လၢ၀့ၢ်လိဒိၣ်အပှၤမၤတၢ်ဖိ အိၣ်ဟဲလၢကီၢ်ဂၤတဖၣ် ကလဲၤတၢ်မၤအဂီၢ် ဒိးလ့ၣ်မ့ၣ်အူ ကတံာ်ကတူာ်အခါန့ၣ်‚ ပှၤဒိးတၢ်ဖိလၢဂီၤဂီၤသီသီတဂၤ ဆီၣ်ကွံာ် ပှၤလဲၤတၢ်ဒ်အီၤဒီး ကတိၤဆါ၀ဲမ့ၢ်လၢ အအိၣ်နိးအကျဲအဃိလီၤႉ တၢ်အံၤမ့ၢ် တအိၣ်ဒီး တၢ်ဆိကမိၣ် တၢ် လၢပှၤဂၤအဂီၢ်ဒီး‚ ပှၤလၢအတူၢ်ဘၣ်တၢ်အနီၣ်ကစၢ် အိၣ်တ့ၢ်လၢတၢ်တမုာ်တလၤ အပူၤလီၤႉ ဘၣ်ဆၣ် ဖဲဆၢကတီၢ်ပူၤကွံာ်ဒီး တၢ်လီၤကမၢ ကမၣ် မၤအသးလီၤႉ တၢ်မၤမူဒါခိၣ်တဂၤ ဆှၢဃီၤ တၢ်ကစီၣ်တယုၢ် ဆူအသကိးသ့ၣ်တဖၣ်အအိၣ် ခီဖျိလၢကွဲၤလ့လိၤဒီးတၢ်ပရၠာစးၢပစၢၢ်န့ၣ်လီၤႉ ‘‘တယာ်ကွၢ်‚ လၢတၢ်မၤအတၢ်ထံၣ်လိာ်သံကွၢ်အဂီၢ် မ့ၢ်မတၤဟဲပၢၢ်ထီၣ် (ဖျါထီၣ်) လဲၣ်’’ န့ၣ်လီၤႉ ဖဲအ၀ဲစံးဆၢတၢ်ဒီး ပှၤအိၣ်လၢ ဟီၣ်ခိၣ် ဒီဘ့ၣ်ဖျးဆံးအမဲာ်ဒီး နံၤကမှံထီၣ်၀ဲလီၤႉ ဆိကမိၣ်ကွၢ်လၢနနုာ်လီၤဆူ တၢ်ထံၣ်လိာ်သံကွၢ်တၢ်မၤအဂီၢ် ဒၢးပူၤ ဖဲနထံၣ် ပှၤလၢအဆၢဂ့ၤသဂၢၢ်နၤန့ၣ် မ့ၢ်ပှၤလၢ နဆီၣ်ကွံာ်အီၤဒီးကတိၤဆါအီၤ ဖဲမုၢ်တဂီၤဃီအံၤန့ၣ် ကမၤအသးဒ်လဲၣ်ႉ
စီၤပီလူးစ့ၢ်ကီး ထံၣ်သဂၢၢ်လိာ်သးဒီးပှၤလၢ အ၀ဲတမုၢ်လၢ်လၢ ကထံၣ်၀ဲ နီတဘျီဘၣ်တဂၤလီၤႉ ဖဲအ၀ဲထီဒါ ပှၤတက့ှူၢ်လၢ အမံၤမ့ၢ် ‘‘ကျဲ’’ န့ၣ်‚ အ၀ဲဘၣ် တၢ်မၤအိၣ်ကတီၢ်အီၤလၢ အတၢ်လဲၤကျဲလၢ တၢ်ကပီၤလၢအမၤခံးအမဲာ်န့ၣ်လီၤႉ ဖဲန့ၣ် တၢ်ကလုၢ်တမံၤဟဲအိၣ်ထီၣ်ဒီး စံး၀ဲ ‘‘စီၤစီလူးဧၢ‚ ဘၣ်မနုၤလၢ နမၤအၢယၤလဲၣ်’’ (မၤတၢ် ၉း၄) ႉ စီၤစီလူးသံကွၢ်က့ၤ၀ဲလၢ ‘‘ကစၢ်ဧၢ‚ နမ့ၢ်မတၤလဲၣ်’’ႉ ပှၤလၢ အကတိၤ တၢ်ဒီးအီၤတဂၤ စံးဆၢက့ၤအီၤလၢ ‘‘ယမ့ၢ်ယ့ၣ်။းလၢ နမၤအၢအီၤလီၤ’’ (၂၆း၁၅) ႉ
ယ့ၣ်။းစံးတ့ၢ်၀ဲလၢ အါနံၣ်အါလါလၢ ပမၤပှၤလၢ တၢ်သၣ်၀ံၤအသးတဖၣ်‚ တၢ်သူအသးလၢထံတဖၣ်‚ ပှၤစီစၣ်ဖိတဖၣ်ဒီး ပှၤဘၣ်တၢ်စၢဃာ်တဖၣ်ဒ်လဲၣ်န့ၣ် လီၣ်ဖျါထီၣ် ပတၢ်ရၠာစး့လိာ်ဘၣ်ထွဲဒီး ကစၢ်အနီၢ်ကစၢ်န့ၣ်လီၤ (မးသဲ ၂၅း၃၅-၃၆) ႉ ဖဲပှၤတဂၤဂၤ ကတိၤဆါပှၤ‚ မ့တမ့ၢ် ဖဲပမၤစၢၤပှၤဂၤ‚ မ့တမ့ၢ် မၤဘၣ်ဒိဆါပှၤဂၤန့ၣ်‚ ကစၢ်လၢအအဲၣ်ပှၤတဂၤ တူၢ်ဘၣ်တၢ်န့ၣ် လၢအနီၢ်ကစၢ်ဒၣ်၀ဲလီၤႉ တၢ်အံၤမ့ၢ်မတၤ ဆိကမိၣ်တ့ၢ်၀ဲန့ၣ်လဲၣ်ႉ