လၢတၢ်မၤလီၢ်န့ၣ်‚ တၢ်ကတိၤဟ့ၣ်ဂံၢ်ဟံၣ်ဘါတဖၣ်န့ၣ် လိၣ်၀ဲကဲဘျုး၀ဲန့ၣ်လီၤႉ ပှၤမၤတၢ်ဖိတဖၣ် ကတိၤလိာ်သးတၢ်ကတိၤ ဒ်လဲၣ်ဒ်လဲၣ်န့ၣ် ကဲထီၣ်ပှၤပရၤတၢ်ဖိတဖၣ် အဂီၢ်တၢ်သးမံ‚ ခီပနံၣ်အဂီၢ်တၢ်န့ၢ်ဘျုး‚ ဒီးပှၤမၤသကိးတၢ်ကဒဲကဒဲအဂီၢ် တၢ်တူၢ်လိာ်သးခုလိာ်သးန့ၣ်လီၤႉ တၢ်ဃုထံၣ်မၤလိတဖၣ်ပာ်ဖျါ၀ဲ လၢပှၤမၤတၢ်ဖိ အက့ှူၢ် လၢအကဲဘျုးအဒိၣ်ကတၢၢ်တဖၣ် ဟ့ၣ်သကိးသး တဂၤတဂၤ လၢတၢ်မၤဂၢၢ်မၤကျၢၤလီၤတံၢ် တၢ်ကတိၤအါန့ၢ် တၢ်တတူၢ်လိာ်သး‚ တၢ်တဘၣ်သး‚ မ့တမ့ၢ် တၢ်ကတိၤ လၢအမၤတမူၣ်ပှၤအသးတဖၣ်န့ၣ်လီၤႉ က့ှူၢ်ဖိ လၢအထုးထီၣ်တၢ် အစှၤကတၢၢ်တဖၣ် သးအိၣ်သူ တၢ်ကတိၤတၢၢ်ဆၢ လၢအတမုာ်သၢဘျီ လၢတၢ်ကတိၤ ဟ့ၣ်ဂံၢ်ဟ့ၣ်ဘါ ကိးဖျၢၣ်ဒဲးအဂီၢ်/
စီၤပီလူးမၤလိန့ၢ်တၢ် လၢအတၢ်လဲၤခီဖျီအပူၤ ဘၣ်ဃးတၢ်ကတိၤအလုၢ်အပရၤ လၢတၢ်မၤကဲထီၣ် တၢ်ရၠာစး့လိာ်မုာ်လိာ်အပူၤတဖၣ်န့ၣ်လီၤႉ တချုးလၢအထံၣ်လိာ်သးဒီးခရၠာစးံာ် လၢဒၤမ့ၤစ့း အကျဲခိၣ်န့ၣ်‚ အ၀ဲအတၢ်ကတိၤဒီးအတၢ်မၤတဖၣ်န့ၣ် မၤပျံၤမၤဖုးယ့ၣ်။းအပျဲၣ် တဖၣ်လီၤႉ ဘၣ်ဆၣ် ဖဲအကွဲးန့ၢ်ပှၤသ့းစၤလနံဖိတဖၣ်အဂီၢ် လံာ်ပရၠာစးၢအဆၢကတီၢ်န့ၣ်‚ အ၀ဲကဲထီၣ် ပှၤကတိၤဟ့ၣ်ဂံၢ်ဟ့ၣ်ဘါတၢ်ဖးဒိၣ်တဂၤ လၢယွၤအတၢ်မၤဖးဒိၣ် လၢအသးပူၤအဃိလီၤႉ အခဲအံၤ‚ လၢအနီၢ်ကစၢ်အတၢ်အိၣ်မူအဒိန့ၣ် အ၀ဲမၢဆူၣ် အပှၤဖးတၢ်ဖိတဖၣ် ဒ်သိးကမၤကတိၤမၤမုာ်သကိးလိာ်သး ကဒဲကဒဲလီၤႉ အ၀ဲဒုးနဲၣ်၀ဲ ပကမၤဂၢၢ်တူၢ်လိာ်သကိးပှၤဂၤဒ်လဲၣ်အဂ့ၢ် ဒီးပာ်ဖျါထီၣ် ခရၠာစးံာ်အသးန့ၣ်လီၤႉ
လၢအတၢ်ဟ့ၣ်ဂံၢ်ဟ့ၣ်ဘါအပူၤန့ၣ်‚ စီၤပီလူး မၤသ့ၣ်နီၣ်အပှၤဖး အတၢ်ပရၠာစးၢဖိ တဖၣ်လၢ တၢ်ဟ့ၣ်ဂံၢ်ဟ့ၣ်ဘါအိၣ်ဟဲလၢအဂ့ၢ်လီၤႉ အ၀ဲထံၣ်၀ဲ လၢတၢ်နာ်န့ၢ် အးလီၤသးလၢယွၤ‚ လၢအဲၣ်ပှၤတုၤဒၣ်လဲၣ် ဘၣ်တူၢ်သံသးလၢပဂီၢ်န့ၣ် ဟ့ၣ်ပှၤတၢ်ဂ့ၢ် လၢပကမၤမုာ်သကိး‚ ပျၢ်တၢ်ကမၣ်‚ မၤဆူၣ်ထီၣ်ဂံၢ်ဘါ‚ ဒီးတၤလိာ်သး လၢတၢ်အဲၣ် အပူၤ တဂၤဒီးတဂၤန့ၣ်လီၤ (၁ သ့း ၅း၁၀-၁၁) ႉ
ဒီးစီၤပီလူးဒုးနဲၣ်ပှၤ လၢတၢ်ဟ့ၣ်ဂံၢ်ဟ့ၣ်ဘါလိာ်သးကဒဲကဒဲန့ၣ် မ့ၢ်ကျဲတဘိ လၢမၤစၢၤပှၤကဒဲကဒဲ လၢကသ့ၣ်ညါဘၣ်ယွၤ တၢ်၀ံသးစူၤဒီး အတၢ်ဂ့ၢ်တၢ်၀ါတဖၣ် န့ၣ်လီၤႉ