ယဖိခွါ ဘၣ်ဂဲၤလိာ်ဒုးတၢ်ဒီး တၢ်စဲထီကသံၣ်မူၤဘှီး ယံာ်၀ဲနွံနံၣ်လီၤႉ ဖဲန့ၣ် အဆၢကတီၢ် ပဒီမိ၀ၤခံဂၤ ပကွၢ်ဆၢၣ်မဲာ်ဘၣ် မုၢ်နံၤအကီအခဲ အါမးလီၤႉ ဖဲလၢ ပဃ့ဘါထုကဖၣ်ဒီး အိၣ်ခိးလၢ အ၀ဲကထူၣ်ဖျဲးထီၣ်လၢ ကသံၣ်မူၤဘှီးအတၢ်စဲထီအခါ ပမၤလိန့ၢ်တၢ်လၢ ပကသးခုဒီးမၤလၤကပီၤ တၢ်မၤနၢၤဆံးဆံးဖိတဖၣ်ဒၣ်လဲာ်လီၤႉ ၂၄ နၣ်ရၠာစးံၣ်အတီၢ်ပူၤ တၢ်တဂ့ၤတ၀ါ‚ တၢ်တမုာ်တလၤ မ့ၢ်တကဲထီၣ် နီတမံၤဘၣ်ဒီး ပစံးလိာ်သးတဂၤဒီးတဂၤလၢ ‘‘တနံၤအံၤ မ့ၢ်မုၢ်နံၤလၢ အဂ့ၤတနံၤလီၤ’’ႉ တၢ်ကတိၤဖိအံၤ ကဲထီၣ် တၢ်ဒုးသ့ၣ်နီၣ်ထီၣ်ပှၤ ဒ်သိးပကစံးဘျုးယွၤ လၢအတၢ်မၤစၢၤပှၤ လၢအတၢ်ဆံးဆံးဖိတဖၣ်အပူၤန့ၣ်လီၤႉ
ဖဲစံး ၁၂၆း၃ န့ၣ် တၢ်ဒုးသ့ၣ်နီၣ်တၢ်လၢ အဂ့ၤဒိၣ်၀ဲ အိၣ်၀ဲတခါ ဒီးဒုးသ့ၣ်နီၣ်ပှၤ လၢယွၤအတၢ်သးကညီၤတဖၣ်ဒီး အတၢ်ကွၢ်စိ လၢပဂီၢ် တဖၣ်န့ၣ်လီၤႉ ‘‘ယွၤမၤတၢ်အဒိၣ်လၢပဂီၢ်အဃိဒီး ပသးခုလၢအဃိလီၤ’’ႉ အအံၤမ့ၢ် လံာ်စီဆှံအဆၢလၢ ပဘၣ်သူၣ်ဘၣ်သးဒိၣ်မး ဖဲလၢပသ့ၣ်နီၣ်ထီၣ် ကစၢ်ခရၠာစးံာ် အတၢ်သးကညီၤ ဒီးတူၢ်တၢ်လၢပဂီၢ် လၢသ့ၣ်ဖျၢၣ်ထူၣ်စုညါအလိၤန့ၣ်လီၤႉ မုၢ်နံၤကီခဲ ဒ်လဲၣ်ဂ့ၤဒ်လဲၣ်ဂ့ၤ ဆီတလဲတၢ်မ့ၢ်တၢ်တီတသ့ဘၣ်ႉ တၢ်မ့ၢ်တၢ်တီအံၤ မ့ၢ်၀ဲ ပကစၢ်ဒုးနဲၣ်တ့ၢ်ပှၤ တၢ်သးအိၣ်တၢ်သးကညီၤ လၢအလီၤလးဒီး ဒိၣ်၀ဲယိာ်၀ဲဒီး အ၀ဲ အတၢ်အဲၣ်အဘျုးအဖှိၣ် အိၣ်၀ဲလီၤစိၤလီၤထီလီၤ (စံး ၁၃၆း၁) ႉ
ဖဲလၢ ပလဲၤခီဖျိဘၣ် တၢ်ကီတၢ်ခဲ အတၢ်အိၣ်သးတဖၣ်အခါ ဒီးပထံၣ်န့ၢ်လၢ ကစၢ်ယွၤန့ၣ် တီ၀ဲလိၤ၀ဲဒီး ပတိၢ်နီၣ်တၢ်ဂ့ၢ်တမံၤအံၤ ကမၤစၢၤပှၤဖးဒိၣ် ဖဲလၢ တၢ်အိၣ်မူအထံကျိတဖၣ် ယွၤဆူၣ်ကဒီး၀ဲအခါန့ၣ်လီၤႉ ကစၢ်ယွၤ ကဒုးလဲၤခီဖျိပှၤ ဒ်လဲၣ်န့ၣ် ပမ့ၢ်တသ့ၣ်ညါဘၣ်ဆၣ် အတၢ်သးကညီၤပှၤ လၢခါလၢအပူၤကွံာ်န့ၣ် ကမၤစၢၤပှၤ ဒ်သိးပကနာ်လၢအ၀ဲကမၤစၢၤပှၤ ဒ်လဲၣ်လီၤႉ ႉ ဲဗ့နှ Bဗ့ ျုှ