ဖဲ ၂၀၀၂ နံၣ်‚ ယဒီပုၢ်၀ဲၢ်မုၣ်မၢ်သၤဒီးအ၀ၤသးဘိ ကၠ့ၣ်မ် စူးကွံာ်အသးလၢ တၢ်မၤအသးသတူၢ်ကလာ်တခါအပူၤ စှၤလါ၀ံၤအလီၢ်ခံ‚ တံၤသကိးတဂၤ ကွဲမုာ်ယၤဆူတၢ်စံးကတိၤတဲသကိးတၢ် ဘၣ်ဃးတၢ်ဂ့ၢ်ခိၣ်တီ ‘‘တၢ်ဒိၣ်ထီၣ် ခီဖျိတၢ်သးအုး’’ ဖဲပတၢ်အိၣ်ဖှိၣ်န့ၣ်လီၤႉ ယအၢၣ်လီၤလၢ တၢ်သးတဆူၣ်ကဲၣ်ဆိးအပူၤ လၢယကဟဲထီၣ် တၢ်စံးကတိၤသကိး အဆိကတၢၢ်တကတီၢ်န့ၣ်လီၤႉ ဘၣ်ဆၣ် ယတတိာ်ပာ်လၢ ယကလဲၤကဒီးက့ၤဘၣ်ႉ လၢတၢ်ကမၢကမၣ်အပူၤ‚ ယထံၣ်န့ၢ် ကမျၢၢ်ဒူၣ်ထၢ တထၢ လၢအဘၣ်ကွၢ်ဆၢၣ်မဲာ်အတၢ်လီၤမၢ်ဖးဒိၣ်လၢ အတၢ်အိၣ်မူအပူၤန့ၣ်လီၤႉ အ၀ဲသ့ၣ်ထၢၣ်ဂၢၢ်အသးဒီး ဃုတၢ်မၤစၢၤလၢယွၤ ဒီးလၢပှၤဂုၤပှၤဂၤတဖၣ်အအိၣ် န့ၣ်လီၤႉ တနွံဘၣ်တနွံ ယလဲၤက့ၤကဒီး‚ ဒ်ယဂဲၤလိာ် လၢယကသ့တူၢ်လိာ် တၢ်မၤအသးဒီးပှၤ ဒီးမၤန့ၢ်သး အတၢ်ဃူတၢ်မုာ်‚ ခီဖျိ တၢ်နီၤဟ့ၣ်လိာ်သကိးသး လၢပတၢ်သးအုးအပူၤ န့ၣ်လီၤႉ
ဒ်ပှၤလၢပအဲၣ်အီၤ မ့တမ့ၢ် တံၤသကိးတဂၤ အတၢ်လီၤမၢ်သတူၢ်ကလာ် အသိး န့ၣ်‚ ခရၠာစးံာ်အပှၤအုၣ်အသး စီၤစတ့းဖၣ်လၢ အသူၣ်ဆူၣ်အသးဂဲၤတဂၤ အတၢ်သံန့ၣ် ဟဲစိာ်န့ၢ်တၢ်ဖုးသွံၣ်ဖုးထံဒီးတၢ်သးအုး ဆူပှၤခရၠာစးံာ်ဖိအဆိတဖၣ်အအိၣ်န့ၣ်လီၤ (မၤ ၇း၅၇-၆၀) ႉ လၢတၢ်ကွၢ်ဆၢၣ်မဲာ်ဘၣ် တၢ်နးတၢ်ဖှီၣ်အပူၤ‚ ‘‘ပှၤယူးယီၣ်ယွၤတဖၣ် လဲၤခူၣ်လီၤကွံာ် စီၤစတ့းဖၣ်‚ ဒီးဟီၣ်တၢ်ယၢၤတၢ်လၢအဃိဒိၣ်ဒိၣ်ကလဲာ်လီၤ’’ (၈ း၂) ႉ ပှၤစူၢ်တၢ်နာ်တၢ်တဖၣ် မၤသကိးတၢ်ခံမံၤလီၤႉ အ၀ဲသ့ၣ်ခူၣ်လီၤ စီၤစတ့းဖၣ်‚ ဒ်တၢ်ပာ်လီၤအဒဲဟီၣ်ခိၣ်ဒီး တၢ်လီၤမၢ်လီၤႉ ဒီးအ၀ဲသ့ၣ်ဟီၣ်တၢ်ယၢၤတၢ်ဒိၣ်ဒိၣ် ကလဲာ်လၢအဂီၢ်‚ ဒ်တၢ်ပာ်ဖျါသကိး အတၢ်သးအုးန့ၣ်လီၤႉ
ဒ်ပှၤပိာ်ယ့ၣ်။းအခံတဖၣ်အသိး‚ အလီၢ်တအိၣ်ဘၣ်လၢ ပကဟီၣ်ပယၢၤ သးအုးတၢ်ထဲတဂၤဧိၤန့ၣ်ဘၣ်ႉ လၢတၢ်သးအိၣ်နီၢ်နီၢ်ဒီး တၢ်အဲၣ်အပူၤ‚ ပယူာ်ဃီၤပစု ဆူပှၤလၢအသူၣ်အုးသးအုးတဖၣ်‚ ဒီးလၢတၢ်ဆီၣ်လီၤသးအပူၤ‚ ပတူၢ်လိာ် ပှၤအိၣ်ဆၢထၢၣ်လၢပဃၢၤတဖၣ် အတၢ်သးအိၣ်ပှၤသ့၀ဲန့ၣ်လီၤႉ
ဒ်ပသူၣ်အုးသးအုးသကိး တပူၤဃီအသိးန့ၣ်‚ ပဒိၣ်ထီၣ်လၢ တၢ်နၢ်ပၢၢ်ဒီး တၢ်ဃူတၢ်ဖိးအပူၤ‚ ခီဖျိကစၢ်ယ့ၣ်။းခရၠာစးံာ် လၢအသ့ၣ်ညါပတၢ်သးအုးအယိာ် ကတၢၢ်န့ၣ်လီၤႉ