ပှၤကွဲးလံာ် ရၠာစးံထၣ်စနိဒၢၣ်တဲ၀ဲ ဘၣ်ဃးတၢ်ဂ့ၢ်တၢ်ကျိၤ လၢအမၤမုာ်ပသး ဖဲလၢအ၀ဲလဲၤဟးလိာ်ကွဲဆူသ၀ီဖိတဖျၢၣ် လၢအအိၣ်လၢ ၀့ၢ်ဒိဘၢၣ် ‚ ကီၢ်အဲကလံးန့ၣ်လီၤႉ ဘၣ်တနံၤ ဖဲမုၢ်ဃ့ၣ်လီၤအဆၢကတီၢ် အ၀ဲအီ နီမုၢ်ထံဆၢ (ထံချီဆၢ) ဖဲပှၤဆါလာ်ဖးထံအကျးအချၢန့ၣ်လီၤႉ ဖဲန့ၣ် အ၀ဲ ပာ်သူၣ်ပာ်သး၀ဲ တၢ်နၢမူအစိတခါန့ၣ်လီၤႉ အ၀ဲသံကွၢ် ပှၤမၤတၢ် ဖိတဂၤ လၢတၢ်ဂ့ၢ်အံၤ ဒီးဘၣ်တၢ်စံးဆၢက့ၤအီၤ လၢတၢ်နၢမူအံၤ ဟဲ၀ဲလၢပှၤလၢအလဲၤခီတၢ်လီၢ် တတီၤအံၤန့ၣ်လီၤႉ ပှၤသ၀ီဖိအါဂၤ မၤတၢ်ဖဲထံနၢမူ အစဲးဖီကဟၣ်တၢ်မၤလီၢ် လၢအအိၣ်ဘူးဒီးအ၀ဲသ့ၣ် န့ၣ်လီၤႉ ဖဲပှၤမၤတၢ်ဖိတဖၣ်အံၤ က့ၤဆူအဟံၣ်အခါန့ၣ် ဒီးတၢ်နၢမူအစိလၢအစရၢ်နုာ်‚ စဲထီအသးလၢတၢ်ကူ တၢ်သိးအပူၤတဖၣ်အံၤ မၤနၢမူကျဲဒီဘိညါန့ၣ်လီၤႉ
ခရၠာစးံာ်ဖိအတၢ်အိၣ်မူအက့ၢ်အဂီၤအံၤ ဃံလၤဆံးဒိၣ်လဲၣ်ႉ ဒ်စီၤပီလူးစံး၀ဲအသိး ပမ့ၢ်ခရၠာစးံာ်အတၢ်နၢမူ လၢအမၤပှဲၤတၢ်လီၢ်ကိးပူၤဒဲးန့ၣ်လီၤ (၂ ကရၠာစးံၣ် ၂း၁၅) ႉ စီၤပီလူး စူးကါ၀ဲတၢ်အဒိ ဘၣ်ဃးစီၤပၤတဂၤ လၢအဟဲက့ၤလၢတၢ်ဒုးပျီ‚ ဃုာ်ဒီးအသုးဖိသံၣ်ဖိတဖၣ် ဒီးဒုၣ်ဒါတဖၣ် ဒီးဒုၣ်ဒါလၢအဘၣ် တၢ်စၢဃာ်ဖီၣ်ဃၣ်အီၤတဖၣ် ဒီးတၢ်မၤနၢၤ အတၢ်နၢမူနၢဆှီ ပှဲၤ၀ဲဒၣ်လၢကလံၤကျါ‚ ပာ်ဖျါထီၣ် စီၤပၤအတၢ်ဒိၣ်တၢ်မုၢ်န့ၣ်လီၤ (း၁၄) ႉ
ဒ်စီၤပီလူးပာ်ဖျါ၀ဲအသိး ခရၠာစးံာ်အတၢ်နၢမူအံၤ ပရၠာစးၤလီၤအီၤ လၢကျဲခံဘိ န့ၣ်လီၤႉ တၢတမံၤ မ့ၢ်၀ဲ ခီဖျိတၢ်ကတိၤလီၤႉ မ့ၢ်တၢ်တဲဘၣ်ပှၤဂၤ လၢကစၢ်တဂၤ လၢအဃံ၀ဲလၤ၀ဲတဂၤ အဂ့ၢ်န့ၣ်လီၤႉ ခံမံၤတမံၤ မ့ၢ်၀ဲ ဒုးနဲၣ်ခီဖျိပတၢ်အိၣ်မူန့ၣ်လီၤႉ ပဖံးတၢ်မၤတၢ် လီၤဂာ်ဒ်ခရၠာစးံာ်အတၢ်လုၢ်နၢမူအသိးန့ၣ်လီၤ (အ့း ၅း၁-၂) ႉ ခရၠာစးံာ် အတၢ်နၢမူအစိ လၢပရၠာစးၤလီၤအီၤအံၤ ပှၤကိးဂၤဒဲး ကဘၣ်သူၣ်ဘၣ်သးဧါန့ၣ် ပစံး တသ့ဘၣ်ဆၣ်‚ လၢပှၤအါဂၤအဂီၢ် ကဟဲစိာ်န့ၢ်၀ဲ တၢ်မူန့ၣ်လီၤႉ
ရၠာစးံထၣ်စနိဒၢၣ် မၤန့ၢ်တၢ်နၢမူအစိ ဒီးလူၤဃုထံၣ်န့ၢ်၀ဲ တၢ်နၢမူအစိ စးထီၣ် အလီၢ်န့ၣ်လီၤႉ ဖဲလၢပပိာ်ခရၠာစးံာ်အခံစ့ၢ်ကီး အ၀ဲအတၢ်နၢမူစရၢ်နုာ်လီၤ လၢပပူၤ‚ သတးဒီး ခီဖျိတၢ်ကတိၤဒီးတၢ်မၤန့ၣ် ပစိာ်ခရၠာစးံာ်အတၢ်နၢမူဆူ ဖဲပလဲၤတၢ်အလီၢ် န့ၣ်လီၤႉ