တၢ်ဆၢကတီၢ်တုၤဃီၤ လၢတၢ်ကဟ့ၣ်လီၤမူဒါ ဆူခိၣ်နၢ်အသီတဖၣ်အအိၣ်လီၤႉ လၢတၢ်ဒိလီၤဟ့ၣ်လီၤ အ၀ဲသ့ၣ်အလီၢ်အလၤ ဒ်ခိၣ်နၢ်တၢ်ခ့တၢ်ပှၤတဖၣ်အဂီၢ်န့ၣ်‚ တၢ်အိၣ်ဖှိၣ်သးပှၢ်တဖၣ် နုာ်လီၤမၤသကိးသ့ ပှၤအခီၣ် ဒ်တၢ်ရၠာစးဲၣ်တၢ်ကျဲၤတခါလၢ ကဘၣ် တၢ်သ့ၣ်နီၣ်အီၤန့ၣ်လီၤႉ ခိၣ်နၢ်တဂၤစုာ်စုာ်ဒီး တၢ်အိၣ်ဖှိၣ်သရၠာစးၣ် သ့ကွံာ် သကိးလိာ်အခီၣ်ယၢ်ခီယၢ်ခီလၢကမျၢၣ်အမဲာ်ညါန့ၣ်လီၤႉ
တၢ်လၢ အ၀ဲသ့ၣ်မၤလၢမုၢ်တနံၤန့ၣ်‚ မ့ၢ်ကစၢ် ယ့ၣ်။း မၤတ့ၢ်‚ ဟ့ၣ်တ့ၢ်၀ဲ အဒိအတဲာ်န့ၣ်လီၤ (ယိၤ ၁၃) ႉ လၢတၢ်အမၤအသးဒ်န့ၣ် ဖဲကစၢ်ယ့ၣ်။းဒီး အပျဲၢ်အဘီၣ် တဖၣ် အီၣ်သကိးဟါတၢ်အီၣ် ဒ်တၢ်ကိးလၢ ဟါတၢ်အီၣ် လၢခံကတၢၢ်တဘျီ ၀ံၤအကတီၢ်န့ၣ် ကစၢ်ယ့ၣ်။းဟံးန့ၢ် သရၠာစးာ်ဒီးဒၢနုာ်ထံဆူအအိပူၤ၀ံၤ ဒီးသ့ကွံာ်အပျဲၢ်တဖၣ်အခီၣ် န့ၣ်လီၤ (ယိၤ ၁၃း၄-၅) ႉ ဒီးကစၢ်ယ့ၣ်။းတဲနၢ်ပၢၢ် အပျဲၢ် တဖၣ်လၢ ဘၣ်မနုၤအဃိ အ၀ဲမၤတၢ်ဒ်န့ၣ်အဂ့ၢ်လီၤႉ ကစၢ် စံး၀ဲ‚ ကုၢ်တဒိၣ်န့ၢ်ဘၣ် အကစၢ်ဘၣ်ႉ ဒီးပှၤတၢ်မၢဖိတဒိၣ်န့ၢ်ဘၣ် ပှၤလၢ အမၢလီၤအီၤဘၣ် (ယိၤ ၁၃း၁၆) ႉ ဒီးစံးစ့ၢ်ကီး၀ဲ‚ ယအိၣ်လၢသုကျါ ဒ်တၢ်ခ့တၢ်ပှၤအသိးလီၤ (လူၤ ၂၂း၂၇) ႉ
တၢ်မၤအတီၤဖုၣ်ဒ်န့ၣ်တကလုာ်န့ၣ် လၢကစၢ်ယ့ၣ်။းအဂီၢ်မ့တမ့ၢ် တၢ်လၤကပီၤ အဖုၣ်အဆံးလၢအဂီၢ်အဃိဒီး‚ ပကမၤတၢ်ခ့တၢ်ပှၤ လၢပှၤဂၤအဂီၢ်န့ၣ် တမ့ၢ်စ့ၢ်ကီး တၢ်လၤကပီၤအဖုၣ် လၢပ၀ဲနီတဂၤအဂီၢ်ဘၣ်ႉ တၢ်အဒိအတဲာ်၀ဲအံၤ လီၤကမၢကမၣ် လၢပဂီၢ်ဆံးဒိၣ်လဲၣ်ႉ ဒ်ကစၢ်စံးအသိး‚ တမ့ၢ်အဟဲ၀ဲ လၢပှၤကမၤတၢ်ခ့တၢ်ပှၤ လၢအဂီၢ်ဘၣ်ႉ မ့မ့ၢ်ဒ်သိး အကမၤတၢ်ခ့တၢ်ပှၤ လၢပှၤဂၤအဂီၢ်အသိး (မၢ် ၁၀း၄၅) န့ၣ် မၤ၀ဲဒၣ်န့ၣ်လီၤႉ တၢ်ကဲခိၣ်ကဲနၢ်ဒီး တၢ်ကဲတၢ်ခ့တၢ်ပှၤအခီပညီမ့ၢ်တၢ်မနုၤအဂ့ၢ်န့ၣ် ကစၢ်ဒုးနဲၣ်ပှၤလီၤႉ အ၀ဲန့ၣ်မ့ၢ်ယ့ၣ်။း‚ ပှၤလၢအမၤတၢ်ခ့တၢ်ပှၤအတၢ်မၤန့ၣ်လီၤႉ