ဖဲပ၀ဲ တဂၤဒီးတဂၤ ပဟ့ၣ်မၤစၢၤဒီး ဟ့ၣ်ဂံၢ်ဟ့ၣ်ဘါလိာ်ပသးအကတီၢ်န့ၣ် ပိာ်မုၣ် တဂၤ ပာ်ဖျါထီၣ်၀ဲ ခီဖျိလၢပှာ်ဘျးစဲ ဒီးစံး၀ဲ‚ ‘ယထံၣ်ဒီးသ့ၣ်ညါနၤ’လီၤႉ ဖဲယလဲၤ ခီဖျိဘၣ် တၢ်ဆီၣ်သနံး‚ တၢ်ကိၢ်တၢ်ဂီၤအကတီၢ်န့ၣ် တၢ်ကတိၤလၢထးအံၤ ကဲထီၣ် တၢ်သူၣ်မုာ်သးမုာ်လၢယဂီၢ်လီၤႉ မ့ၢ်လၢ အ၀ဲဒၣ်ထံၣ်ဒီးသ့ၣ်ညါ၀ဲ ယတၢ်မုၢ်လၢ်‚ တၢ်ပျံၤတၢ်ဖုး‚ တၢ်ထဲးဂံၢ်ထဲးဘါဒီး ယတၢ်မံမီၢ်ဒီး အဲၣ်ဘၣ်၀ဲယၤအဃိလီၤႉ
တုၤယထံၣ်ဘၣ် တၢ်ကတိၤဟ့ၣ်ဂံၢ်ဟ့ၣ်ဘါအံၤ လၢ
ယတံၤသကိးအအိၣ်န့ၣ်‚ ယဆိကမိၣ်ထီၣ်က့ၤ စီၤအၤ့ဘၣ်
ဒီး အကုၢ်ပိာ်မုၣ် နီၢ်ဟၤကၢ် အဂ့ၢ်လီၤႉ စီၤအၤ့ဘၣ်ဒီး
အမါ နီၢ်စၤရၠာစးဲ မုၢ်လၢ်တၢ် လၢကမၤန့ၢ်အဖိ လၢကကဲထီၣ် ပှၤန့ၢ်သါတၢ်အဂီၢ်လီၤႉ အါနံၣ်အါလါ၀ံၤအလီၢ်ခံန့ၣ်‚ နီၢ်စၤရၠာစးဲ ဟ့ၣ်အခွဲးလၢ စီၤအၤ့ဘၣ် ကဟံးန့ၢ်အဖိ လၢအကုၢ်ပိာ်မုၣ်န့ၣ်လီၤႉ ဘၣ်ဆၣ်
မ့ၢ်လၢ ကုၢ်ပိာ်မုၣ်နီၢ်ဟၤကၢ် တပးကဲအကစၢ်မုၣ် နီၢ်စၤရၠာစးဲအဃိ‚ ဘၣ်တၢ်မၤနၢၤ မၤဃာ်အီၤဒီး ဃ့ၢ်ထီၣ်၀ဲဆူ မဲးမုၢ်ခိၣ်လီၤႉ
ကစၢ်ယွၤ ထံၣ်ဘၣ်၀ဲလၢ နီၢ်ဟၤကၢ်အိၣ်ဒီး တၢ်သးအုး‚ တၢ်သးဒ့ဒီဒီး သးကညီၤဘၣ်အီၤလီၤႉ အဃိ ယွၤဆိၣ်ဂ့ၤဘၣ်အီၤလၢ ကမ့ၢ် ‘တၢ်ဟဲလီၤစၢၤ လီၤသွဲၣ်သ့ၣ်တဖၣ်အမိၢ်လီၤ’ႉ နီၢ်ဟၤကၢ် တုၤအထံၣ်လိာ်အသးဒီးယွၤ ၀ံၤဒီး ကိးထီၣ်၀ဲအမံၤလၢ ‘ထံၣ်တၢ်အကစၢ်လီၤ’ (၁ မိၤ ၁၆း၁၃) ႉ မ့ၢ်လၢအသ့ၣ်ညါ ၀ဲလၢ ‘ယွၤအိၣ်ဒီးအီၤ‚ တညိကွံာ်အီၤ’အဃိလီၤႉ
ဒ်နီၢ်ဟၤကၢ် ထံၣ်ယွၤဒီး အဲၣ်ဘၣ်ယွၤအသိး‚ ပ၀ဲကိးဂၤ ပကဘၣ်ထံၣ်ဒီး သ့ၣ်ညါယွၤ‚ ဒီးအဲၣ်ယွၤလီၤႉ လၢသးသမူၤအပူၤ ပဘၣ်သဂၢၢ်ဒီး တၢ်ညိကွံာ်ပှၤ လၢတံၤသကိးဒီး ဟံၣ်ဖိဃီဖိသ့ၣ်တဖၣ်လီၤႉ ဘၣ်ဆၣ်ဒီး ပကဘၣ်သ့ၣ်ညါပ၀ဲလၢ
ယွၤသ့ၣ်ညါ၀ဲ ပတၢ်တူၢ်ဘၣ်ခီၣ်ဘၣ်သ့ၣ်တဖၣ်ဒီး မၤစၢၤ၀ဲပှၤ ထီဘိလီၤႉ ထီဘိန့ၣ်
ကစၢ်ယွၤအတၢ်ကတိၤ လၢကတိၤ၀ဲသ့ၣ်တဖၣ် ဟဲစိာ်န့ၢ်ပှၤ တၢ်မူထီၣ်ဂဲၤထီၣ် လီၤႉ