နဲစံၣ် အီလာ်ဖးထံအခါ ကွၢ်ဃီၤ၀ဲဆူအသကိးအဟံၣ်အပဲတရၠာစးီအချၢဒီး သါသဖိှထီၣ် ၀ဲလီၤႉ တၢ်ကိၢ်ထီၣ်သီ အမူခိၣ်ထံဒီး မုၢ်အတၢ်ကပီၤသလၣ်ထီၣ်အလွဲၢ်လီၤဆီ လၢဖီတဖၣ် လၢပှၤသူၣ်ဃးအီၤ ဖီဒ့ၣ်ညါ‚ ဖီဖလီးစ်‚ ဖီအါရၠာစး့းစ်ဒီး ဖီမုၢ်ဃါဘီဘီဖိတဖၣ် အဖီခိၣ်လီၤႉ
စံး၀ဲလၢ တၢ်သးလီဖးဒိၣ်‚ ‘‘ယသးလီကွၢ်တၢ်၀ဲအံၤ လၢတပာ်ဃုာ်ဒီး တၢ်မၤဘၣ်’’ န့ၣ်လီၤႉ
ကျဲအဖုၣ်တနီၤနီၤန့ၣ် ဂ့ၤ၀ဲလၢ ပ့ကၢးမၤ၀ဲလီၤႉကျဲအဖုၣ်အဂၤန့ၣ် မၤဖုၣ်ထီၣ်ပသူၣ်ပသးဒီး မၤစၢ်လီၤ ပတၢ်အိၣ်မူလီၤႉ ပအဲၣ်ဒိးတၢ်အဲၣ်တၢ်ကွံလၢ အလီၤကမၢကမၣ် လၢအတပူၤဖျဲးဒီး တၢ်ကီတၢ်ခဲ‚ တၢ်သဘံၣ်ဘုၣ် ဖဲပကအၢၣ်လီၤပသးဆူ ပှၤတဂၤလၢအတလီၤဂာ်ဒီးပှၤ အခါလီၤႉ ပအဲၣ်ဒိးတၢ်အဒိၣ်အမုၢ် လၢအတအိၣ်ဒီး တၢ်လီၤဘၣ်ယိၣ်ဒီး တၢ်ဆံးလီၤစှၤလီၤလၢ အမ့ၢ်တၢ်လၢအခိၣ် လၢပတၢ်လဲၤခီဖျိ လၢပတၢ်အိၣ်မူနီၢ်ကီၢ်အပူၤန့ၣ်လီၤႉ ပအဲၣ်ဒိးမၤမုာ်ယွၤ သနာ်က့ တမ့ၢ်ဖဲပဘၣ်တၢ်မၤတမုာ်တပၢၤပှၤအခါဘၣ်ႉ
ကစၢ်ယ့ၣ်။းတဲ၀ဲ ပှၤလၢအပိာ်အခံတဖၣ် လၢကျဲအဖုၣ် လၢကဟးဆှဲး တၢ်ဃုထၢလၢအကီ လၢပကဟ့ၣ်လီၤပသး ဆူယွၤအအိၣ်န့ၣ်တအိၣ်ဘၣ်လီၤႉကစၢ်ခရၠာစးံာ် ဟ့ၣ်ပလီၢ်အပျဲၢ်အဘီၣ် လၢအမုၢ်လၢ်၀ဲတဖၣ်‚ ‘‘ပှၤလၢအဟံးထီၣ် ထဲၣ်အဘိ‚ ဒီးကွၢ်က့ၤတၢ်ဆူအလီၢ်ခံန့ၣ်‚ တ့ကၢးဘၣ်ဒီး ယွၤအဘီအမုၢ်နီတဂၤ ဘၣ်’’ (လူၤကၣ် ၉း၆၂) ႉ လၢပကပိာ်ခရၠာစးံာ်အခံအဂီၢ်န့ၣ် ပလိၣ်ဘၣ်တၢ်လဲလိာ် အခီၣ်ထံး လၢပတၢ်သးတီအဂီၢ်လီၤႉ
ဖဲပဃၣ်တရၠာစးံးပသး ဆူယ့ၣ်။းအိၣ် လၢတၢ်နာ်အပူၤန့ၣ် တၢ်မၤအံၤစးထီၣ်၀ဲ လီၤႉ ဘၣ်ဆၣ်တၢ်မၤအံၤ ကၢကီၣ်၀ဲလီၤႉ မ့ၢ်လၢအ၀ဲစံးစ့ၢ်ကီး၀ဲလၢမတၤတဂၤမး လၢအစူးကွံာ်ညိကွံာ်အသး ‘‘လၢယဂီၢ်ဒီးလၢတၢ်သးခုကစီၣ်အဂီၢ်န့ၣ် ကဆံးလီၤ စှၤလီၤလၢကဒိးန့ၢ်အဆံးတကယၤဒ်လဲၣ်ႉ ဆၢကတီၢ်ခဲအံၤဒီး ဆူညါလၢအကဟဲလၢ တၢ်အိၣ်မူအစိၤစိၤအဃၣ်ဃၣ်လီၤ’’ (မၢ် ၁၀း၂၉-၃၀) ႉ တၢ်မၤလၢပပိာ်ခရၠာစးံာ်အခံအံၤ ကီခဲ၀ဲလီၤႉ သနာ်က့န့ၣ် အ၀ဲဟ့ၣ်ပှၤ သးစီဆှံ ဒီးခိၣ်ဖးလၢအလၢပှဲၤ၀ဲ‚ တၢ်အိၣ်မူလၢအပှဲၤဒီးတၢ်သးခု ခဲကနံၣ်အံၤဒီးထီဘိတဘိယူၢ်ဃီန့ၣ်လီၤႉ