ယဖးဘၣ်မိၢ်တဂၤ ‘၅ မံးနံး-အတၢ်သိၣ်တၢ်ဘျၢ’ လၢအမၤ၀ဲလၢအဖိတဖၣ်အဂီၢ် လီၤႉ အ၀ဲသ့ၣ်တဖၣ် ဘၣ်အိၣ်ကတဲာ်ကတီၤအသး လၢကလဲၤကၠိအဂီၢ် ၀ံၤပာ်ဖှိၣ် ထီၣ်အသး ၅ မံးနံး ကိးမုၢ်နံၤဒဲး တချုးအလဲၤဆူကၠိန့ၣ်လီၤႉ
အ၀ဲသ့ၣ်ပာ်ဖှိၣ်ထီၣ်အသး လၢမိၢ်တဂၤအဃၢၤ ဒီးမိၢ်တဂၤဃ့ဘါထုကဖၣ် လၢအ၀ဲသ့ၣ်တဂၤဘၣ်တဂၤအဂီၢ် ဒ်သိးကဒိးန့ၢ် တၢ်ဆိၣ်ဂ့ၤ လၢယွၤအအိၣ် လၢအမံၤဒၣ်၀ဲစုာ်စုာ်န့ၣ်လီၤႉ ၀ံၤဒီးအ၀ဲနၢမူအဖိတဖၣ် ဒီးအလဲၤပျဲဆူကၠိန့ၣ်လီၤႉ ဖိသၣ်တ ဖၣ် လၢဟံၣ်ဘူးတံၢ်တဖၣ်ဒၣ်လဲာ် ဘၣ်တၢ်ဃ့န့ၢ်အဂီၢ် ဖဲအ၀ဲသ့ၣ်ဟဲနုာ် ဖဲအဆၢကတီၢ်အံၤန့ၣ်လီၤႉ နံၣ်တဖၣ်ပူၤကွံာ်ဒီး ဖိသၣ်တဖၣ်အကျါတဂၤ စံး၀ဲလၢ အ၀ဲမၤလိ န့ၢ်ဘၣ် တၢ်ထုကဖၣ်န့ၣ် မ့ၢ်တၢ်အကါဒိၣ်လၢ မုၢ်တနံၤ အဂီၢ် ခီဖျိလၢ တၢ်လဲၤခီဖျိအံၤန့ၣ်လီၤႉ
ပှၤကွဲးထါစံးထီၣ်ပ့တၢၤ ၁၀၂ တဂၤ သ့ၣ်ညါ၀ဲ တၢ်ထုကဖၣ်န့ၣ် အကါဒိၣ် အဂ့ၢ်န့ၣ်လီၤႉ ထါစံးထီၣ်ပ့တၢၤ၀ဲအံၤ အခိၣ်တီမ့ၢ် ပှၤလၢအဘၣ် တၢ်နးတၢ်ဖှီၣ် တုၤအဘၣ်တၢ်လုၣ်ဘၢအီၤဒီး‚ လူလီၤအတၢ်မိၣ်တၢ်မးလၢ ယွၤအမဲာ်ညါန့ၣ် မ့ၢ်အဘါထုကဖၣ်တၢ်န့ၣ်လီၤႉ အ၀ဲကိးထီၣ်ယွၤ ‘‘ယွၤဧၢ‚ ဒိကနၣ်ယတၢ်ထုကဖၣ် ႉႉႉ မုၢ်တနံၤလၢ ယကိးထီၣ်တၢ်ဒီး‚ စံးဆၢယၤခ@ခ@တက့ၢ်’’ (း၁-၂) ႉ ‘‘ယွၤကွၢ်လီၤ တၢ် လၢအလီၢ်စီဆှံထီၣ်ထီ‚ လၢမူခိၣ်ယွၤကွၢ်လီၤဆူဟီၣ်ခိၣ်’’လီၤ (း၁၉) ႉ
ယွၤသူၣ်အိၣ်သးအိၣ်နၤဒီး သးအိၣ်နၢ်ဟူနတၢ်ဃ့လီၤႉ နလူၤပိာ်ထွဲ ၅ မံးနံး တၢ်သိၣ်တၢ်ဘျၢဒီး ဃ့တၢ်ဆိၣ်ဂ့ၤလၢ တနံၤအဂီၢ်မ့ၢ်ဂ့ၤ‚ သးအိၣ်ဟံးန့ၢ် တၢ်ဆၢကတီၢ် ကိးထီၣ်ယွၤလၢ နတၢ်ကိၢ်တၢ်ဂီၤအပူၤမ့ၢ်ဂ့ၤ‚ ကတိၤတၢ်ဒီးယွၤ ကိးမုၢ်နံၤတက့ၢ်ႉ နကကဲထီၣ် တၢ်အဒိအတဲာ် လၢနဟံၣ်ဖိဃီဖိမ့ၢ်ဂ့ၤ ပှၤလၢ အအိၣ်ဘူးဒီးနၤအဂီၢ်မ့ၢ်ဂ့ၤန့ၣ်လီၤႉ