ယအဲၣ်ဒိးအိၣ်ဘှံးတစဲးအဃိ ယလဲၤဟးဆူ ဖီကရၠာစးၢၢ်လၢအအိၣ်ဘူး၀ဲတခါန့ၣ်လီၤႉ ဖဲယပိာ်ကျဲဖိလဲၤလီၤဆူ ကရၠာစးၢၢ်န့ၣ် တၢ်အလွဲၢ်လါဟ့ ထုးန့ၢ်ယသးဖျါထီၣ် သတူၢ် ကလာ်တမံၤလီၤႉ ယထံၣ်တၢ်မူထီၣ်မဲထီၣ်လၢ အဆဲးဖျိထီၣ်ကပံာ် ဒီး ယသ့ၣ်ညါ လၢဆူညါစှၤနွံအတီၢ်ပူၤ ဒၢလွဲဖီ ကဘိၣ်ထီၣ်ဖးထီၣ်ဒီး ကဒုးနဲၣ် အတၢ်သဂၢၢ် တၢ်ကိၢ်ခါကတီၢ်န့ၣ်လီၤႉ
ဖဲပဖးလံာ်၀ံဟိၤဒီး ဒီးမၤသးဒ်ပလဲၤခီဖျိဘၣ် တၢ်ဂိၢ်တၢ်ခုၣ်နးမးအကတီၢ် အမုၢ်နံၤတဖၣ်လီၤႉ တၢ်ဂ့ၢ် လၢအဖျါထီၣ်၀ဲန့ၣ်‚ မ့ၢ်ကစၢ်ယွၤမၢ ၀ံဟိၤဒီး ကဘၣ်မၤ တၢ်မၤတခါ လၢတအဲၣ်ဒိးမၤ၀ဲန့ၣ်လီၤႉ ကစၢ်ယွၤ မၤလိာ်အီၤ လၢအကလဲၤဆီဟံၣ်ဆီဃီဒီး ပိာ်မုၣ်တဂၤ လၢအသးတတီဒီးအ၀ၤန့ၣ်လီၤႉ မ့ၢ်တၢ် ပာ်ဖျါထီၣ်တၢ်ဂီၤတဘ့ၣ် လၢယွၤအဲၣ် အပှၤဂီၢ်မုၢ်ပှၤအံၣ်စရၠာစး့လးဖိ (ဟိၤဒီး ၁း၂-၃) န့ၣ်လီၤႉ ၀ံဟိၤဒီးအမါနီၢ်ကိမၢၤ မၤဟးဂီၤ အတၢ်ဖျီအတၢ်အၢၣ်လီၤ ဘၣ်ဆၣ်ဒီး ၀ံဟိၤဒီး ဆၢမုၢ်လၢ်ဒိၣ်မး လၢအမါကအဲၣ်အီၤ လၢအသးဒီဖျၢၣ်ညါအဃိ‚ တူၢ်လိာ်က့ၤအမါလီၤ (ဟိၤဒီး ၃း၁-၃) ႉ ကစၢ်ယွၤအသးအိၣ် လၢပကအဲၣ်အီၤဒ်န့ၣ်အသိး လၢတၢ်ဘျုးလီၤဟ့ၣ်လီၤသး လၢာ်လၢာ်ဆ့ဆ့ဒီး တမ့ၢ်ဘၣ် ဒ်မုၢ်ဂီၤထီၣ်အဘရၣ်ထံ သ၀ံထီၣ်ဒံကွံာ်၀ဲအသိးဘၣ်န့ၣ်လီၤႉ
ပတၢ်ရၠာစး့လိာ်ဘၣ်ထွဲဒီးကစၢ်ယွၤ မ့ၢ်အိၣ်အသးဒ်လဲၣ်ႉ မ့ၢ်ပဃုအီၤဒၣ်ဖဲ တၢ်ကိၢ်တၢ်ဂီၤဒီး ပသးလီၤဘှံးအကတီၢ်ဧိၤန့ၣ်ဧါႉ ဖဲလၢ ပကဘၣ်စံးဘျုး မၤလၤကပီၤအီၤအကတီၢ်န့ၣ်‚ ပတကနၣ်ဃုာ်လၢၤဘၣ်အီၤဘၣ်ဧါႉ မ့ၢ်ပမၤပသး ဒ်အံၣ်စရၠာစး့လးဖိတဖၣ်အသိး‚ ပဒံ၀့ၤဒံ၀ီၤဒၣ်လၢ တၢ်ဆၢန့ၢ်မံၤဒိၣ်ကျိၤသွါ‚ ပမၤအါ တၢ်မၤ‚ မၤတချုးတဒး‚ ပလူၤ တၢ်ဃုမၤန့ၢ်မၤနၢၤတၢ်ဒီး တၢ်လၢကထုးန့ၢ်ဒိၣ်ဘၢ ပှၤဂၤအသး လၢပဘျုးဒၣ်၀ဲအဂီၢ်ဧါႉ
ဒ်သိးပကန့ၢ်တၢ်သဘ@အဂီၢ်‚ မ်ပဘျုးလီၤဟ့ၣ်လီၤက့ၤပသး ဆူကစၢ်ယွၤ လၢအအဲၣ်ပှၤ လၢအသးတီဒီးပှၤ‚ ဒ်သံၣ်ဧိၤဖီဧိၤ ဘိၣ်ထီၣ်ဖးထီၣ်လၢ မူခိၣ်ထံ လၢတၢ်အစူၤလီၤသီကတီၢ်န့ၣ်တက့ၢ်ႉ