တချုးလၢတနံၤပူၤအခါ ဘရၠာစးါသၢၣ် လီရၠာစးဲဲး ဃ့ဘါထုကဖၣ်၀ဲ‚ ‘‘ယွၤဧၢ‚ ဟ့ၣ်သးကညီၤယၤ ဒ်သိးယကအိၣ်လၢနမဲာ်ညါတက့ၢ်ႉ မၤစၢၤဘၣ်ယၤ လၢယတၢ်ဖံး တၢ်မၤအပူၤတက့ၢ်ႉ ဟံးနှၢ်‚ တၢ်သူၣ်အိၣ်သးအိၣ်ခဲလၢာ်တက့ၢ်ႉ’’ ဖဲအမၤတၢ်အခါ အ၀ဲကတိၤတၢ်လၢကစၢ်ယွၤ‚ ဒိကနၣ် ယွၤအတၢ်နဲၣ်အီၤကျဲ‚ ဒီးမၤ၀ဲအတၢ်မၤတဖၣ် လၢယွၤအဂီၢ်နှၣ်လီၤႉ ဖဲအတၢ်မၤအါကတၢၢ်အဆၢကတီၢ် ဒၣ်လဲာ် အ၀ဲအိၣ်ဘှီၣ်ကလာ်၀ဲ ဒ်သိးကဃ့ကစၢ်ယွၤ အတၢ်အဲၣ် တၢ်သူၣ်ကညီၤသးကညီၤ နှၣ်လီၤႉ ဖဲဒၣ် တၢ်ကမၤအသး တခါဂ့ၤတခါဂ့ၤအခါ‚ အ၀ဲဃု ယွၤအတၢ်အဲၣ်‚ ဒီးထံၣ်သ့ၣ်ညါဘၣ်၀ဲဒၣ်လီၤႉ
ဒ်ထါစံးထီၣ်ပ့တၢၤ ၈၉ အၢၣ်လီၤ၀ဲအသိး တၢ်လၢအ့ကၢး၀ဲဘၣ်၀ဲကတၢၢ် လၢပကဟ့ၣ်ထီၣ် တၢ် ဘၣ်တ့အကစၢ်‚ လၢအပၢ၀ဲပီၣ်လဲၣ် ဒီးဘၣ်တၢ်ဘါထီၣ် အီၤ လၢမူခိၣ်ကလူးတဖၣ်တဂၤအံၤနှၣ် မ့ၢ်၀ဲတၢ်ဟ့ၣ်လီၤ အးလီၤပသးသမူဒီဖျၢၣ်ဆူအအိၣ်နှၣ်လီၤႉ ဖဲပနၢ်ပၢၢ်ထီၣ် တၢ်ဃံတၢ်လၤဘၣ်ထွဲဒီး ယွၤအတၢ်မ့ၢ်တၢ်နှၣ် ‘‘ပနၢ်ဟူတၢ်သးခုတၢ်ကိးဃီၤ ပှၤလၢပကဘူၣ်ထီၣ်ဘါထီၣ် ယွၤ‚ ႉႉႉဖဲပအိၣ်တပူၤလၢ်လၢ်‚ ‘ကိးနံၤဒဲး’ နှၣ်လီၤ (း၁၅-၁၆) ႉ
ဖဲပဆၢထၢၣ်လၢကျးတဖျၢၣ် လၢပကပရၤတၢ် မ့တမ့ၢ် လၢကဘီယူၤသနှအခါ‚ မ့တမ့ၢ် ဖဲပဘၣ်ခိးတၢ်အခါဆၢကတီၢ် လၢပကဘၣ်သူၣ်အ့နှသးအ့နှ ကအိၣ်ထီၣ် ၀ဲဒၣ်လီၤႉမ့တမ့ၢ် ပအိၣ်ဘှီၣ်ကလာ်‚ ဟံးနှၢ်တၢ်ဆၢကတီၢ်တဖၣ်အံၤ ဒ်တၢ်ခွဲးတၢ်ယာ်
လၢပကမၤလိ‚ ‘‘တၢ်လဲၤတၢ်လၢယွၤအမဲာ်ညါ’’ နှၣ်သ့၀ဲဒၣ်လီၤ (း ၁၅) ႉ
တၢ်ဆၢကတီၢ်လၢ ‘‘ပသူလၢာ်အီၤကလီကလီ’’ လၢပတၢ်အိၣ်မူအပူၤတဖၣ် (ဖဲပဘၣ်ခိးတၢ်အဆၢကတီၢ်အခါ‚ ဖဲအိၣ်လၢလီၢ်မံခိၣ်တၢ်ဆူးတၢ်ဆါအခါ‚ ဖဲပဆိကမိၣ် ပကဘၣ်မၤတၢ်မနုၤ လၢခံတမံၤလဲၣ်အခါ) ခဲလၢာ် ကမ့ၢ်၀ဲတၢ်ဆၢကတီၢ်လၢပကအိၣ်ဘှီၣ်ကလာ် ဆိကမိၣ်ထီၣ်ပတၢ်အိၣ်မူလၢယွၤအမဲာ်ညါနှၣ်လီၤႉ