ယကွၢ်ဃုတၢ် လၢထံဖံးခိၣ်လီၤတံၢ်လီၤဆဲး‚ ဒ်ယအိၣ်ဒီး သးသဒ့ၣ် လၢတၢ်ကီတၢ်ခဲ ကအိၣ်ထီၣ်တမံၤမံၤဧါအဃိန့ၣ်လီၤႉ လၢတၢ်ဆၢကတီၢ် ဃုနၣ်ရၠာစးံၣ်အတီၢ်ပူၤ‚ ဒ်ပှၤခိး ပှၤသးသမူတဂၤအသိး‚ ယအိၣ်ခိးကွၢ်တၢ် လၢကမါအကပၤ ဒ်သိးယကမၤလီၤတံၢ် လၢပှၤပှီၢ်ထံဖိတဖၣ် ကပူၤဖျဲးဒီးတၢ်ကီတၢ်ခဲအဂီၢ်န့ၣ်လီၤႉ ယဟးထီၣ်လၢယလီၢ်‚ မ့တမ့ၢ် ယသးမ့ၢ်လီၤသပ့ၤ လၢတၢ်ခိးကွၢ်တၢ်အံၤဒီး‚ တၢ်ကကဲထီၣ်မၤအသးအၢအၢသီသီ လၢကမါပူၤသ့၀ဲ န့ၣ်လီၤႉ ပှၤပှီၢ်ထံတဂၤ‚ မ့ၢ်လၢအဘၣ်ဒိဘၣ်ထံး မ့တမ့ၢ် လၢပှီၢ်ထံတသ့ဂ့ၤဂ့ၤအဃိ‚ မ့ၢ်ဘူးလၢကလီၤအုးထံန့ၣ်ဒီး‚ ယအိၣ်ဒီးမူဒါ ဒ်သိးယကလဲၤထုးထီၣ်အီၤ လၢထံကျါ ဒီးဆှၢက့ၤအီၤဆူ ကမါအကပၤအဂီၢ်န့ၣ်လီၤႉ
ကစၢ်ယွၤမၤစၢၤ စီၤဒၤ၀ံး ဖဲအဒုးလိာ်အသးဒီး ပှၤဖလ့့ှှသးဖိတဖၣ် (၂ ့ှှမိၤ၂၁း၁၅-၂၂) န့ၣ်‚ အ၀ဲပာ်ဖျါ တၢ်မၤအသးဒီးအီၤအံၤ ဒ်အဘၣ်တၢ်ထုးထီၣ်အီၤ လၢထံ အအါအကျါ (၂၂း၁၇) န့ၣ်လီၤႉ စီၤဒၤ၀ံးအနီၢ်ကစၢ်ဒၣ်၀ဲဒီး အပှၤသုးဖိတဖၣ် အသးသမူ အိၣ်လၢ တၢ်လီၤဘၣ်ယိၣ်ဘၣ်ဘီဖးဒိၣ်အကတီၢ် လၢဒုၣ်ဒါတဖၣ်အစုပူၤန့ၣ်လီၤႉ ယွၤဟံးထီၣ်က့ၤစီၤဒၤ၀ံး ဒ်သိးအသုတဟးဂီၤကွံာ် လၢတၢ်အၢတၢ်သီ တၢ်နးတၢ်ဖှီၣ် အပူၤအဂီၢ်န့ၣ်လီၤႉ ဖဲလၢပှၤခိးပှၤသးသမူ ဘၣ်တၢ်ဟ့ၣ်အီၤတၢ်ဘူးတၢ်လဲ ဒ်သိး အကခိးကွၢ်ဒီး မၤလီၤတံၢ် ဒ်သိးပှၤပှီၢ်ထံတဖၣ်အသးသမူအသုတလီၤမၢ်န့ၣ်‚ ကစၢ်ယွၤ မၤပူၤဖျဲးစီၤဒၤ၀ံး‚ မ့ၢ်လၢယွၤဘၣ်အသး လၢအီၤအဃိန့ၣ်လီၤ (း၂၀) ႉ ယသးပူၤပှဲၤဒီး တၢ်သးခု ဖဲယသ့ၣ်ညါဘၣ် လၢယွၤအံးကွၢ်ယၤဒီး ကဟုကယာ်ယၤအံၤ တမ့ၢ်ထဲလၢ တၢ်လီၤဘၣ်အီၤ လၢကဘၣ်မၤ၀ဲဘၣ်ဆၣ် မ့ၢ်လၢအအဲၣ်ဒိးမၤ၀ဲအဃိန့ၣ်လီၤႉ
ဖဲတၢ်မၤအသးဒီး ပှၤလၢပဘၣ်တၢ်မၤနၢၤ ပှၤလၢတၢ်ကိၢ်တၢ်ဂီၤဒီး တၢ်ကီတၢ်ခဲ လၢပသးသမူအပူၤန့ၣ်‚ ပအိၣ်ဒီးတၢ်သးမံသ့‚ မ့ၢ်လၢပသ့ၣ်ညါ လၢယွၤမ့ၢ် ပှၤခိးပသး သမူ‚ ထံၣ်ပတၢ်ဂဲၤလိာ်လၢ ပတၢ်အိၣ်မူ‚ ဒီးမ့ၢ်လၢအဘၣ်အသးလၢပှၤအဃိ‚ အ၀ဲကွၢ်ထွဲပှၤဒီး ဒီသဒါပှၤလၢတၢ်အၢတၢ်သီန့ၣ်လီၤႉ