ယဆၢထၢၣ်ယဲ လၢကမျၢၢ်တဖုလၢအဆၢထၢၣ်၀ဲ လၢပှၤကၠမ့ကၤဖိအသရၠာစးိာ်ဆံးဖိ တဖျၢၣ်အပူၤ‚ ဟံးစုကွၢ်မဲာ်ဒီး အ၀ဲသ့ၣ်‚ ဒီးစံးလၢ အ၀ဲသ့ၣ်အကျိာ် ‘‘၀ါး က၀ဲး ကၠမ့ကါ’’ န့ၣ်လီၤႉ ဘၣ်ဆၣ် လၢအ၀ဲသ့ၣ်အတၢ်စံးဆၢကဒါက့ၤတခီ‚ ဒိၣ်ဒီးအါန့ၢ်ဒံး ယတၢ်မုၢ်လၢ်န့ၣ်လီၤႉ အ၀ဲသ့ၣ်အတၢ်မၤကဒါန့ၣ် ပှဲၤ၀ဲဒီးတၢ်နံၤကမှံ‚ ဒီးတၢ်ကိးပ့တၢၤ ဒဲစုပှီၢ်ခီၣ်လီၤႉ
နီၢ်နီၢ်တခီ တၢ်လၢယစံးယဲန့ၣ်‚ မ့ၢ်တၢ်ဟံးစုကွၢ်မဲာ် အတၢ်ကတိၤပတီၢ်မုၢ်လၢအမ့ၢ် ‘တၢ်မၤအသးဒ်လဲၣ် ကၠမ့ကၤဖိသ့ၣ်ဧၢ’ လီၤႉ ဘၣ်ဆၣ် လၢအ၀ဲသ့ၣ်အနၢ်တခီ နၢ်ဟူ၀ဲလၢ ‘ယအိၣ်ကတဲာ်တတီၤယသး လၢယကကတိၤ ပှၤကၠမ့ကၤဖိအကျိာ်တခီလီၤႉ ဒီးအ၀ဲသ့ၣ် ကိးပ့တၢၤဒဲစု ပှီၢ်ခီၣ်ဒီး ပျဲယကဆဲးကတိၤအကျိာ်လီၤႉ ဘၣ်ဆၣ် မ့ၢ်လၢ ပဆဲးကတိၤတသ့လၢၤအဃိ‚ တၢ်ကတိၤန့ၣ် ယတကတိၤ ယဲလၢၤဘၣ်ႉ
ဖဲစီၤပီလူး ဆၢထၢၣ်၀ဲ လၢပှၤအၤသ့ၣ်ဖိတဖၣ် အမဲာ်ညါန့ၣ်‚ အ၀ဲဒၣ် ဒုးသ့ၣ်ညါ ပှၤအၤသ့ၣ်ဖိသ့ၣ်တဖၣ် လၢအသ့ၣ်ညါ၀ဲ အတၢ်ဆဲးတၢ်လၤလီၤႉ အ၀ဲစံး၀ဲ ‘ယလဲၤဟးဒီး ကွၢ်သုတၢ်ဘူၣ်တၢ်ဘါတၢ် အလီၢ်အဖၢမုၢ်န့ၣ်‚ ယထံၣ်ဘၣ် တၢ်လုၢ်လီၢ် အပူၤ‚ အိၣ်ဒီးတၢ်ကွဲးအသးလၢအလိၤ‚ ကစၢ်လၢပတသ့ၣ်ညါဘၣ်တဂၤအဂီၢ်လီၤ’ (မၤတၢ် ၁၇း၂၃) ႉ ဒီးအ၀ဲဒၣ် ပညိၣ်ဃီၤစ့ၢ်ကီး၀ဲ ပှၤအၤသ့ၣ်ဖိအထါတယုၢ်လီၤႉ မ့ၢ်လၢ ပှၤကိးဂၤဒဲးတနာ်ဘၣ် စီၤပီလူးအတၢ်ကစီၣ် လၢကစၢ်ယ့ၣ်။းအတၢ် ဂဲၤဆၢထၢၣ်သမူထီၣ်က့ၤအဃိလီၤႉ ဘၣ်ဆၣ်‚ ပှၤအၤသ့ၣ်ဖိ တနီၤတခီ စံး၀ဲလၢ‚ တၢ်န့ၣ်တဖၣ်အဂ့ၢ်အကျိၤ ပကနၢ်ဟူကဒီးလၢနၤအဃိလီၤ (း၃၂) ႉ
ဒ်ပမၤဘၣ်ထွဲလိာ်ပသးဒီးပှၤဂုၤဂၤ ဘၣ်ဃးဒီး တၢ်ဂဲၤဆၢထၢၣ်သမူထီၣ်က့ၤ အဂ့ၢ်န့ၣ် လံာ်စီဆှံအတၢ်သိၣ်တၢ်သီစံး၀ဲ လၢပကဘၣ်ဟ့ၣ်လီၤပသး လၢပှၤအါဂၤ အပူၤ‚ ဒ်သိးပကသိၣ်လိပသး လၢအ၀ဲသ့ၣ်တဖၣ်အကျိာ်လီၤႉ ပမ့ၢ်မၤ၀ဲဒ်န့ၣ်ဒီး ကျဲ ကအိၣ်အိးထီၣ်အသး လၢပကရၠာစးၤလီၤဘၣ်တၢ်သးခုကစီၣ်ဆူ အ၀ဲသ့ၣ်အအိၣ်လီၤႉ
ဖဲပထံၣ်သ့ၣ်ညါ ပှၤဂုၤဂၤအကျိာ်အကတီၢ်န့ၣ် ကကဲထီၣ်၀ဲညီကဒၣ်လၢ တၢ်ရၠာစးၤလီၤကစၢ်ယွၤအတၢ်သးခုကစီၣ်အပူၤလီၤႉ