လၢပတၢ်အိၣ်တၢ်ဆိးအလီၢ် လၢ၀့ၢ်ချၢန့ၣ် ပတဒိးန့ၢ်ဘၣ် လီမ့ၣ်အူ ဘၣ်ဆၢ ဘၣ်ကတီၢ်ဘၣ်ႉ ဖဲတနွံဘၣ်တနွံအတီၢ်ပူၤ မ့ၣ်အူဟးဂီၤ သၢဘျီ‚ တဘျီဒီးတဘျီအဘၢၣ်စၢၤန့ၣ် ယံာ်၀ဲဒၣ် ၂၄ နၣ်ရၠာစးံၣ်လီၤႉ အဃိ ပဟံၣ်အကပိာ်ကပၤ ဘၣ်အိၣ်၀ဲဒၣ်လၢ တၢ်ခံးကျါ‚ ဒီးလၢပကဆၢၣ်သၢ မ့ၢ်အူလၢ တၢ်ဖီအီၣ်တ့ၤအီၣ် အဂီၢ်န့ၣ်‚ ကဲထီၣ် တၢ်ကီတၢ်ခဲဒီး တၢ်တမုာ်တလၤ လၢပဂီၢ်လီၤႉ
လၢပဟံၣ်ကပၤ ပိာ်မုၣ်အိၣ်၀ဲတဂၤလၢ အပညိၣ် ယၢၤထီၣ်၀ဲ ၁ သ့း ၅း၈ ဒီး သံကွၢ်၀ဲ‚ တၢ်ကီတၢ်ခဲဒ်အံၤလၢ ခီဖျိဘၣ်၀ဲန့ၣ် ့ကၢး၀ဲလၢ ပစံးထီၣ်ပ့တၢၤယွၤစ့ၢ်ကီးဧါႉ ထီဘိ တၢ်သံကွၢ်ဒ်အံၤ ပစံးဆၢပ၀ဲလၢ ပဘၣ် စံးထီၣ်ပ့တၢၤယွၤလီၤႉ ဘၣ်ဆၣ်လၢ ပသးပူၤတခီ အိၣ်၀ဲဒၣ် သးတမံၤလၢ အထီဒါ ပတၢ်စံးဆၢလီၤႉ တမံၤဂ့ၤ တမံၤဂ့ၤ‚ ပတၢ်နာ်အံၤ ဆှၢဃီၤပှၤ ဆူတၢ်အခီပညီအသီ တမံၤ သ့၀ဲစ့ၢ်ကီးလီၤႉ ဖဲဟဲက့ၤလီၤ တၢ်မၤအဆၢကတီၢ်‚ ယထံၣ်ဘၣ်ပှၤလၢ အအိၣ်လၢ ယဟံၣ်ကပၤတဂၤ ကိးပသူထီၣ်ဒီးစံး၀ဲ‚ ‘‘စံးဘျုးယွၤလၢ လီမ့ၣ်အူ တဟဲ၀ဲအဃိတက့ၢ်ႉ မ့တမ့ၢ်ဘၣ်ဒီး ယဟံၣ် မ့ၣ်အူကအီၣ်ဒီး ယၤဒီးယဟံၣ်ဖိဃီဖိသ့ၣ်တဖၣ် ပကတုၤလၢ တၢ်ဟးဂီၤလီၤ’
တၢ်ကမှံၤဒီး တၢ်ဘၣ်အၢဘၣ်သီအသိလ့ၣ် တိၢ်ဘၣ် မ့ၣ်အူအတၢၣ်ဒီး လီမ့ၣ်အူအပျံၤတဖၣ် လီၤတဲာ်၀ဲ ဆူဟံၣ်တဖၣ်အဖီခိၣ်လီၤႉ လၢပျံၤအပူၤ လီမ့ၣ်အူအဂံၢ်အဘါ မ့ၢ်အိၣ်၀ဲန့ၣ် မ့ၣ်အူကအီၣ်တၢ်ဒီး တၢ်သံတၢ်ပှၢ်အိၣ်ထီၣ်၀ဲသ့လီၤႉ
ဖဲပလဲၤခီဖျိဘၣ် တၢ်ကီတၢ်ခဲအဒိၣ်အယိာ် အဆၢကတီၢ်န့ၣ် ကီ၀ဲဒိၣ်မး လၢပကစံးထီၣ်ပ့တၢၤယွၤအဂီၢ်လီၤႉ ပကဘၣ်စံးဘျုးက့ၤကစၢ်ယွၤ လၢအထံၣ်ဒီး သ့ၣ်ညါဘၣ် တၢ်လၢပဘၣ်သဂၢၢ်တဖၣ်‚ ဒီးပကဘၣ်တီဒီးအီၤ ဖဲပသ့ၣ်ညါဘၣ် အတၢ်မုၢ်လၢ် မ့ၢ်ဂ့ၤ (မ့တမ့ၢ်) တသ့ၣ်ညါဘၣ် အတၢ်မုၢ်လၢ်မ့ၢ်ဂ့ၤန့ၣ်တက့ၢ်ႉ