လၢအပူၤကွံာ်‚ ဖဲယမၤတၢ်လၢ တၢ်မၤအပူၤအခါ‚ ခီပနံၣ် အဂၤတခါ ကိးယၤ ဒ်သိး ယကမၤအတၢ် ဒီးဟ့ၣ်ယၤတၢ်လီၢ်တၢ်လၤလၢ ယကဒိးန့ၢ်လါလဲဂ့ၤဂ့ၤန့ၣ်လီၤႉ ယတၢ်မၤလၢ ယမၤပာ်တခါတခီ‚ ဖျါဘၣ်ယၤ လၢတၢ်မၤယွၤအတၢ်မၤန့ၣ်လီၤႉ ပမ့ၢ်ခီဆူတၢ်မၤအသီအအံၤ‚ ပပှၤဟံၣ်ဖိတဖၣ် ပကဘၣ်ဘျုးအါဒိၣ်ထီၣ်၀ဲလၢ ကျိၣ်စ့တကပၤန့ၣ်လီၤႉ ယအိၣ်ဒီး တၢ်သးတံာ်တာ် တမံၤအံၤလီၤႉ ယနီၢ်ကစၢ်ဒု ယတဃုတၢ်မၤအသီဘၣ်ႉ မ့ၢ်လၢယမူယဒါခဲအံၤန့ၣ် ယအဲၣ်အီၤ ဒီးမ့ၢ်တၢ်လီၢ်လၢ လိၣ်ဘၣ်ယၤ အဃိန့ၣ်လီၤႉ
ဘၣ်ဆၣ်‚ ကျိၣ်စ့အဂ့ၢ်အကျိၤ ႉႉႉ
ယဆဲးကျိးဃီၤ ကွဲၤဒီနၢ်ဆူ ယပၢ်အအိၣ်‚ အခါ ဖဲန့ၣ် ယပၢ်အိၣ်လၢ အနံၣ်နွံဆံအဘျဲၣ်လံ‚ ဒီးတဲနၢ်ပၢၢ် အီၤလၢတၢ်ဂ့ၢ်တၢ်ကျိၤတဖၣ်လီၤႉ ယပၢ်မ့ၢ်လၢ အဘၣ်ကလံၤဒီး အတၢ်သ့ၣ်ညါ တဖၣ် တခ@ဒ်လၢညါအသိးဘၣ်ဆၣ်‚ အတၢ်စံးဆၢန့ၣ် ဆှံ၀ဲတဲာ်၀ဲ လီၤတံၢ်၀ဲလီၤႉ စံး၀ဲ ‘‘ဆိကမိၣ်ဒီး ဒွးတၢ်လၢ ကျိၣ်စ့အဂ့ၢ်တဂ့ၤ‚ နကမၤမနုၤလဲၣ်’’ႉ
လၢတၢ်ဆၢကတီၢ်တဖျးမဲာ်အတီၢ်ပူၤ‚ ယပာ်လီၤသးန့ၢ်၀ဲလီၤႉ ကျိၣ်စ့အဂ့ၢ် အကျိၤ မ့ၢ်တၢ်အဂ့ၢ်မိၢ်ပှၢ်တမံၤလၢ ယကပာ်တ့ၢ်ကွံာ် ယတၢ်မၤလၢ ယအဲၣ်န့ၣ်လီၤႉ တၢ်ဘျုးလီၤပၢ်ဧၢႉ
လၢတၢ်သးအိၣ်ဖးဒိၣ်အပူၤ ယ့ၣ့်ှâး သိၣ်လိတၢ် ဘၣ်ဃးကျိၣ်စ့ဒီး တၢ်အဲၣ် ကျိၣ်စ့အဂ့ၢ်လၢ ‘‘တၢ်ကစီၣ်လၢ တၢ်လုၢ်ဒီခိၣ်’’ အပူၤန့ၣ်လီၤႉ အ၀ဲသိၣ်လိပှၤ ဒ်သိး ပကထုကဖၣ်တၢ် တမ့ၢ်လၢတၢ်ထူးတၢ်တီၤ အါအါဂီၢ်ဂီၢ် အဂီၢ်ဘၣ်ႉ မ့ၢ်ဒၣ်လၢ ‘‘ကိၣ်လၢတနံၤဘၣ်တနံၤအဂီၢ်’’ ဧိၤလီၤ (မး ၆း၁၁) ႉ အ၀ဲဟ့ၣ်ပလီၢ်ပှၤ ဘၣ်ဃး တၢ်ပာ်ဖှိၣ်ပာ်တံၤ တၢ်ထူးတၢ်တီၤလၢ ဟီၣ်ခိၣ်အံၤ‚ ဒီးဒုးနဲၣ်ပှၤလၢ ထိၣ်တဖၣ်ဒီး ဖီတဖၣ် ဒ်တၢ်အုၣ်သးတမံၤလၢ ကစၢ်ယွၤကဟုကယာ် အစုတၢ်ဘၣ်တ့တဖၣ် လီၤတံၢ်လီၤဆဲး အဂ့ၢ်န့ၣ်လီၤ (း၁၉-၃၁) ႉ ‘‘ဃုဆိ ယွၤအဘီအမုၢ် ဒီးအတၢ်တီတၢ်လိၤ တဖၣ်တက့ၢ်ႉ ဒီးတၢ်ကပာ်ဖှိၣ် တၢ်န့ၣ်တဖၣ်ခဲလၢာ်လၢသုလီၤ’’ (း၃၃) ႉ
Tငာ ွကျအၠ်သျည