လၢအတယံာ်ဒံးဘၣ်န့ၣ် ယလဲလိာ်က့ၤယဒၢး ဖဲဟံၣ်လၢယဒိးလဲအီၤတဖျၢၣ်အပူၤ လီၤႉ ယတအဲၣ်ဒိးလၢ ယကသုးကွံာ်ထဲ ယတၢ်အဘိၣ်ဖးဒိၣ်တဖၣ်ဆူ ဒၢးအသီဒီး ယအဲၣ်ဒိး တၢ်အသီအလၢအပှဲၤခဲလၢာ်အဃိ တၢ်မၤအံၤ ယံာ်န့ၣ်ဒံး ယဆိကမိၣ်ဃး၀ဲ န့ၣ်လီၤႉ ဆၢကတီၢ်လဲၤပူၤကွံာ်အလီၢ်ခံ လၢတၢ်မၤကဆှဲကဆှီတၢ်ဒီး နီၤဖးပဲာ်ဖး တၢ်ဘိၣ်တဖၣ်၀ံၤန့ၣ် တၢ်လၢကဘၣ်တၢ်ဆူးကွံာ်‚ ဟ့ၣ် လီၤအီၤဒီး က့ၤစူးကါက့ၤအီၤသ့ၣ်တဖၣ်န့ၣ် ဘၣ်တၢ်ပာ်အီၤ ဖဲဟံၣ်မဲာ်ညါပဲBတီန့ၣ်လီၤႉ ဘၣ်ဆၣ် ဖဲတၢ်မၤလၢ အလီၤသးဘှံးဖးဒိၣ်အံၤ ၀ံၤအလီၢ်ခံန့ၣ် ဒၢးဃံလၤ ဟဲအိၣ်ဖျါထီၣ်ဒီး မၤသူၣ်ဟူးသးဂဲၤယၤလၢ ယကအိၣ်ဘၣ်လီၤႉ
ယတၢ်မၤကဆဲှကဆှီဟံၣ်တဘျီအံၤ ဟ့ၣ်ယၤ တၢ်ထံၣ်အသီ ဖဲ ယဖးလံာ် ၁ ပ့း ၂း၁ န့ၣ်လီၤႉ ‘‘ပာ်ကွံာ် ကယဲၢ်တၢ်အၢတၢ်သီ‚ ဒီးကယဲၢ်တၢ်လွဲတၢ်လဲး‚ ဒီး တၢ်လီတၢ်၀့ၤ‚ ဒီးတၢ်သူၣ်ကါသးကါ‚ ဒီးကယဲၢ်တၢ်စံးအၢစံးသီ‚’’ တၢ်လၢအလီၤထုးန့ၢ်ပသးန့ၣ် မ့ၢ်အ၀ဲသ့ၣ်အတၢ်အိၣ်မူအသီလၢခရၠာစးံာ်အပူၤ လၢတၢ်အၢၣ်လီၤအတၢ်ဒဲးဘးအလီၢ်ခံ (၁း၁-၁၂) ‚ ဖဲစီၤပ့းတ့ှူးသဆၣ်ထီၣ်အ၀ဲသ့ၣ် အခံ လၢ ကစူးကွံာ်ညိကံွာ်အလုၢ်အလၢ်လၢ အမၤဟးဂီၤတၢ်သ့တဖၣ် (၁း၁၃-၂း၃) န့ၣ်လီၤႉ ဖဲပတၢ်လဲၤတၢ်ဒီး ယွၤသဘံၣ်ဘုၣ်အသး ဒီးပတၢ်အဲၣ်လၢပှၤဂၤအဂီၢ် ဖ့ၣ်ဆၢ၀ဲန့ၣ် တၢ်သ့ၣ်တဖၣ်အံၤ တ့ကၢးလၢအကကဲထီၣ် တၢ်သံကွၢ်လၢပတၢ်အုၣ်ခီၣ် အဂ့ၢ်ဘၣ်ႉ ပဆီတလဲပတၢ်အိၣ်မူန့ၣ် တမ့ၢ်လၢပကဘၣ်တၢ်အုၣ်က့ၤခီၣ်က့ၤပှၤ ဘၣ်ႉ မ့မ့ၢ်တခီ ပဘၣ်တၢ်အုၣ်က့ၤခီၣ်က့ၤပှၤအဃိ ပဆီတလဲပသးလီၤႉ
ဒ်ပတၢ်အိၣ်မူအသီလၢ ခရၠာစးံာ်အပူၤအံၤ မ့ၢ်၀ဲတီ၀ဲအသိးန့ၣ် ပလုၢ်ပလၢ်လၢ အအၢတဖၣ်အံၤ ဟါမၢ်ကွံာ်၀ဲ လၢတနၤမုၢ်အတီၢ်ပူၤတသ့ဘၣ်ႉ အဃိကိးမုၢ်နံၤန့ၣ် ပကဘၣ်မၤကဆှဲကဆှီပဟံၣ်လီၤႉ ပကဘၣ်ဆူးကွံာ်တၢ်ခဲလၢာ် လၢအBတီဆၢ ပတၢ်အဲၣ်ပှၤဂၤလၢာ်လၢာ်ဆ့ဆ့ (၁း၂၂) ဒီးဒိၣ်ထီၣ်၀ဲဒၣ်န့ၣ်လီၤ (၂း၂) ႉ လၢခံဒီးလၢ တၢ်အသီတၢ်လီၢ် လၢအကဆှဲကဆှီအပူၤန့ၣ် ပကဒိးန့ၢ်ဘၣ်တၢ်လီၤကမၢကမၣ် လၢအမ့ၢ်တၢ်ဘှီထီၣ်က့ၤပှၤအသီ‚ ခီဖျိလၢခရၠာစးံာ်အစိကမီၤဒီးအသးသမူလီၤႉ