မုၢ်အိၣ်ဘှံးနံၤတသီ‚ ယဆၢထၢၣ် လၢထံကျိဖိလၢအယွၤလီၤ ဒီးလဲၤတၢ် ခီဖျိ၀့ၢ်လိဒိၣ် ကလံၤစိးတၢ်လီၢ်က၀ီၤဒီး ယသူၣ်ဖှံသးညီ လၢအဟဲစိာ်န့ၢ်တၢ်ဃံတၢ်လၤ လၢပလီၢ်က၀ီၤအံၤ အဃိန့ၣ်လီၤႉ ယပလၢၢ်ဘၣ်ယနီၢ်ကစၢ်ဒၣ်ယဲ တၢ်မၤမုာ်ယသး ဖဲယကွၢ်ထံလီၤဆူ ဒီးကနၣ်ထိၣ်ဖိသ့ၣ်တဖၣ် ပရၤသီၣ် (သး၀ံၣ်တၢ်) န့ၣ်လီၤႉ ယအိၣ် ကတီၢ်တစိၢ်ဖိ ဒီးစံးဘျုးယွၤ လၢအ၀ဲမၤစၢၤပှၤ ဒ်သိး ပကဃုတၢ်အိၣ်ဘှံး လၢပသးအဂီၢ်အဃိန့ၣ်လီၤႉ
ကစၢ်ယွၤ ဒုးအိၣ်ထီၣ် မုၢ်အိၣ်ဘှံးနံၤ – ဆၢကတီၢ်လၢ ကအိၣ်ဘှံးဒီး ကမၤသီထီၣ်က့ၤတၢ် – လၢအပှၤဂီၢ်မုၢ် လၢအအိၣ် လၢပှၢ်မုၢ်ကနၢတဖၣ်အဂီၢ် မ့ၢ်လၢအဲၣ်ဒိး၀ဲ လၢအ၀ဲသ့ၣ် ကဂုၤထီၣ်ပသီထီၣ်န့ၣ်လီၤႉ ဒ်ပထံၣ်ဘၣ်လၢ လံာ် ၂ မိၤဒီး အပူၤအသိး‚ ကစၢ်ယွၤတဲဘၣ်အ၀ဲသ့ၣ် လၢ ကသူၣ်လီၤတၢ် လၢစံာ်ပျီပူၤဃုသီ ဒီးအိၣ်ဘှံးလၢနွံသီအနံၤ န့ၣ်လီၤႉ အဃိ ဒ်သိးသိးလၢပကမၤတၢ်ဃုသီ ဒီးအိၣ်ဘှံး လၢနွံသီအနံၤန့ၣ်လီၤႉ ကစၢ်ယွၤအတၢ်အိၣ်မူအကျဲအံၤ ဒုးအိၣ်လီၤဆီ ပှၤအံၣ်စရၠာစး့လးဖိတဖၣ် လၢကီၢ်အဂၤ‚ တမ့ၢ်ထဲလၢအ၀ဲသ့ၣ်ဘၣ် ပှၤတခီဘီမုၢ်ဖိသ့ၣ်တဖၣ် ဒီးကုၢ်သ့ၣ်တဖၣ် လၢအအိၣ်လၢ အဟံၣ်ဃီပူၤတဖၣ်စ့ၢ်ကီး ပျဲအလူၤပိာ်ထွဲတၢ်အဒိအတဲာ်အံၤန့ၣ်လီၤႉ
ပသုးဘူးပသး ဆူပကအိၣ်ဘှံးအသီ လၢတၢ်မုၢ်လၢ်ဒီး တၢ်မၤကဲထီၣ်တၢ်အသီ ခီဖျိတၢ်တူၢ်လိာ်မုာ်တၢ်ခွဲးယာ်အံၤ လၢပကဘူၣ်သကိးဘါသကိးတၢ်ဒီးမၤဆူၣ်ထီၣ် ပသးအဂံၢ်ဘါလီၤႉ တၢ်အံၤကလီၤဆီလိာ်သး လၢပတၢ်ဃုထၢအဖီခိၣ်န့ၣ်လီၤႉ ပှၤတနီၤကသးအိၣ်လိာ်ကွဲ‚ တနီၤကမၤဃံမၤလၤအဖီကရၠာစးၢၢ် ဒီးတနီၤကကွဲတံၤကွဲသကိး‚ ဒီးဟံၣ်ဖိဃီဖိတဖၣ် လၢတၢ်အီၣ်သကိးအီသကိးတၢ်‚ ဒီးတနီၤကမံ‚ ကအိၣ်ဘံှးန့ၣ်လီၤႉ
မုၢ်နံၤလၢတၢ်ပာ်လီၤဆီအီၤ ဒ်ပကအိၣ်ဘှံးအဂီၢ်အတၢ်ဃံတၢ်လၤ ဒီး တၢ်ထူးတၢ်တီၤတဖၣ်အံၤ မ့ၢ်ဟါမၢ်လၢပတၢ်အိၣ်မူပူၤဒီး ပကဃုထံၣ်က့ၤအီၤဒ်လဲၣ်ႉ