ကၠီန်ႉအဲးဖ်ႉဘဲန် မၤတၢ်အနံၣ် (၄၀) ဒ်ပှၤကွဲးပာ်ဖျါ ဟီၣ်ခိၣ်ဒီဘ့ၣ် တၢ်ကစီၣ်လၢ နယူယီး တဲမ်စ်တၢ်ပရၠာစးၢအဂီၢ်န့ၣ်လီၤႉ လၢတၢ်ကွဲးလၢ အကွဲး၀ဲ ဖဲအအိၣ်ဘှံးက့ၤ လၢတၢ်မၤဖဲ၂၀၁၅အပူၤ‚ ဘဲန် ပာ်ဖျါက့ၤ တၢ်ကတိၤလၢ အတံၤသကိးဒီး ပှၤမၤသကိးတၢ် ဒ်ပှၤကွဲးတၢ်ကစီၣ်တဂၤ လၢအဘူးတ့ၢ်မး လၢကသံလၢ ခဲစၢၣ်တၢ်ဆါန့ၣ်လီၤႉ ပှၤမၤသကိးတၢ်အံၤစံး၀ဲ‚ ‘‘သးပ့ၤနီၣ် နီတဘျီတဂ့ၤ‚ နလဲၤတၢ်ဆံးယံၤလဲၣ်န့ၣ် တမ့ၢ်တၢ်လၢ အကါဒိၣ်ဘၣ်‚ တၢ်လၢအကါဒိၣ်မ့ၢ် နဟဲက့ၤစိာ် တၢ်မနုၤလဲၣ်’’ န့ၣ်လီၤႉ
ထါစံးထီၣ်ပBတၢၤ ၃၇‚ ဘၣ်တၢ်ပာ်အီၤ ဒ်စီၤဒၤ၀ံး ပာ်ဖျါတၢ်လၢအဟဲက့ၤစိာ်လၢ အသးသမူအတၢ်လဲၤ‚ ဒ်လၢပှၤကွၢ်သိဆူ ပှၤသုးဖိဒီး ဆူစီၤပၤန့ၣ်လီၤႉ ထါစံးထီၣ်ပBတၢၤ မ့ၢ်တၢ်ကွဲးအကBတူၢ် လၢအထိၣ်သBတီၤပာ်ဖျါ ပှၤလၢ အအၢအသီဒီး ပှၤတီပှၤလိၤ ဒီးကွဲးဖျါလီၤတံၢ်လီၤဆဲး လၢပှၤစူၢ်ပှၤနာ်ယွၤတဖၣ်အဂ့ၢ်န့ၣ်လီၤႉ
‘‘မၤကိၢ်ထီၣ်နသး လၢပှၤတၢ်အၢဖိအဃိတဂ့ၤ‚ သးက့ၣ် ပှၤမၤအၢမၤသီတၢ်တဂ့ၤ‚ အဂ့ၢ်ဒ်အံၤ‚ ကဘၣ်တၢ်ကူးကွံာ်ခ@သဒံး‚ ဒ်တီၢ်မုၢ် အသိး‚ ဒီးဒ်နီၣ်ဧိၤမံၤဧိၤ အသံကစဲာ်အသိးန့ၣ် ကလီၤညွံးကွံာ်၀ဲလီၤ’’ (း၁-၂) / ‘‘ယွၤဒုးထွဲပှၤကညီအခီၣ်လီၤ‚ ဒီးမုာ်လၤ၀ဲလၢ အကျဲလီၤႉ မ့ၢ်လီၤဃံၤ၀ဲ ဘၣ်ဆၣ်ဒီး တဟးဂီၤတုၤအလၢာ်ဘၣ်‚ အဂ့ၢ်ဒ်အံၤ‚ ယွၤမၤစၢၤအီၤလၢအစုလီၤ’’ (း၂၃-၂၄) ႉ
‘‘ယမ့ၢ်တ့ၢ်ပှၤအသးစၢ်‚ ယကဲထီၣ်လံပှၤအသးပှၢ်လံ‚ ဒီးပှၤတီပှၤလိၤဘၣ်တၢ်လဲၤ သဒၣ်အီၤမ့ၢ်ဂ့ၤ‚ အချံအသၣ်ဃ့အီၣ်တၢ်မ့ၢ်ဂ့ၤန့ၣ်ယတထံၣ်ဘၣ်’’ (း၂၅) ႉ
လၢပသးသမူအတၢ်လဲၤခီဖျိအပူၤ‚ ယွၤသိၣ်လိပှၤမနုၤလဲၣ်‚ ပကလၢၢ်ဘၣ်အတၢ်တီတၢ်လိၤဒီးအတၢ်အဲၣ်ဒ်လဲၣ်‚ ယွၤအတၢ်အဲၣ် ဘှီပတၢ်အိၣ်မူ လၢကဲျဒ်လဲၣ် တဖၣ်လဲၣ်‚ ပလဲၤတၢ်ဆံးယံၤ လၢပတၢ်အိၣ်မူပူၤ တမ့ၢ်တၢ်လၢအကါဒိၣ်ဘၣ်‚ ပမၤန့ၢ်တၢ်မနုၤန့ၣ် မ့ၢ်တၢ်လၢအကါဒိၣ်န့ၣ်လီၤႉ