ခရၠာစးံာ်အိၣ်ဖျဲၣ်အတၢ်ဒုးနဲၣ်အါမံၤပာ်ဖျါ၀ဲ ပှၤမၤကူးတဖၣ် ဟဲဘူၣ်ထီၣ်ဘါထီၣ် ယ့ၣ်။းဖဲ ဘ့ၤသလ့ဃ့ၣ်အပူၤ‚ ဃုာ်ဒီးပှၤကွၢ်သိတဖၣ် တကတီၢ်ဃီန့ၣ်လီၤႉဘၣ်ဆၣ်‚ ခီဖျိ လံာ်မးသဲ အတၢ်ပာ်ဖျါ‚ ဒ်အမ့ၢ်လံာ်စီဆှံ အတၢ်ပာ်ဖျါထဲတတီၤအံၤ လၢ တၢ်ဂ့ၢ်အံၤ‚ ပကထံၣ်ဘၣ်လၢ ပှၤမၤကူးဖိတဖၣ် ဟဲတုၤ၀ဲလၢ အလီၢ်ခံ န့ၣ်လီၤႉ ယ့ၣ်။းတအိၣ်၀ဲဒၣ်လၢ ကျီၢ်အီၣ်ဆၣ်အပူၤ လၢၤဘၣ်ႉ မ့ၢ်၀ဲလၢ ဟံၣ်တဖျၢၣ်အပူၤန့ၣ်လီၤႉ မးသဲ ၂း၁၁ ပာ်ဖျါ၀ဲ‚ ‘‘ဒီးလဲၤနုာ်ဆူ ဟံၣ်ပူၤ‚ ဒီးထံၣ်ဘၣ် ဖိသၣ်အိၣ်ဒီး အမိၢ်နီၢ်မၤရၠာစးံ‚ ဒီးထိၣ်လီၤပှီၤအသး‚ ဒီးဘူၣ်ထီၣ်ဘါထီၣ်အီၤ‚ ဒီးအိးထီၣ်အတၢ်လုၢ်ဒိၣ်ပရၤဒိၣ်‚ ဒီးမၤဘူၣ်အီၤလၢထူ‚ ဒီးလီၢ်ဘၣ်‚ ဒီးမူရၠာစးၣ်လီၤ’’ႉ
ဖဲပဆိကမိၣ်ထီၣ်၀ဲ ပှၤမၤကူးတဖၣ် အတၢ် ဟဲတုၤစဲၤခံအဂ့ၢ်ဒီး ကဲထီၣ် တၢ်ဆိကမိၣ်လၢ အဒုး သ့ၣ်နီၣ်ထီၣ်ပှၤ မၤအသးဒ်ပစးထီၣ် နံၣ်အသီတနံၣ် အသိး န့ၣ်လီၤႉ ယ့ၣ်။းမ့ၢ်ပှၤလၢ အ့ကၢးဒိးန့ၢ်ဘၣ် တၢ်ဘူၣ်ထီၣ် ဘါထီၣ်အီၤ ထီဘိန့ၣ်လီၤႉ ဖဲအဆၢကတီၢ်လၢ တၢ်အိၣ် ကသုၣ်ကသီပူၤကွံာ်ဒီး ပဘၣ်က့ၤဆူ ပတၢ်အိၣ်မူ တၢ်ဖံးအီၣ် မၤအီၣ်လၢ ကိးနံၤဒဲးအပူၤဒၣ်လဲာ် ပဘၣ် မၤလၤကပီၤ ပှၤတဂၤအံၤလၢ ပတၢ်အိၣ်မူအပူၤ န့ၣ်လီၤႉ
ယ့ၣ်။းခရၠာစးံာ်မ့ၢ် ဧံးမၤနူၤအ့လး‚ ယွၤလၢအအိၣ်ဒီး ပှၤကိးကတီၢ်ဒဲးန့ၣ်လီၤ (မး ၁း၂၃) ႉ အ၀ဲဒၣ် အၢၣ်လီၤ၀ဲလၢ အ၀ဲကအိၣ်ဒီး ပှၤထီဘိန့ၣ်လီၤ (၂၈း၂၀) ႉ မ့ၢ်လၢ အ၀ဲအိၣ်ဒီး ပှၤထီဘိတဘိယူၢ်ဃီအဃိ ပဘူၣ်ထီၣ်ဘါထီၣ်အီၤလၢ ပသးပူၤသ့၀ဲလၢ ကိးနံၤဒဲးအပူၤ‚ ဒီးအ၀ဲဒၣ် ကဒုးနဲၣ်အတၢ်တီတၢ်လိၤလၢ နံၣ်လၢ အကဟဲအပူၤန့ၣ်လီၤႉ ဒ်ပှၤမၤကူးတဖၣ် ဃုထံၣ်အီၤအသိး‚ မ့ၢ်သ့ဒီး ပ၀ဲစ့ၢ်ကီး ပကဃုထံၣ်န့ၢ်အီၤဒီး ဘူၣ်ထီၣ်ဘါထီၣ်အီၤ ဖဲပအိၣ်တပူၤလၢ်လၢ်တက့ၢ်ႉ ဲၠာနျ Bၠညုျ