ဖဲပဖိခွါ ခါတီၤတၤဖိတဂၤ အ့ၣ်အီၣ်ပနီကျဲသၣ် လၢအဆိန့ၣ် အ၀ဲသံးထီၣ်အနါစ့ၤ‚ လ့ၣ်ထီၣ်အပ@ၤ‚ ကံးထီၣ်အမဲာ်‚ ဘံၣ်တံၢ်အမဲာ်ချံဒီးစံး၀ဲ ခၠံၣ်‚ ခၠံၣ် (ဆံၣ်ဒိၣ်မး) န့ၣ်လီၤႉ
ယနံၤ ဒီးလဲၤဟံးက့ၤပနီကျဲသၣ်အက့ ဒ်သိးယကစူးကွံာ်အဂီၢ်န့ၣ်လီၤႉ
စါဘံယၢ် ကိးထီၣ်၀ဲ ‘တဟ့ၣ်ဘၣ်‚ ကအီၣ်ဒံး’ ဒီးစံၣ်၀့ၤ၀ီၤလၢဖၣ်ကပူၤ ဒီးစံး၀ဲ‚ ‘အိၣ်ယံၤဒီးယၤ’န့ၣ်လီၤႉ အနိးဖံးတခီ သွံးတဖံးမးအသး လၢအအီၣ် တၢ်ဆံၣ်အသၣ်အဃိ န့ၣ်လီၤႉ ယကံးထီၣ် ယမဲာ် ဖဲအဟ့ၣ်ယၤတၤသၣ်အဖံး ဒီးဟးထီၣ်ကွံာ်၀ဲအခါန့ၣ်လီၤႉ
ယပ@ၤဖိ မၤသ့ၣ်နီၣ်ထီၣ်ယၤ တၢ်အ၀ံၣ်အဆၢ အကတီၢ်တနီၤ လၢတၢ်အိၣ်မူအပူၤန့ၣ်လီၤႉ ဘၣ်ယသး လၢယကဟးဆှဲး တၢ်အခၣ်တဖၣ်န့ၣ် မၤသ့ၣ်နီၣ်ထီၣ်ယၤ လၢစီၤယိၤဘးအမါ န့ၣ်လီၤႉ အ၀ဲမၤအသးဒ်ယၤအသိး လၢကပဒ့ၣ်ပူၤဖျဲးအသး ဒီးတၢ်နးတၢ်ဖှီၣ် အဆံၣ်အခၣ်တဖၣ်န့ၣ်လီၤႉ
စီၤယိၤဘးအသးတခု လၢကတူၢ်ဘၣ် တၢ်ကီတၢ်ခဲတၢ်ကိၢ်တၢ်ဂီၤန့ၣ်ဘၣ်ႉ သနာ်က့ အ၀ဲမၤလၤကပီၤယွၤ‚ လၢတၢ်၀ံာ်ပကံးမၤဆါအသး အတၢ်လဲၤခီဖျိအပူၤ (ယိၤဘး ၁း၁-၂၂) န့ၣ်လီၤႉ ဖဲတၢ်ဆါတၢ်၀့အၢ မၤနးမၤဖီှၣ် စီၤယိၤဘးအနီၢ်ခိန့ၣ် အ၀ဲတူၢ် တၢ်နးတၢ်ဖှီၣ် အနးအကျံၤဖးဒိၣ်အံၤလၢ တၢ်၀ံသးစူၤအပူၤန့ၣ်လီၤ (ယိၤဘး ၂း၇-၈) ႉ စီၤယိၤဘးအမါတဲအီၤ လၢကဆိၣ်ယွၤဒီးသံလီၤ (ယိၤဘး ၂း၉) ႉ ဘၣ်ဆၣ် ဒီးစီၤယိၤဘး သန့ၤအသးလၢယွၤ ဒီးတူၢ်တၢ်တုၤအလဲၤခီဖျိ၀ဲတစုန့ၣ်လီၤ (ယိၤ ၂း၁၀) ႉ
တၢ်ဆၢပူၤဖျဲးဒီး တၢ်အိၣ်မူအခၣ်အအူန့ၣ်‚ မ့ၢ်ပနှဆၢၣ်လီၤႉ တၢ်လ့ပစီ ကထိၣ်ဂဲၤ ပှၤတုၤဒၣ်လဲာ် ပကကတိၤကမၣ်ထီဒါယွၤ လၢတၢ်ဘၣ်ဒိဘၣ်ထံးပှၤ ဆါဒိၣ်မးအဃိ လီၤႉ ဘၣ်ဆၣ်ဒီး ကစၢ်ယွၤစူးကါသူ၀ဲ တၢ်မၤကွၢ်ပှၤ ဒီးသိၣ်လိပှၤ လၢပကသန့ၤပသး လၢအီၤဒ်လဲၣ် ဒီးဟ့ၣ်လီၤပသး လၢအစုပူၤ‚ ပျဲလၢအကမၤဆူၣ်ထီၣ်ပှၤ ဒ်သိးပတူၢ် တၢ်နးတၢ်ဖှီၣ် ကန့ၢ်ကကဲအဂီၢ်လီၤႉ အလီၢ်တအိၣ် လၢပကဒီလိၤမၤမုာ်မၤလၤပသး လၢတၢ်အိၣ်မူ အဆံၣ်အအူအကတီၢ်အပူၤ န့ၣ်ဘၣ်ႉ မ်ပကအိၣ်ပှဲၤဒီး ကစၢ်ယွၤ အတၢ်ဟ့ၣ်ဂံၢ်ဟ့ၣ်ဘါပှၤ လၢကမၤဆူၣ်ထီၣ် ပတၢ်နာ်န့ၣ်တက့ၢ်ႉ