ဖဲ ၂၀၁၀ နံၣ် လါအီကူး အပူၤ‚ ဟီၣ်ခိၣ်အံၤ ကွၢ်ထံ၀ဲ ဟီၣ်လာ်ပူၤကျိၤလၢ အအိၣ်ဘူး၀ဲဒီး ၀့ၢ်ခိၣ်ဖံယၤဖိ ‚ ကီၢ်ချံလံ န့ၣ်လီၤႉ ဟီၣ်လာ်ပူၤ အပှၤမၤတၢ်ဖိ ၃၃ ဂၤအံၤ အိၣ်ဒီး တၢ်ပျံၤတၢ်ဖုးလၢတၢ်ခံးကျါ‚ မ့ၢ်လၢအ၀ဲသ့ၣ်ဘၣ်အိၣ်က့တံာ်အသး ဖဲဟီၣ်ခိၣ်လာ် ယိာ်၀ဲ ၂၃၀၀ ပ့ၣ် အပူၤ န့ၣ်လီၤႉ အ၀ဲသ့ၣ် ကူၣ်ထီၣ်ဖးလီၤ၀ဲတသ့လၢ ကဒိးန့ၢ်ဘၣ် တၢ်မၤစၢၤဒ်လဲၣ်ဘၣ်ႉ ဖဲအ၀ဲသ့ၣ်ခိး၀ဲ တဆံနွံသီ ၀ံၤအလီၢ်ခံန့ၣ်ဒီး အ၀ဲသ့ၣ်နၢ်ဟူ ကဟၣ်နီၣ်ပျံာ်သီၣ်၀ဲ န့ၣ်လီၤႉ ပှၤအုၣ်က့ၤခီၣ်က့ၤတၢ်ဖိတဖၣ် မၤကဲထီၣ် တၢ်ပူၤဟိဆံးဆံးဖိတပူၤ ဖဲဟီၣ်လာ်ပူၤကျိၤအတဒိ လာ်ဒါ န့ၣ်လီၤႉ ဒီးမၤအါထီၣ်တၢ်ပူၤသၢပူၤ ဒ်သိး ကဆှၢနုာ်ထံ‚ တၢ်အီၣ်ဒီး ကသံၣ်ကသီတဖၣ် န့ၣ်လီၤႉ ပှၤမၤတၢ်ဖိတဖၣ် ဘၣ်ပာ်ဂံၢ်ပာ်ဘါအသးလၢ တၢ်ဟ့ၣ် လၢပှၤမၤစၢၤတၢ်ဖိတဖၣ် ဆှၢလီၤ၀ဲ ခီဖျိ ကျိၤကျဲအံၤ ဒ်အမ့ၢ် တၢ်လိၣ်ဘၣ်လၢအ၀ဲသ့ၣ် ကမူဒံး၀ဲအဂီၢ်န့ၣ်လီၤႉ ဖဲနံၤသီ ပှဲၤထီၣ်ဃုဆံခွံသီဒီး ပှၤအုၣ်ခီၣ်တၢ်ဖိတဖၣ် သုးကွံာ် ဟီၣ်လာ် အလီၢ်ခံကတၢၢ် တခါ ဒ်သိးတၢ်ကပူၤဖျဲး၀ဲန့ၣ်လီၤႉ
မ့တမ့ၢ်လၢ ပှၤတဂၤဂၤလၢ အဟ့ၣ်ပှၤ တၢ်ဟ့ၣ်တဖၣ်လၢ တၢ်ချၢဘၣ်ဒီး ပပူၤဖျဲးလၢ ဟီၣ်ခိၣ်အံၤတသ့၀ဲနီတဂၤဘၣ်ႉ ယွၤ‚ ပှၤလၢအတ့လီၤ မူဟီၣ်ကယၢ တဖၣ်အံၤ မ့ၢ်ပှၤတဂၤလၢ အဟ့ၣ်ပှၤတၢ်ခဲလၢာ် လၢပလိၣ်ဘၣ်၀ဲန့ၣ်လီၤႉ ဒ်တၢ်ပျံာ်ဖျိ ဒုးကဲထီၣ်တၢ်ပူၤဟိတဖၣ်လၢ ဟီၣ်လာ်လၢ ပှၤမၤတၢ်ဖိတဖၣ်အဂီၢ်အသိး‚ တၢ်ထုကဖၣ် ဒုးဘၣ်ထွဲပှၤဒီးယွၤ လၢပတၢ်လိၣ်ဘၣ်ခဲလၢာ်အဂီၢ်န့ၣ်လီၤႉ
ယ့ၣ်။းမၢန့ၢ်ဆီၣ်ခံပှၤ ဒ်သိးပကဃ့ဘါထုကဖၣ်‚ ‘‘ကိၣ်လၢတနံၤအဂီၢ် တနံၤအဂီၢ်န့ၣ်‚ ဟ့ၣ်လီၤလၢ်ပှၤလၢ မုၢ်မဆါတနံၤအံၤတက့ၢ်’’ (မး ၆း၁၁) ႉ ဖဲအ၀ဲအဆၢကတီၢ်န့ၣ်‚ ကိၣ်မ့ၢ်၀ဲ တၢ်အီၣ်အမိၢ်ပှၢ်လၢ တၢ်အိၣ်မူအဂီၢ် ဒီးပာ်ဖျါ တၢ်လိၣ်လၢကိးနံၤဒဲးအဂီၢ်န့ၣ်လီၤႉ ယ့ၣ်။းသိၣ်လိပှၤ ဒ်သိးပကဃ့ဘါထုကဖၣ် တမ့ၢ်ထဲလၢ နီၢ်ခိအတၢ်လိၣ်အဂီၢ်ဘၣ်ႉ မ့မ့ၢ် တၢ်ခဲလၢာ်လၢပလိၣ်ဘၣ်ႉ ဒ်အမ့ၢ်၀ဲ တၢ်မုာ်တၢ်ပၢၤ‚ တၢ်အိၣ်ဆူၣ်အိၣ်ခ@‚ တၢ်သူၣ်ဒူသးဒူ‚ ဒီးတၢ်သ့ၣ်ညါတဖၣ် န့ၣ်လီၤႉခီဖျိ တၢ်ထုကဖၣ်အဃိ ပတုၤဃီၤဆူ အအိၣ်ကိးဆၢကတီၢ်ဒဲးသ့၀ဲ‚ ဒီးတချုးလၢ ပတဲအီၤဒံးဘၣ်န့ၣ် အ၀ဲသ့ၣ်ညါ ပတၢ်လိၣ်ဘၣ်တဖၣ် (း၈) န့ၣ်လီၤႉ နတၢ်ဂဲၤလိာ်လၢတနံၤအံၤ မ့ၢ်တၢ်မနုၤလဲၣ်ႉ ယွၤအိၣ်ဘူးဒီး ပှၤလၢအကိးထီၣ်အီၤခဲလၢာ်န့ၣ်လီၤ (စံး ၁၄၅း၁၈) ႉ Bငူူ ဃမသတိနမ