ယဖိခွါစၤဘံယၤ သးခုဟ့ၣ်ယၤဖီသ့ၣ်တဖၣ် ဖဲနီၢ်ဆံးအခါ/ ဖိခွါဒီးအပၢ် ဟဲက့ၤထဲးနှၢ်ယၤ ဖီသ့ၣ်တဖၣ်မ့ၢ်ဂ့ၤ‚ ဟဲက့ၤပရၤ၀ဲမ့ၢ်ဂ့ၤ ယပာ်လုၢ်ပာ်ပရၤခဲလၢာ် တုၤဖီသ့ၣ်တဖၣ် လီၤညွံးဒီး ဘၣ်စူးကွံာ်၀ဲဒၣ်/
တနံၤ ဖိခွါဖိစၤဘံယၤ ဟဲက့ၤပရၤ၀ဲ ဖီအယီၤတကဒိၣ်/ အ၀ဲဃုထၢ ပာ်ဖှိၣ်၀ဲ ဖီသ့ၣ်တဖၣ်လၢ ယွၤခၣ်စိးဖီကိပူၤဒီး စံး၀ဲ‚ ‘‘မိမိၢ်ဧၢ‚ ဖီသ့ၣ်တဖၣ်အံၤ ကခီၣ်၀ဲထီဘိလီၤႉ ယအဲၣ်နၤထဲအံၤလီၤႉ’’
စးထီၣ်ဖဲနှၣ် ယဖိခွါဒိၣ်ထီၣ် တဆီဘၣ်တဆီဒီး ခဲအံၤကဲထီၣ် ပှၤသးစၢ်တဂၤ/ လၢဖီကိပူၤ ဖီအလၣ်သ့ၣ်တဖၣ်ဒီး အလွဲၢ်တဖၣ်စီကွံာ် ဘၣ်ဆၣ်ဒီးဖီသ့ၣ်တဖၣ်အံၤ ဒုးသ့ၣ်နီၣ်ယၤ ယဖိခွါအတၢ်အဲၣ်/ ဒ်တၢ်အံၤ အသိး ကစၢ်ယွၤအတၢ်အဲၣ် လၢအဆၢတတုာ်၀ဲ အိၣ်ဖျါ ၀ဲဒၣ်လၢ အကလုၢ်န့ၣ်လီၤ (ယ့ှှါ ၄၀း၈) ႉ
ပှၤအံၣ်စရၠာစး့လးဖိသ့ၣ်တဖၣ် ကွၢ်ဆၢၣ်မဲာ်ဘၣ် တၢ်မၤကွၢ်သ့ၣ်တဖၣ်အခါ ၀ံယ့ှှါယၤမၤမုာ် အ၀ဲသ့ၣ်လၢယွၤအကလုၢ်န့ၣ်လီၤ (၄၀း၁) ႉ ယွၤဟ့ၣ်က့ၤ ပှၤအံၤစရၠာစး့လးသ့ၣ်တဖၣ် အတၢ်ကမၢ်လံ (၄၀း၂) ႉ ဒ်ပှၤအံၣ်စရၠာစး့လးဖိ မုၢ်လၢ်၀ဲအသိး မ့း့ှှံအၤ ကဟဲ၀ဲန့ၣ်လီၤ (၄၀း၃-၅) ႉ ပှၤအံၣ်စရၠာစး့လးဖိသ့ၣ်တဖၣ် နာ်၀ဲ၀ံအတၢ်ကတိၤ မ့ၢ်လၢတၢ်သ့ၣ် တဖၣ်အံၤ မုၢ်လၢ်တၢ်ဆူ ယွၤအအိၣ် အဃိ/
ဟီၣ်ခိၣ်လၢအပှဲၤဒီး တၢ်တဂၢၢ်တကျၢၤ‚ ပှၤကညီအတၢ်မုၢ်လၢ် ဆီတလဲအသးသ့ ဒ်တၢ်ဖံးတၢ်ညၣ်နှၣ် မ့ၢ်နီၣ်ဧိၤမံၤဧိၤခဲလၢာ်အသိး/ ဘၣ်ဆၣ်ဒီး ပမုၢ်လၢ်‚ နာ်ယွၤအတၢ်အဲၣ်လၢ တဆီတလဲ၀ဲဒီး ပာ်ဖျါအတၢ်အဲၣ် လၢတၢ်ကတိၤ အမ့ၢ်အတီအပူၤန့ၣ်လီၤႉ