ဖဲယထံၣ်တံၤသကိးတဂၤ အသးတတီဒီးယၤအခါန့ၣ် ယသ့ၣ်ညါလၢ ယဘၣ်ပျၢ် အတၢ်ကမၣ်‚ ဘၣ်ဆၣ် ယပျၢ်အီၤန့ၢ်တန့ၢ် ယတသ့ၣ်ညါလီၤတံၢ်ဘၣ်ႉ အတၢ်ကတိၤ တဖၣ် ဆဲးဖျိယသးယိာ်မး ဒီးယသးဆါဒီး ယသးဖျိးဒိၣ်မးလီၤႉ ကတိၤသကိး ဘၣ်ဃးဒီး တၢ်ဂ့ၢ်ဒီး ယတဲအီၤလၢ ယပျၢ်အတၢ်ကမၣ်‚ ဘၣ်ဆၣ် လၢဆၢကတီၢ်ဖးယံာ်အပူၤ တဘျီလၢ်လၢ် ဖဲလၢယထံၣ်အီၤန့ၣ် ယသးဘၣ်ဒိဘၣ်ထံး အဃိ ယသ့ၣ်ညါလၢ ယသးဖျိးအီၤ အဖၢမုၢ်ဒံးန့ၣ်လီၤႉ ဘၣ်ဆၣ် ဘၣ်တနံၤန့ၣ်‚ ကစၢ်ယွၤ စံးဆၢယတၢ်ထုကဖၣ် ဒီးဟ့ၣ်ယၤဂံၢ်ဘါ လၢယကပျၢ်ကွံာ်အီၤ လၢာ်လၢာ်ဆ့ဆ့ လီၤႉ လၢခံကတၢၢ်န့ၣ် ယထူၣ်ဖျဲးထီၣ်လံႉ
တၢ်ပျၢ်တၢ်ကမၣ်မ့ၢ် ခရၠာစးံာ်ဖိတၢ်စူၢ်တၢ်နာ် အကံၢ် အလဲ မ့ၢ်လၢပကစၢ် လၢအုၣ်က့ၤခီၣ်က့ၤပှၤအံၤ ဖဲဘၣ် တၢ်ပျၤထီအီၤ လၢထူၣ်စုညါအဖီခိၣ်ဒၣ်လဲာ် ပျၢ်ကွံာ် ပှၤဂၤ အတၢ်ကမၣ်အဃိလီၤႉ ဖဲန့ၣ်ကစၢ်ခရၠာစးံာ် အဲၣ်ပှၤလၢ အပျၤ ထီအီၤတဖၣ်‚ ဘါထုကဖၣ်၀ဲဒၣ်လၢ ပၢ်ယွၤကပျၢ်ကွံာ် အ၀ဲသ့ၣ် အတၢ်ကမၣ်လီၤႉ အ၀ဲတစဲထီအသး လၢသး အခၣ် မ့တမ့ၢ် တၢ်သးဒိၣ်ဘၣ်‚ မ့မ့ၢ်ပာ်ဖျါ တၢ်သးကညီၤ ဒီးတၢ်အဲၣ် ဆူပှၤလၢ အမၤကမၣ်အီၤတဖၣ်လီၤႉ
အခဲအံၤ မ့ၢ်ဆၢကတီၢ်လၢ ့ကၢး၀ဲဘၣ်၀ဲလၢ ပဆိကမိၣ်တၢ်လၢ ယွၤအဂီၤထံး ပှၤလၢပ့ကၢးပျၢ်အတၢ်ကမၣ်န့ၣ်လီၤႉ အအံၤမ့ၢ်လၢ ပပိာ်ထွဲခရၠာစးံာ်အဒိအတဲာ် လၢ အပာ်ဖျါအတၢ်အဲၣ် ဆူပှၤလၢအမၤဘၣ်ဒိဆါပှၤတဖၣ်န့ၣ်လီၤႉ ဖဲလၢပဃ့ တၢ်မၤစၢၤ လၢယွၤ ခီဖျိအသးမုၢ်စီဆှံ ဒ်သိးကမၤစၢၤပှၤလၢ ပကသ့ပျၢ်အတၢ်ကမၣ်အဂီၢ်န့ၣ် အ၀ဲကမၤစၢၤပှၤလီၤႉ ပမ့ၢ်ဆိကမိၣ် လၢတၢ်ဆၢကတီၢ်ယံာ်၀ဲလၢ ပပျၢ်တၢ်ကမၣ်ကန့ၢ်အဂီၢ်ဒၣ်လဲာ် ယွၤကမၤစၢၤပှၤလီၤႉ ဖဲပပျၢ်ပှၤဂၤ အတၢ်ကမၣ်န့ၣ်‚ ပထူၣ်ဖျဲးထီၣ် လၢတၢ်စၢဃာ်တၢ်ကမၣ်အပူၤန့ၣ်လီၤႉ