမးသဲ အိးထီၣ်ဒီးမၤကတၢၢ်၀ဲ အလံာ်တၢ်သးခုကစီၣ်လၢအီၤ န့ၣ်လီၤႉ လံာ်အကတၢၢ်မ့ၢ်၀ဲ ယ့ၣ်။းအတၢ်ကတိၤဆူအပျဲၢ်အဘီၣ်တဖၣ် ‘‘ဒီးကွၢ်ကွၢ်‚ ယအိၣ်ဒီးသုကိးမုၢ်နံၤမုၢ်နၤဒဲး တုၤတၢ်အစိၤကတၢၢ်လီၤ’’ (မး ၂၈း၂၀) ႉ
ပှၤစီဆှံဖဲးထရၠာစးံး အထါဖျၢၣ်တဖၣ် ဒုးသ့ၣ်နီၣ်ထီၣ်က့ၤယၤ လၢခရၠာစးံာ်အိၣ်ထီဘိ ဒီးပှၤစူၢ်က့ၤနာ်က့ၤတၢ်ဖိတဖၣ် ခီဖျိအသးစီဆှံ လၢအမူ၀ဲလၢပပူၤန့ၣ်လီၤႉ ဖဲယသူၣ်ကိၢ်သးဂီၤ‚ သူၣ်ပျံၤသးဖုးအခါ‚ ယဟံးဃာ်ဂၢၢ်ကျၢၤ အတၢ်အၢၣ်လီၤ လၢအ၀ဲတဟးဖး ဒီးယၤဘၣ်န့ၣ်လီၤႉ ဖဲယမံတန့ၢ်အခါ‚ ယဃ့အီၤ ဒ်သိးကဟ့ၣ်ယၤ အတၢ်ဃူတၢ်ဖိး သ့ယဲန့ၣ်လီၤႉ ဖဲယပှဲၤဒီးတၢ်သူၣ်ခုသးခုအခါ‚ ယစံးဘျုးအီၤ လၢအတၢ်မၤဂ့ၤမၤဘျုး လၢယတၢ်အိၣ်မူအပူၤသ့ယဲလီၤႉ
ယ့ၣ်။း‚ ဧံးမၤနူၤအ့လး‚ ယွၤအိၣ်ဒီးပှၤႉ
