တၢ်စံး၀ဲလၢ ဖဲတချုးခရၠာစးံာ်နံၣ် ၇၅‚ ပှၤဒိးဘၣ်တၢ်လၤကပီၤသးစၢ်လၢ အမံၤမ့ၢ် ကၠူလံယၢးစံစၢၢ် ဘၣ်တၢ်ဖီၣ်န့ၢ်ဒီး စၢဃာ်အီၤလၢပှၤအၢဖိတဖု ဒ်သိးကဘၣ် တၢ်ပရၤက့ၤ
အီၤလၢ ကျိၣ်စ့အဂီၢ်န့ၣ်လီၤႉ ဖဲအ၀ဲသ့ၣ်ဃ့န့ၢ် စ့အတၤလၣ် ၂၀‚ လၢအပှဲၤသိးဒီး ဒီလၣ် ၆၀၀‚၀၀၀ လၢမုၢ်မဆါတနံၤအံၤန့ၣ်ဒီး စံစၢၢ်နံၤ၀ဲဒီး စံးလၢအ၀ဲသ့ၣ် တသ့ၣ်ညါလၢ အ၀ဲမ့ၢ်မတၤလဲၣ်န့ၣ်လီၤႉ စံစၢၢ်စံးဘၣ် အ၀ဲသ့ၣ် ဒ်သိး
အကဃ့အါထီၣ် ကျိၣ်စ့ဆူ တၤလၣ် ၅၀ န့ၣ်လီၤႉ ဘၣ်မနုၤ အဃိလဲၣ်‚ မ့ၢ်လၢ အ၀ဲနာ်လၢ အမ့ၢ်ပှၤတဂၤလၢ အကၢ ကီၣ်
အပရၤအါန့ၢ်ဒံး တၤလၣ် ၂၀ အဃိန့ၣ်လီၤႉ
လၢစံစၢၢ် အတၢ်ပာ်လုၢ်ပာ်ပရၤလီၤအသးဒၣ်၀ဲဒီး ကစၢ်ယွၤအတၢ်ပာ်လုၢ် ပာ်ပရၤ ပ၀ဲတဂၤဘၣ်တဂၤ အဘၢၣ် စၢၤ မ့ၢ်ပထံၣ်ဘၣ်တၢ်လီၤဆီလိာ်သးဒ်လဲၣ်ႉ ပလုၢ်ပပရၤ တဘၣ်တၢ်ထိၣ်ဒွးအီၤလၢကျိၣ်စ့ ဘၣ်ဆၣ် ဘၣ်တၢ်ထိၣ်ဒွး အီၤလၢ ပပၢ်အိၣ်လၢမူခိၣ် အတၢ်မၤလၢပဂီၢ်န့ၣ်လီၤႉ
အ၀ဲပရၤက့ၤပှၤလၢတၢ်မနုၤတမံၤလဲၣ်‚ ခီဖျိအဖိခွါ
ထဲတဂၤဧိၤ အတၢ်သံလၢထူၣ်စုညါအလိၤ‚ ပၢ်ဟ့ၣ်တၢ် အပရၤ ဒ်သိးအကမၤထူၣ်ဖျဲးပှၤလၢတၢ်ဒဲးဘးအဂီၢ်န့ၣ်လီၤႉ ‘‘အဂ့ၢ်ဒ်အံၤ သုသ့ၣ်ညါလၢ တၢ်တပရၤက့ၤ သုလၢတၢ်အုၣ်သံကျၣ်သံ‚ ဒ်စ့ဒီးထူအသိး လၢသုလုၢ်သုလၢ်လၢ မိၢ်စိၤပၢ်စိၤ အပူၤဘၣ်‚ မ့မ့ၢ်တၢ်ပရၤက့ၤ သုလၢခရၠာစးံာ်အသွံၣ်လၢအလုၢ်ဒိၣ်ပရၤဒိၣ်’’ (၁ပ့း ၁း၁၈-၁၉) န့ၣ်လီၤႉ
ကစၢ်ယွၤအဲၣ်ပှၤဒိၣ်မးဒီး ဟ့ၣ်လီၤကွံာ်အဖိခွါ ဒ်သိး အကတူၢ်သံအသး လၢထူၣ်စုညါအလိၤဒီး ဂဲၤဆၢထၢၣ်သမူထီၣ်က့ၤလၢတၢ်သံဒီး ပရၤက့ၤပှၤအဂီၢ် န့ၣ်လီၤႉ တၢ်အံၤမ့ၢ်နလုၢ်နပရၤလၢအ၀ဲအဂီၢ်န့ၣ်လီၤႉ Bငူူ ဃမသတိနမ