တၢ်သ့ၣ်နီၣ်အလၢၢ်ထူၣ်တထူၣ် သူၣ်ထီၣ်အသး ဖဲလၢညါ ပှၤယပၣ်ဖိ မၤတ့ၢ်၀ဲ တၢ်စၢဃာ်အဒၢက၀ီၤအလီၢ်အပူၤ လၢတ့ှူးကီၢ်န့ၣ်လီၤႉ လၢ ၁၉၄၅ နံၣ်အပူၤ ပှၤတဂၤ သံ၀ဲဖဲန့ၣ်လီၤႉ တၢ်ကွဲးအသး လၢလၢၢ်ထူၣ်အလိၤစံး၀ဲဒၣ် အဲးရၠာစး့းလ့းဒဲလ် အိၣ်ဖျဲၣ်လၢ ၀့ၢ်ထံးယၢ်ကၠှ‚ ပှၤစကီးတလဲၣ်ဖိ မိၢ်ပၢ်တဖၣ်လၢ ၁၉၀၂ နံၣ်န့ၣ်လီၤႉ အ၀ဲ အတၢ်မၤ တုၤထီၣ်ဘး အထီကတၢၢ်ဃုာ်ဒီး ထူကဘျၣ်ဘ့ၣ်‚ ဒိးန့ၢ်၀ဲလၢ တၢ်ဃ့ၢ်ြပၢမံထၢၣ် ၄၀၀ တၢ်ြပၢ‚ ဖဲ ၁၉၂၄ နံၣ် အိၣ်လဲပ့း တၢ်လိာ်ကွဲြပၢအကတီၢ်န့ၣ်လီၤႉ က့ၤ၀ဲဆူ တ့ှူးကီၢ်‚ ဒ်သိး ကမၤကၠိသရၠာစးၣ်အတၢ်မၤလၢ ၀့ၢ်ထံးယၢ်ကၠှ န့ၣ်လီၤႉ အတၢ်အိၣ်မူတစိၤသးန့ၣ် ဒိးသူလီၤအသး လၢတၢ်ဟ့ၣ်ဂံၢ် ဟ့ၣ်ဘါပှၤသးစၢ်တဖၣ် လၢကဟ့ၣ်ထီၣ်အတၢ်အိၣ်မူ လၢမၤတၢ်အဂ့ၤကတၢၢ် လၢပှၤဟီၣ်ခိၣ်ဖိအဂီၢ်န့ၣ်လီၤႉ
ပှၤအါဂၤ အတၢ်ထံၣ် အဲရၠာစး့း အတၢ်မၤန့ၢ်မၤနၢၤ အထီကတၢၢ်မ့ၢ် လၢတၢ်လိာ်ကွဲြပၢအပူၤလီၤႉ ဘၣ်ဆၣ်ဒီး အ၀ဲဘၣ် တၢ်သ့ၣ်နီၣ်စ့ၢ်ကီးအီၤ လၢအတၢ်မၤဂ့ၤမၤဘျုး ပှၤသူၣ်စၢ်သးဘီၣ်တဖၣ် လၢ ၀့ၢ်ထံးယၢ်ကၠှ လၢတ့ှူးကီၢ် လၢ အမ့ၢ်ထံကီၢ်တကီၢ် လၢအအိၣ်ဖျဲၣ်ထီၣ်၀ဲဒီးအဲၣ်၀ဲန့ၣ်လီၤႉ အ၀ဲအိၣ်မူတ့ၢ်၀ဲဒီး မၤတ့ၢ် တၢ်လၢ တၢ်စူၢ်တၢ်နာ်အပူၤလီၤႉ
ပကဘၣ်တၢ်သ့ၣ်နီၣ်ထီၣ်ပှၤ လၢမနုၤတမံၤအဃိလဲၣ်ႉ ပတၢ်မၤလိန့ၢ် တၢ်ကူၣ်ဘၣ်ကူၣ်သ့တမံၤ လၢအဒိၣ်‚ မ့တမ့ၢ် တၢ်မၤ လၢပန့ၢ်လီၢ်လၤဒိၣ်ထီ မ့တမ့ၢ် ပကဲထီၣ် ပှၤထူးပှၤတီၤအဃိ ဒီးတၢ်တဖၣ်အံၤ ကမ့ၢ်တၢ်လၢ ပှၤကပာ်ဒိၣ်ပှၤအဂီၢ်လီၤႉ ဘၣ်ဆၣ်ဒီး ပတၢ်မၤကစုဒု လၢပှၤဂီၢ်မုၢ်အဂီၢ်န့ၣ်‚ ပမ့ၢ်လဲၤပူၤကွံာ် ဟီၣ်ခိၣ်ဒၣ်လဲၣ်‚ ကမူတ့ၢ်၀ဲယံာ်ယံာ်န့ၣ်လီၤႉ
စီၤမိၤဒီး ဘၣ်တၢ်သ့ၣ်နီၣ်ထီၣ်အီၤလၢ တၢ်နာ်အတၢ်ကွဲး လၢလံာ်ဧ့ၤ့ဘံၤ ၁၁ အပူၤန့ၣ်လီၤႉ အ၀ဲဘၣ်တၢ်သ့ၣ်နီၣ်ထီၣ်အီၤ လၢအဃုထၢ တၢ်အိၣ်မူတကျိၤဃီဒီး ကစၢ်ယွၤအပှၤဂီၢ်မုၢ်န့ၣ်လီၤႉ တဃုထၢ၀ဲတၢ်မၤမုာ်အသး လၢအဲၤကူပတူး အတၢ်ထူး တၢ်တီၤ‚ တၢ်လုၢ်ဒိၣ်ပရၤဒိၣ်တဖၣ်န့ၣ်ဘၣ် (ဧ့ၤ့ဘံၤ ၁၁း၂၆) ႉ အ၀ဲဆှၢ ကစၢ်ယွၤ အပှၤဂီၢ်မုၢ် ဒီးမၤ ယွၤအခ့အပှၤတၢ်မၤ လၢတၢ်နာ်န့ၣ်လီၤႉ