အါစုအါဘျီ ယသးကလၢၢ်ဘၣ် ဒ်ယတလၢတပှဲၤ လၢတၢ်ဖံးတၢ်မၤလၢ ယဘၣ်မၤအီၤ အဂီၢ် ဘၣ်ႉ တၢ်သိၣ်လိအိၣ်ဘှံးနံၤတၢ်မၤလိ‚ ဒီးတၢ်ဟ့ၣ်ကူၣ်ဟ့ၣ်ဖးတံၤသကိးတဂၤဂၤ ဒီးတၢ်ကွဲးလံာ် လၢကိၣ်လၢတနံၤဘၣ်တနံၤအဂီၢ်မ့ၢ်ဂ့ၤ တၢ်တၤတဖၣ်အံၤ အါစုအါဘျီ ဖျါဒိၣ်န့ၢ် ယတၢ်သ့တၢ်ဘၣ်လီၤႉ ဒ်စီၤပ့းတ့ှူးအသိး ယကဘၣ်မၤလိဒံးတၢ်အါမးလီၤႉ
လံာ်စီဆှံအသီတက့တူၢ် ပာ်ဖျါ၀ဲ စီၤပ့းတ့ှူး အတၢ်လီၤတိၢ်တဖၣ် ဖဲအကျဲးစၢးပိာ်ကစၢ်အခံန့ၣ်လီၤႉ ဖဲ အ၀ဲဟးလၢထံဖီခိၣ် ဆူကစၢ်ယ့ၣ်။းအအိၣ်န့ၣ်‚ စီၤပ့းတ့ှူးလီၤဘျၢ၀ဲ ဘူးတ့ၢ်မးအကလီၤအုးလီၤ (မး ၁၄း၂၅-၃၁) ႉ ဖဲ ကစၢ်ယ့ၣ်။းဘၣ်တၢ်ဖီၣ်အီၤအခါ‚ စီၤပ့းတ့ှူး ဆိၣ်လီၤအသး လၢအတသ့ၣ်ညါအီၤဘၣ် (မၢ် ၁၄း၆၆-၇၂) ႉ ဘၣ်ဆၣ်စီၤပ့းတ့ှူးဘၣ်သဂၢၢ်မဲာ်သကိးမဲာ်ဒီးခရၠာစးံာ် လၢအဂဲၤထၢၣ်သမူထီၣ်က့ၤဒီး သးစီဆှံအစိကမီၤန့ၣ် လဲလိာ်ကွံာ် အတၢ် အိၣ်မူန့ၣ်လီၤႉ စီၤပ့းတ့ှူးနၢ်ပၢၢ်ထီၣ်၀ဲလၢ ယွၤအစိကမီၤ ဟ့ၣ်လီၤပှၤ တၢ်ခဲလၢာ် လၢပလိၣ်ဘၣ်အီၤ‚‘‘ဒ်သိးပကအိၣ်မူ တၢ်အဲၣ်ထူအဲၣ်ယွၤအတၢ်အိၣ်မူနီၢ်နီၢ် ခီဖျိပတၢ်သ့ၣ်ညါပှၤ လၢအကိးန့ၢ်ပှၤ‚ ဒ်သိးကဒိးန့ၢ်ဃုာ် အလၤကပီၤဒီး အတၢ်ဂ့ၤတၢ်၀ါတဂၤန့ၣ်လီၤ’’ (၂ ပ့း ၁း၃) ႉ တၢ်တဲဖျါအံၤ လၢအဟဲ ထီၣ် လၢပှၤလၢအအိၣ်ဒီးတၢ်လီၤတိၢ်အါမးတဂၤန့ၣ် လီၤလးဒိၣ်မးလဲၣ်ႉ
‘‘ (ယွၤ) ဟ့ၣ်လီၤလံစ့ၢ်ကီးပှၤ လၢတၢ်ဟ့ၣ်အဒိၣ်အမုၢ်ဒီး လုၢ်ဒိၣ်ပရၤဒိၣ်တဖၣ် လၢအအၢၣ်လီၤတ့ၢ်၀ဲ‚ ဒ်သိး ခီဖျိတၢ်ဟ့ၣ်တဖၣ်အံၤ သုကထူၣ်ဖျဲးထီၣ် လၢတၢ်သးကွံ လၢအအိၣ်လၢဟီၣ်ခိၣ်အံၤအပူၤ လၢအမၤဟးဂီၤတၢ်‚ ဒီးသုကဒိးန့ၢ်ဃုာ်ကစၢ်ယွၤ အန့ဆၢၣ်အဂီၢ်လီၤ’’ (း၄‚ ခ့ခါ) ႉ ပတၢ်ရၠာစး့လိာ်ဘၣ်ထွဲဒီးယ့ၣ်။းန့ၣ် မ့ၢ်တၢ်အဂံၢ်ထံး လၢပဒိးန့ၢ်တၢ်ကူၣ်သ့‚ တၢ်သးစူၤ‚ ဒီးတၢ်စိကမီၤလၢပလိၣ်ဘၣ် ဒ်သိးပကမၤလၤကပီၤ ယွၤ‚ မၤစၢၤပှၤဂၤဒီး ကွၢ်ဆၢၣ်မဲာ်မုၢ်တနံၤအတၢ်တၤတဖၣ်အဂီၢ်န့ၣ်လီၤႉ ခီဖျိအ၀ဲအဃိ န့ၣ် ပမၤနၢၤ ပတၢ်သးဒ့ဒီဒီး တၢ်ကလၢၢ်ဘၣ် ဒ်ပတလၢတပှဲၤဘၣ်တဖၣ် သ့၀ဲန့ၣ်လီၤႉ
လၢတၢ်မၤအသး ကိးမံၤဒဲးအပူၤ‚ ယွၤဟ့ၣ်လံပှၤ ကယဲၢ်တၢ်လၢ ပလိၣ်ဘၣ် ဒ်သိး ပကမၤအတၢ်ဒီး မၤလၤကပီၤအီၤအဂီၢ်န့ၣ်လီၤႉ