ကၠီန်ဘဲးဘ်လၢၣ် မ့ၢ်တၢ်အိၣ်ဖှိၣ်သရၠာစးၣ် ဖဲပၢၤကီၢ်ဒီးတၢ်မၤပံာ်မ့ၣ်အူ၀ဲၤကျိၤ‚ ကီၢ်စဲၣ် ထဲးကစဲး နှၣ်လီၤႉ အ၀ဲန့ၢ်ဘၣ်တၢ်အခွဲးအယာ် လၢကထီၣ်ဘၣ် ပၢၤကီၢ်သီသံၣ်ဘှဲ အတၢ်မၤလိ ဒ်သိးအ၀ဲကနၢ်ပၢၢ်အါထီၣ် တၢ်အိၣ်သးမၤသး လၢပၢၤကီၢ်တဖၣ် ဘၣ်ကွၢ်ဆၢၣ်မဲာ် ဖဲအ၀ဲသ့ၣ်ဂုာ်ကျဲးစၢးလၢ ထံဖိကီၢ်ဖိတဖၣ် ကဒိကနၣ်ပာ်ကဲ ပဒိၣ်အတၢ်သိၣ်တၢ်သီတဖၣ် န့ၣ်လီၤႉ ခီဖျိ တၢ်ရၠာစး့လိာ်သကိးသးဒီး ခိၣ်နၢ်သီသံၣ်ဘှဲဖိတဖၣ်‚ ဒီးမၤလိသကိးဘၣ် တၢ်တၤဒီးတၢ်ကီတၢ်ခဲအဒိၣ်အမုၢ် လၢတၢ်ဖံးတၢ်မၤအပူၤန့ၣ်‚ ဘဲးဘလၢၣ် ဒိးန့ၢ်တၢ်သ့ၣ်ညါအသီ ဘၣ်ဃး တၢ်ဆီၣ်လီၤသး ဒီးတၢ်သ့တူၢ်သကိးတၢ်အဂ့ၢ်တဖၣ်လီၤႉ မုၢ်နံၤလၢ အကဟဲဆူညါန့ၣ်‚ အ၀ဲမုၢ်လၢ်၀ဲလၢ အတၢ်မၤတဖၣ် ကတုၤလီၤတီၤလီၤ ဒီးကဲဘျုးအါထီၣ် လၢပၢၤကီၢ်ခိၣ်တဖၣ်အဂီၢ် လၢအဂုာ်ကျဲးစၢးသပှၢ်ပှၢ် အိၣ်ဒီးသးအတၢ် ဘၣ်ဒိ‚ တၢ်လီၤဘှံးလီၤဘှါဒီး တၢ်လီၤမၢ် တဖၣ်အဃိလီၤႉ
ပသ့ၣ်ညါလၢ ယွၤနၢ်ပၢၢ် ပတၢ်ကွၢ်ဆၢၣ်မဲာ်တဖၣ် မ့ၢ်လၢယွၤအနီၢ်ကစၢ် တ့လီၤပှၤဒီး ထံၣ်တၢ်မၤအသးဒီးပှၤ ကိးမံၤဒဲးအဃိလီၤႉ ပသ့ၣ်ညါစ့ၢ်ကီး လၢအ၀ဲ နၢ်ပၢၢ်ပှၤန့ၣ် မ့ၢ်အ၀ဲဟဲအိၣ်လၢဟီၣ်ခိၣ်အံၤ ဒီးလဲၤခီဖျိအတၢ်အိၣ်မူ ဒ်ပှၤကူပှၤကညီ သ့ၣ်တဖၣ်အဃိလီၤႉ အ၀ဲ ‘‘ကဲထီၣ်လၢတၢ်ညၣ်ဒီး အိၣ်၀ဲဆိး၀ဲလၢပကျါ’’ လၢအမ့ၢ် ကစၢ်ခရၠာစးံာ်အဃိလီၤ (ယိၤ ၁း၁၄) ႉ ယ့ၣ်။းအတၢ်အိၣ်မူ လၢဟီၣ်ခိၣ်အံၤ အိၣ်စ့ၢ်ကီးဒီး တၢ်ကီတၢ်ခဲအါမံၤလီၤႉ အ၀ဲတူၢ်ဘၣ် မုၢ်အတၢ်ကိၢ်‚ တၢ်သၣ်၀ံၤ‚ တၢ်အိၣ်ဆိးလီၢ်ကျဲ တအိၣ်ဘၣ်တဖၣ်လီၤႉ ဘၣ်ဃးလၢသးအတၢ်ဟူးဂဲၤတကပၤန့ၣ် အ၀ဲဘၣ်ပၢၢ်ဆၢတၢ်‚ တဘၣ်သူၣ်ဘၣ်သးအီၤ‚ တၢ်သးဘၣ်ဒိလၢ အဘၣ်တၢ်ဆါလီၤအီၤအဃိ‚ ဒီး တၢ်ပျံၤ တၢ်ဖုး ဘၣ်ဃးတၢ်မၤဆူၣ်မၤစိးတဖၣ်လီၤႉ
ယ့ၣ်။းအိၣ်ဒီးတၢ်သးခု လၢအဒိးန့ၢ်၀ဲ လၢတၢ်ရၠာစး့တံၤရၠာစး့သကိးအပူၤမ့ၢ်ဂ့ၤ လၢဟံၣ်ဖိဃီဖိ အတၢ်အဲၣ်အပူၤမ့ၢ်ဂ့ၤအသိး‚ အိၣ်စ့ၢ်ကီးဒီး တၢ်ကီတၢ်ခဲအအၢကတၢၢ် တဖၣ် ဒ်ပ၀ဲပှၤဟီၣ်ခိၣ်ဖိ ပကွၢ်ဆၢၣ်မဲာ်ဘၣ် လၢဟီၣ်ခိၣ်အသိးလီၤႉ အ၀ဲဟ့ၣ်ပှၤလၢ တၢ်မုၢ်လၢ်လီၤႉ အ၀ဲမ့ၢ် တၢ်လီၤလး‚ ပှၤကူၣ်လိာ်တၢ် လၢအဒိကနၣ် ပတၢ်ဘၣ်ယိၣ် တဖၣ် လၢတၢ်၀ံသးစူၤအပူၤ‚ အိၣ်ဒီးတၢ်နၢ်ပၢၢ်ပှၤ တၢ်ကဟုကယာ်ပှၤန့ၣ်လီၤ (ယ့ှှါ ၉း၆) ႉ အ၀ဲမ့ၢ်ပှၤတဂၤ လၢအစံးဘၣ်ပှၤ‚ ‘‘ယခီဖျိတၢ်တဖၣ်၀ံၤလံ‚ ယနၢ်ပၢၢ်ယဲလီၤ’’ န့ၣ်လီၤႉ