ဖဲယလဲၤပရၤကွဲၤဒီနၢ်တဖျၢၣ် လၢကီၢ်မုၢ်ထီၣ်လီၢ်ခၢၣ်သးက၀ီၤန့ၣ်‚ တၢ်သံကွၢ်ယၤ ဒ်ညီနုၢ်အသိး ယမံၤ‚ ပှၤကလုာ်‚ အိၣ်ဆိးအလီၢ်တဖၣ်လီၤႉ ဘၣ်ဆၣ် ဖဲပှၤကွဲး တၢ်ဂ့ၢ်တဖၣ်အခါ အ၀ဲသံကွၢ်၀ဲ ‘‘နပၢ်အမံၤဒ်လဲၣ်’’လီၤႉ ယကမၢကမၣ်လၢ တၢ်သံကွၢ်အံၤအဃိလီၤႉ ဒီးယဆိကမိၣ်ထီၣ် ‘‘တၢ်မနုၤအကါဒိၣ်အဃိလဲၣ်’’န့ၣ်လီၤႉ တၢ်သ့ၣ်ညါယပၢ်အမံၤန့ၣ် မ့မ့ၢ်လၢယတၢ်ဆဲးတၢ်လၤ လုၢ်လၢ်အပူၤန့ၣ် တမ့ၢ်တၢ်အကါဒိၣ်ဘၣ်‚ ဘၣ်ဆၣ်ဖဲအံၤလိၣ်၀ဲ မ့ၢ်ဒ်သိးကကွဲး ယဂ့ၢ်ယကျိၤအဂီၢ်လီၤႉ လၢပှၤကလုာ်တနီၤနီၤ အတၢ်ဆဲးတၢ်လၤအပူၤန့ၣ် တၢ်လီၤစၢၤလီၤသွဲၣ် မ့ၢ်တၢ်အကါဒိၣ်လီၤႉ
ပှၤအံၣ်စရၠာစး့လးဖိတဖၣ်စ့ၢ်ကီး နာ်၀ဲ တၢ်လီၤစၢၤ လီၤသွဲၣ် အကါဒိၣ်အဂ့ၢ်လီၤႉ အ၀ဲသ့ၣ် ပာ်ကဖၢလၢသး လၢ အပၢ်ဖးဒိၣ်စီၤအၤ့ဘၤဟၣ်လီၤႉ ဒီးအ၀ဲသ့ၣ်ဆိကမိၣ်၀ဲလၢ တၢ်မ့ၢ်ဘၣ် စီၤအၤ့ဘၤဟၣ်အစၢၤအသွဲၣ်န့ၣ် ဒုးကဲထီၣ်အီၤ လၢယွၤဖိယွၤလံၤလီၤႉ အ၀ဲသ့ၣ်ဆိကမိၣ်၀ဲလၢ ပှၤကညီ အတၢ်လီၤစၢၤလီၤသွဲၣ် လၢနီၢ်ခိတကပၤန့ၣ် ဘၣ်ထွဲလိာ်သးဒီးအနီၢ်သးအစၢၤ အသွဲၣ်လီၤႉ
နံၣ်ကယၤတဖၣ်ပူၤကွံာ်‚ ဖဲယ့ၣ်။းကတိၤတၢ်ဒီး ပှၤအံၣ်စရၠာစး့လးဖိတဖၣ်န့ၣ် အ၀ဲတဲနၢ်ပၢၢ် ပှၤအံၣ်စရၠာစး့လးဖိလၢတမ့ၢ်ဒ်န့ၣ်ဘၣ်ႉ အ၀ဲသ့ၣ်စံး၀ဲသ့လၢ စီၤအၤ့ဘၤဟၣ် မ့ၢ် အ၀ဲသ့ၣ်အပၢ်ဖးဒိၣ်‚ အ၀ဲသ့ၣ်အထူအထံးလီၤႉ ဘၣ်ဆၣ် အ၀ဲသ့ၣ်မ့ၢ်တအဲၣ်အီၤ‚ ပှၤတဂၤလၢ ပၢ်ဆှၢလီၤန့ၢ်အီၤ‚ အ၀ဲသ့ၣ်တမ့ၢ်ယွၤအဒူၣ်ဖိထၢဖိဘၣ်ႉ တနံၤအံၤမ့ၢ် တၢ်တမံၤဃီစ့ၢ်ကီးဒီးပှၤလီၤႉ ပဒူၣ်ဖိထၢဖိလၢဟီၣ်ခိၣ်အံၤ တမ့ၢ်ပဃုထၢဘၣ်‚ ပကဃုထၢလၢ မ့ၢ်ပကမၤဘၣ်ဃးပသးဒီးနီၢ်သးအဒူၣ်ထၢမနုၤတခီ ပမၤသ့၀ဲန့ၣ်လီၤႉ ပမ့ၢ်စူၢ်နာ်ယ့ၣ်။းအမံၤန့ၣ် ကစၢ်ဟ့ၣ်ပှၤတၢ်ခွဲးတၢ်ယာ် လၢပကကဲထီၣ်ဘၣ်အဖိ တဖၣ်လီၤ (ယိၤ ၁း၁၂) ႉ
မတၤမ့ၢ်နနီၢ်သးအပၢ်လဲၣ်ႉ မ့ၢ်နပာ်လီၤသးလၢ နကပိာ်ယ့ၣ်။းအခံလံဧါႉ မ်တနံၤအံၤ ကမ့ၢ်၀ဲနံၤတနံၤ လၢနနာ်ယ့ၣ်။း လၢအပျၢ်နတၢ်ဒဲးဘးတဖၣ် ဒီးကဲထီၣ် ယွၤအဒူၣ်အထၢတက့ၢ်ႉ