ဖိသၣ်အိၣ်ဖျဲၣ်ထီၣ်သီဖိ အိၣ်ဒံးဒၣ်ထဲ အနၣ်ရၠာစးံၣ်ဧိၤတဂၤ ဘၣ်တၢ်ပာ်တ့ၢ်အီၤလၢ တၢ်ဒုးနဲၣ်ဃာ်ခရၠာစးံာ်အိၣ်ဖျဲၣ်အလီၢ် အကျီၢ်အီၣ်ဆၣ်အကျိးအပူၤ ဖဲ၀့ၢ်နယူယီး တၢ်ဘါသရၠာစးိာ်တဖျၢၣ်အချၢန့ၣ်လီၤႉ မိၢ်သးစၢ်လၢ အတၢ်မုၢ်လၢ်လၢာ်တဂၤ ဘိၣ်ဘံ လၢၤဃာ်အဖိခွါဖိ ဒီးဟဲပာ်အီၤ ဖဲတၢ်ထံၣ်အီၤသ့အလီၢ်န့ၣ်လီၤႉ ပကအဲၣ်ဒိး ပာ်ဒ့ၣ်ပာ်ကမၣ် ကတိၤစံၣ်ညီၣ် ပိာ်မုၣ်တဂၤအံၤလီၤႉ ဘၣ်ဆၣ်လၢ အလီၢ်န့ၣ်‚ ပစံးဘျုး သ့လၢဖိဆံးဖိတဂၤအံၤ အခဲအံၤ ကဒိးန့ၢ်ဘၣ် တၢ်ခွဲးတၢ်ယာ် လၢကမူအဂီၢ်လံအဃိန့ၣ်လီၤႉ
တၢ်ဂ့ၢ်အံၤ‚ ဘၣ်ယၤဒ်ယနီၢ်ကစၢ်ဒၣ်ယဲ အသိး နှၣ်လီၤႉ ဒ်ယမ့ၢ်ယဲ ဖိသၣ်လၢ အဘၣ်တၢ်လုၢ်ဖိအီၤ တဂၤအသိး‚ ဖဲယအိၣ်ဖျဲၣ်ထီၣ်အခါ တၢ်အိၣ်အသး မၤအသးဒ်လဲၣ်န့ၣ် ယတသ့ၣ်ညါလ့ၤတက့ၤဘၣ်ႉ ဘၣ်ဆၣ် ယသးတကလၢၢ်ဘၣ် နီတဘျီလၢ ယဘၣ်တၢ်ပာ်တ့ၢ်ကွံာ်ယၤဘၣ်ႉ တၢ်လၢ ယသ့ၣ်ညါလီၤတံၢ်တမံၤန့ၣ် ယအိၣ်ဒီး မိၢ်ခံဂၤလၢ အအဲၣ်ဒိး၀ဲလၢ ယကအိၣ်မူဘၣ်အဂီၢ်လီၤႉ မိၢ်တဂၤ ဟ့ၣ်ယၤသးသမူ‚ ဒီးအဂၤတဂၤ ဘျုးလီၤပာ်လီၤ အတၢ်အိၣ်မူ လၢယဂီၢ်န့ၣ်လီၤႉ
လၢလံာ် ၂ မိၤဒီးအပူၤ ပဖးဘၣ် မိၢ်အဲၣ်တၢ်တဂၤလၢ အအိၣ်လၢတၢ်မုၢ်လၢ် လၢာ်အကတီၢ်အဂ့ၢ်န့ၣ်လီၤႉ စီၤပၤဖၤရၠာစးိၤ ဟ့ၣ်လီၤတၢ်ကလုၢ်လၢ တၢ်ကမၤသံ ဖိခွါလၢအိၣ်ဖျဲၣ်တဖၣ်ခဲလၢာ် လၢပှၤယူဒၤဖိတဖၣ်အကျါလီၤ (၁း၂၂) ႉ အဃိ စီၤမိၤဒီးအမိၢ် ပာ်ခူသူၣ်အီၤ တသ့ဖဲအသ့လီၤႉ တုၤစီၤမိၤဒီးဖိ ပှဲၤထီၣ်သၢလါဒီး‚ အမိၢ်လဲၤပာ်အီၤလၢဆှဲဖိ လၢထံနုာ်တသ့ဘၣ်အပူၤ‚ လၢထံမိၢ်ပှၢ်အနံၤန့ၣ်လီၤႉ
မိၢ်တဂၤအံၤ အတၢ်တိာ် မ့မ့ၢ်ဒ်သိး ဖိသၣ်ကဘၣ် တၢ်အုၣ်ခီၣ်အီၤလၢ ဖၤရၠာစးိၤအဖိမုၣ်‚ ကဒိၣ်ထီၣ်လၢ ဖၤရၠာစးိၤအနီပူၤ‚ ဒီးတဆီဘၣ်တဆီ ကမၤထူၣ်ဖျဲးထီၣ်က့ၤ အပှၤကလုာ်တဖၣ်လၢ ကုၢ်အလီၢ်အဂီၢ်န့ၣ်ဒီး‚ တၢ်တိာ်အံၤ ကဲထီၣ်လိၣ်ထီၣ်၀ဲ ဂ့ၤဂ့ၤဘၣ်ဘၣ်န့ၣ်လီၤႉ
အကတီၢ်ဖဲမိၢ်လၢ အတၢ်မုၢ်လၢ်လၢာ်တဂၤ ဟ့ၣ်အဖိ တၢ်ခွဲးတၢ်ယာ်လၢ ကမူအခါ‚ ယွၤဟံးထီၣ်ဖိသၣ်အံၤ ဖဲန့ၣ်သ့၀ဲလီၤႉ ယွၤညီနုၢ်မၤတၢ် သ့သ့ဘၣ်ဘၣ်‚ လၢကျဲလၢ ပဆိကမိၣ်တသ့ဘၣ်န့ၣ်လီၤႉ Tငာ ွကျအၠ်ျသည
ဖး □ ၂ မိၤ ၁း၂၂-၂း၁၀လံာ်စီဆှံလၢ တနံၣ်အဂီၢ် □ မံကၤ ၄-၅ □ လီၣ် ၁၂
တုၤယမိၢ်ဒီး ယပၢ်လဲၤသဒၣ်ယၤဒီး ယွၤကဟံးန့ၢ်ထီၣ်ယၤ လီၤႉ □ (စံး ၂၇း၁၀)
ပၢ်ဧၢ‚ တနံၤအံၤ ပထုကဖၣ်န့ၢ် တၢ်လၢပှၤလၢ အတၢ်မုၢ်လၢ်လၢာ်ဒီး အအိၣ်သယုၢ်သညိတဖၣ်အဂီၢ်လီၤႉ ပဃ့လီၤဆီဒၣ်တၢ်လၢ ဖိသၣ်လၢအဖှီၣ်ဒီး ဒီတဒၢအသး တသ့ဘၣ်တဖၣ်လၢလီၢ်ကိးပူၤဒဲးအဂီၢ်န့ၣ်လီၤႉ မၤစၢၤပှၤ ဒ်သိးပကမၤလၢပှဲၤ အ၀ဲသ့ၣ် အတၢ်လိၣ်ဘၣ်တဖၣ် ဒ်ပမၤသ့အသိးန့ၣ်တက့ၢ်ႉ
ဟ့ၣ်ခီဟ့ၣ်နီၤလီၤ ခရံာ်အတၢ်အဲၣ်တက့ၢ်ႉ
Our Daily Bread Topics:
Uncategorized
