ပအိၣ်ဒီးတၢ်သူၣ်ဒိၣ်သးဖျိး‚ တၢ်ပာ်ဒ့ၣ်ပာ်ကမၣ်လီၤသး‚ ဒီးတၢ်သးဒ့ဒီ မ့ၢ်လၢပတၢ်လဲၤ ခီဖျိ လၢတၢ်လီၤမၢ်ဒီး တၢ်သူၣ်ဟးဂီၤသးဟးဂီၤတဖၣ်အဃိလီၤႉ ခီဖျိပတၢ်ဃုထၢသ့ၣ်တဖၣ် ကးတံာ်က့ၤ့တဲၤ လၢတက့ၤအိးထီၣ်အသးနီတဘျီမ့ၢ်ဂ့ၤ‚ ပတၢ်ကမၣ်ဒၣ်၀ဲ တမ့ၢ်ဘၣ်ဆၣ် တၢ်လီၤသးအုးဟဲနုာ်လီၤ လၢပတၢ်အိၣ်မူအဃိမ့ၢ်ဂ့ၤ‚ တၢ်အစၢအိၣ် ထီၣ် ဒ် အီးစ်၀ီခၠ့ဘၢၣ်စံး ‘‘တၢ်သးအုးဖးဒိၣ်လၢ တၢ့်ကၢးမၤအသးဒ်အံၤ’’ န့ၣ်လီၤႉ ပဂုာ်ကျဲးစၢး မၤဟးမၢ်ကွံာ် ပတၢ်သ့ၣ် နီၣ်လၢ အမၤဆါပှၤ ဘၣ်ဆၣ်ပထံၣ်လၢ ပမၤဟးမၢ်ကွံာ်တသ့ဘၣ်န့ၣ်လီၤႉ
ခၠ့ဘၢၣ် ဒုးသ့ၣ်နီၣ်ပှၤလၢ ကစၢ်ယွၤမၤတၢ်လၢ ပတၢ်အိၣ်မူအပူၤန့ၣ်လီၤႉ အ၀ဲစံး ‘‘တဘၣ်ပျံၤ တၢ်ဂ့ၢ် လၢယွၤဒုးသ့ၣ်နီၣ်ပှၤ တၢ်လၢအပူၤကွံာ်တဂ့ၤႉ ပျဲတၢ်သ့ၣ်နီၣ် အိၣ်ဒၣ်တက့ၢ်ႉ တၢ်အံၤမ့ၢ် ယွၤအတၢ်မၤလၢအအိၣ်ဒီး တၢ်သိၣ်က့ၤသီက့ၤ တၢ်ပာ်ဖျါတၢ်ကမၣ်ဒီး တၢ်သူၣ်အုး သးအုးလီၤႉ ကစၢ်ယွၤ ကဘိးဃၣ်က့ၤ တၢ့်ကၢးမၤအသး ဒ်အံၤ ဆူတၢ်ဒိၣ်ထီၣ်လီၤလိၣ်လီၤလး လၢဆူညါအဂီၢ်လီၤႉ’’
လၢလံာ်စီဆှံအလီၢ်လံၤအမုၢ်နံၤတဖၣ် အတီၢ်ပူၤန့ၣ်‚ ယွၤပျဲအပှၤဂီၢ်မုၣ်ကလီၤဆူ ကီၢ်ဘၤဘူလိၣ် အတၢ်စိာ်မၢကဲကုၢ်ဒီး စံးဘၣ်အ၀ဲသ့ၣ် လၢကကဲထီၣ်ကုၢ် လၢပှၤတခီဘီမုၢ်အအိၣ် ဒီးဒိၣ်ထီၣ်လၢ တၢ်နာ်တုၤ တၢ်ဆၢကတီၢ် လၢယွၤစိာ်ကဒါက့ၤအ၀ဲသ့ၣ် ဆူဟံၣ်န့ၣ်လီၤႉ အဂ့ၢ်ဒ်အံၤ‚ ‘‘ယသ့ၣ်ညါတၢ်ကူၣ်လၢ ယကူၣ်ထီၣ်လၢသုဂီၢ် ယွၤစံး၀ဲဒၣ်‚ တၢ်ကူၣ်ဘၣ်ဃးဒီး တၢ်ဃူတၢ်ဖိး‚ ဘၣ်ဃးဒီး တၢ်အၢတမ့ၢ်ဘၣ်ႉ ဒ်သိးယကဟ့ၣ်သု ကတၢၢ်အိၣ်ဒီးတၢ်မုၢ်လၢ်န့ၣ်လီၤ’’ (ယံး ၂၉း၁၁) ႉ
ယွၤမၤလိာ်အ၀ဲသ့ၣ် ဒ်အသုတကွၢ်ကပာ်ကွံာ် မ့တမ့ၢ် ဘၣ်တၢ်စၢဃာ်အီၤလၢ တၢ်မၤအသးလၢအပူၤကွံာ်တဂ့ၤႉ မ့မ့ၢ်ကကွၢ်ဃီၤတၢ် ဆူယွၤအအိၣ်ဒီး ဆူတၢ်မဲာ်ညါ လီၤႉ ယွၤအတၢ်သူၣ်ကညီၤသးကညီၤ ကဆီတလဲ အ၀ဲသ့ၣ်အတၢ်သ့ၣ်နီၣ်လၢ အလီၤသူၣ်အုးသးအုး ဆူတၢ်နာ်ဂၢၢ်ကျၢၤလၢ အတၢ်အဲၣ်အထူအယိာ်လီၤႉ