ဖဲတၢ်တဲမုာ်နၢ် ‘ဆီဖိဒီးထိးဖိ’အဂ့ၢ်‚ ဆၣ်ဖိကီၢ်ဖိခံဒု ကတိၤသကိး ဘၣ်ဃးကအိးထီၣ်တၢ်အီၣ်အကျးဒ်သိးသိးအဂီၢ်န့ၣ်လီၤႉ ဖဲအ၀ဲသ့ၣ် သုးကျဲၤဆိကမိၣ် တၢ်အီၣ်အကလုာ် စရၠာစးီန့ၣ် ဆီဖိန့ၣ် ဟ့ၣ်ကူၣ်၀ဲလၢ အ၀ဲသ့ၣ် ကဆါထိးညၣ်ဃ့ဒီး ဆီဒံၣ်န့ၣ်လီၤႉ ထိးဖိန့ၣ် Bတီ၀ဲလၢအခ@ဒီးစံး ‘‘ဘၣ်ႉႉႉဘၣ်ႉႉႉတၢ်ဘျုးလီၤ‚ ယဲဒု ယကဘၣ်ဟ့ၣ်လီၤယသး‚ ဘၣ်ဆၣ်ဒီးနဲဒု နကဘၣ်ပၣ်ဒၣ်ထဲဧိၤလီၤႉ
ထိးဖိအံၤ မ့ၢ်တသးအုးလၢ ကဘၣ်ဟ့ၣ်လီၤသးလၢ လီခီဖးဒိၣ်အပူၤ ဘၣ်ဆၣ်‚ အတၢ်နၢ်ပၢၢ်ဘၣ်ဃး တၢ်ဟ့ၣ်လီၤသးအံၤကဲထီၣ် တၢ်မၤလိလၢယဂီၢ်ဒီး ယမၤလိန့ၢ် လၢယ့ကၢးပိာ်ယွၤအခံ လၢယသးဒီဖျၢၣ်န့ၣ်လီၤႉ လၢတၢ်ကဒီတဒၢအဘီမုၢ်အဂီၢ် ယူဒၤအစီၤပၤအၤစါ ဃုမၤဟးဂီၤ တၢ်ဃူတၢ်ဖိးအတၢ်အၢၣ်လီၤဒီး အံၣ်စရၠာစး့လး အစီၤပၤဒီး စူၤရၠာစးံအစီၤပၤတဖၣ်လီၤႉ အ၀ဲဆှၢလီၤ အနီၢ်ကစၢ်ဒၣ်၀ဲ အတၢ်လုၢ်ပရၤဒိၣ်တဖၣ်ဃုာ်ဒီး ကျိၣ်ဧိၤစ့ဧိၤဒီး ထူဧိၤလွဲဧိၤလၢ ယွၤအဟံၣ်အတၢ်ပာ်ဖှိၣ်အပူၤ‚ ဒ်သိး ကမၤန့ၢ် စူၤရၠာစးံအစီၤပၤဘ့ၣ်ဟဒးအသးအဂီၢ်လီၤ ( ၂ကွဲး ၁၆း၂) ႉ စီၤပၤဘ့ၣ်ဟဒး ဘၣ်အသးဒီး မၤဟးဂီၤအတၢ်အၢၣ်လီၤဒီး အံၣ်စရၠာစး့လးန့ၣ်လီၤႉ
ဘၣ်ဆၣ် ယွၤအ၀ံ စီၤဃနၤနံကိး စီၤပၤအၤစါလၢ ပှၤဟးဂီၤဖိ မ့ၢ်လၢ အသန့ၤအသး လၢပှၤကညီအတၢ်မၤစၢၤ‚ ဒီးတမ့ၢ်ဘၣ်ကစၢ်ယွၤ လၢအမၤပူၤဒုၣ်ဒါ အဂၤတဖၣ်လၢ အ၀ဲသ့ၣ်အစုပူၤလီၤႉ စီၤဃနၤနံအၢၣ်လီၤ၀ဲလၢ ‘‘ယွၤအမဲာ်ဟး၀့ၤ၀ီၤ တၢ်လၢဟီၣ်ခိၣ်ချၢဒီဘ့ၣ်ညါ‚ ဒ်သိး အကပာ်ဆူၣ်ထီၣ်အသးလၢ ပှၤလၢအအိၣ်ဒီး အသးဒီဖျၢၣ်ဒီးအီၤတဖၣ်အဂီၢ်န့ၣ်လီၤ (၂ ကွဲး ၁၆း၉) ႉ
ဖဲပကွၢ်ဆၢၣ်မဲာ်ဒီး ပနီၢ်ကစၢ်ဒၣ်၀ဲ အတၢ်ဒုးတဖၣ်‚ တၢ်တၤတဖၣ်န့ၣ် မ်ကသ့ၣ်နီၣ်သကိး လၢကစၢ်ယွၤမ့ၢ် ပတံၤသကိး လၢအဒုးတၢ် လၢပ၀ဲတကပၤန့ၣ် တက့ၢ်ႉ အ၀ဲဒုးဆူၣ်ထီၣ်ပဂံၢ်ပဘါ ဖဲပသးအိၣ်မၤအတၢ်လၢာ်ပသးဒီး အးလီၤသးလၢ အပူၤအခါန့ၣ်လီၤႉ