တၢ်ဆၢကတီၢ်လၢခံကတၢၢ်လၢယတၢ်ကွဲးအဂီၢ်အံၤ မၤပျံၤမၤဖုးယၤလီၤႉ ဖဲန့ၣ်အခါ တၢ်ဆိကမိၣ်တဖၣ် မၤတံာ်တာ်ယၤ လၢအဘၣ်ဃးဒီး တၢ်ဂ့ၢ်လိာ်ဘှီလိာ်လၢယ၀ၤ စ့ၢ်ကီးလီၤႉ ယကွၢ်စူာ်ခီၣ်ဖၠူထၢၣ်ပျၢ်ခိၣ် ပံာ်လ့ပံာ်လ့ ဒီးယပာ်လီၤယစု လၢခီၣ်ဖၠူထၢၣ်စဲးဒိလာ် အဖီခိၣ်လီၤႉ ကစၢ်ဧၢ‚ ယ၀ၤစ့ၢ်ကီးကမၣ်၀ဲဒၣ်လီၤႉ
ဖဲခီၣ်ဖၠူထၢၣ်ဖျါထဲအသူန့ၣ် ယမဲာ်ထီၣ်ဒုထီၣ်လီၤႉ တၢ်ကမၣ် လၢယတူၢ်လိာ်အီၤတသ့တဖၣ် မၤတံာ်တာ်ယၤ န့ၣ်ဒံး တၢ်မၤလၢယမဲာ်ညါအံၤလီၤႉ တၢ်အံၤ မၤဖ့ၣ်ဆၢယတၢ်ဘၣ်ထွဲဒီးယ၀ၤ ဒီးကစၢ်ယွၤန့ၣ်လီၤႉ
ယဟံးထီၣ် ယလီတဲစိ ဒီးယယူၢ်လီၤကွံာ်ယတၢ် ပာ်ထီၣ်ထီယသး ဒီးယဃ့ကညးအီၤလီၤႉ ယ၀ၤသးဘိစ့ၢ်ကီး ဃ့ကညးယၤအဃိ မၤန့ၢ်က့ၤတၢ်မၤဃူမၤဖိး အတၢ်မုာ် တၢ်ပၢၤန့ၣ်လီၤႉ ယစံးဘျုးကစၢ်ယွၤ ဒီးယမၤ၀ံၤက့ၤ ယလံာ်တၢ်ကွဲး လၢအဆၢကတီၢ်ဘၣ်၀ဲလီၤႉ
ပှၤအံၣ်စရၠာစး့လးဖိသ့ၣ်တဖၣ် လဲၤခီဖျိဘၣ် တၢ်ဒဲးဘးအတၢ်ဆါ ဒီးတၢ်မၤဂ့ၤ ထီၣ်က့ၤ တၢ်သးခုလီၤႉ စီၤယိၤ။ ဟ့ၣ်ပလီၢ်ယွၤအပှၤဂီၢ်မုၢ် ဒ်သိးအတမၤထူးထီၣ် တီၤထီၣ်အသး လၢ၀့ၢ်ယရၠာစးံၤဃိအတၢ်ဒုးအပူၤလီၤ (ယိၤ။ ၆း၁၈) ႉ ဘၣ်ဆၣ် စီၤဧၤကၣ် ဟုၣ်န့ၢ်တၢ်ပိးတၢ်လီ လၢတၢ်ဖီၣ်န့ၢ်တၢ်အခါဒီး ပာ်ခူသူၣ်၀ဲလၢအဒဲပူၤလီၤ (၇း၁) ႉ ထဲဒၣ်လၢ အ၀ဲ အတၢ်ဒဲးဘးအံၤ ဘၣ်တၢ်ပာ်ဖျါထီၣ်အီၤ ဒီးမၤဘၣ်ဘျီးဘၣ်ဒါက့ၤအီၤန့ၣ် (း၄-၁၂) ပှၤဂီၢ်မုၢ်မၤန့ၢ်က့ၤ တၢ်ဃူတၢ်ဖိးဒီးယွၤလီၤႉ
ဒ်သိးဒီးစီၤဧၤကၣ်န့ၣ် ပတဆိကမိၣ်လၢ ပဆီၣ်နုာ်လီၤတၢ်ဒဲးဘး လၢပယၣ်ဒဲ အပူၤ လၢအကမၤယံၤပသးဒီးယွၤ ဒီးမၤဘၣ်ဒိဘၣ်ထံးပှၤလၢပဃၢၤဘၣ်ႉ တၢ်တူၢ်လိာ်ယ့ၣ်။း ဒ်ယွၤအသိး‚ တၢ်အၢၣ်လီၤပတၢ်ဒဲးဘး ဒီးတၢ်ဃုထံၣ်န့ၢ် တၢ်ပျၢ်တၢ်ဒဲးဘးအံၤ ဟ့ၣ်ပှၤသးအခီၣ်ဒီးၣ် လၢအမ့ၢ်တၢ်ဘၣ်ထွဲလၢအအိၣ်ဆူၣ်အိၣ်ခ@ ဒီးတီ၀ဲလိၤ၀ဲဒီးယွၤ ဒီးပှၤအဂၤလီၤႉ ခီဖျိလၢပဟ့ၣ်လီၤအးလီၤပသး ဆူတၢ်အဲၣ်ကစၢ်လၢ အတ့လီၤပှၤ ဒီးအံးကွၢ်ပှၤကိးနံၤတဂၤန့ၣ် ပမၤအတၢ်သ့ဒီးပသးခုဘၣ်လၢအမဲာ်ညါဃုာ်ဒီး ပှၤအဂၤ သ့စ့ၢ်ကီးလီၤႉ