တၢ်လၢယအဲၣ်မၤတမံၤမ့ၢ် တၢ်ဒိ မုၢ်လီၤနုာ်အဂီၤတဖၣ် ဖဲမံး့ှှံကၢၢ်အနိၣ် န့ၣ်လီၤႉ မုၢ်လီၤနုာ်တနီၤ အိၣ်ဒီးအလွဲၢ်စၢ်ကဒု အကလုာ်ကလုာ်‚ ဒီးအဂၤတနီၤ အိၣ်ဒီးအလွဲၢ်လၢ အကပီၤဆူၣ်တဖၣ်န့ၣ်လီၤႉ တဘျီဘျီ မုၢ်လီၤနုာ်၀ဲ ကစုဒုလၢ နိၣ်အချၢ‚ ဒီးတဘျီဘျီ ဖျါလီၤဂာ် ဒ်မ့ၣ်ပိၢ်ဖးအသိးန့ၣ်လီၤႉ
အါန့ၢ်လၢ တၢ်ဂီၤတဖၣ်အပူၤန့ၣ် ယအဲၣ်ဒိး ကွၢ်မုၢ်လီၤနုာ်လၢ ယနီၢ်ကစၢ်ဒၣ်ယဲန့ၣ်လီၤႉ လၢတၢ်ဂီၤ
အပူၤဂ့ၤ‚ လၢနီၢ်ကစၢ် မဲာ်အတၢ်ထံၣ်ဂ့ၤ‚ တၢ်ခံမံၤလိာ် အံၤ ပာ်ဖျါထီၣ် ယွၤအစုအတၢ်မၤလၢ အဂ့ၤန့ၣ်လီၤႉ ဘၣ်ဃးဒီး ယွၤအတၢ်မၤလၢ ဟီၣ်ခိၣ်ချၢအံၤစ့ၢ်ကီး ယတၢ် ဘၣ်သးမ့ၢ်တၢ်တမံၤဃီလီၤႉ အါန့ၢ် ကိၣ်လၢတနံၤအဂီၢ်လၢ
ညီနုၢ်ယမၤန့ၢ်ကိးနံၤဒဲးအလီၢ်န့ၣ်‚ ယအဲၣ်ဒိး မၤန့ၢ်ဘၣ် တၢ်စံးဆၢလၢ အဒိၣ်အမုၢ် တဘျီဃီန့ၣ်လီၤႉ ဘၣ်ဆၣ် တၢ်ခံမံၤလိာ်အံၤ မ့ၢ်ဒၣ်ယွၤ အတၢ်မၤန့ၣ်လီၤႉ
ဘၣ်သ့ၣ်သ့ၣ် ၀ံအ့ၤလံယၤ ဆၢန့ၢ်တၢ် ဒ်အံၤသိး န့ၣ်လီၤႉ အ၀ဲညီနုၢ်အိၣ်လၢ ယွၤအစိအကမီၤလီၤလး အတၢ်လီၣ်ဖျါအသးကံၢ်ပူၤန့ၣ် လီၤႉ ဖဲအ၀ဲ ဃ့ဘါထု ကဖၣ်တၢ်န့ၣ်‚ ယွၤဒုးနဲၣ်တၢ်လၢ ကျဲလီၤလးဖးဒိၣ်တဖၣ်အပူၤလီၤႉ အဆိကတၢၢ်တဘျီလၢ တၢ်မၤနၢၤလီၤလးလၢ ဘဧၤလးအ၀ံတဖၣ်အလိၤ‚ ဒီးလၢခံ တဘျီမ့ၢ် တၢ်မၤကတၢၢ်ကွံာ် တၢ်ယီၤဃ့လၢအယံာ်ဒီးနး (၁ စီၤ ၁၈) န့ၣ်လီၤႉ ဘၣ်ဆၣ် ၀ံအ့ၤလံယၤ ပျံၤဒီးဃ့ၢ်၀ဲလီၤႉ ႉယွၤဆှၢလီၤအကလူးတဂၤ ဒ်သိးအကလုၢ်အီၣ်အီၤဒီး မၤဆူၣ်ထီၣ်အဂံၢ်အဘါလၢ အတၢ်လဲၤအဂီၢ်လီၤႉ အသီ ၄၀ ၀ံၤ အ၀ဲလဲၤတုၤဆူ ကစၢၢ်ဃိၤရၠာစး့း န့ၣ်လီၤႉ ယွၤပာ်ဖျါလၢ အ၀ဲဒၣ်ကတိၤတၢ်ဒီးအီၤ‚ တမ့ၢ်လၢ တၢ်လီၤ လးလၢ အဖျါ့တၢၢ်ကလာ်တဖၣ်အပူၤဘၣ်‚ မ့မ့ၢ်လၢ တၢ်ကလုၢ်သီၣ်ဆံးဖိအပူၤ န့ၣ်လီၤ (၁၉း၁၁-၁၂) ႉ
နမ့ၢ်သးဟးဂီၤ မ့ၢ်လၢယွၤတဒုးနဲၣ်ဖျါထီၣ် အလၤကပီၤ ဖျိဖျိဖျါဖျါအဃိ န့ၣ်ဒီး‚ ဘၣ်သ့ၣ်သ့ၣ် တၢ်အံၤကမ့ၢ် ယွၤလီၣ်ဖျါထီၣ်အသး ခီဖျိအတၢ်အိၣ်ဒီး ပှၤလၢ တၢ်ဘရၣ်ဘှီၣ်အပူၤန့ၣ်လီၤႉ ဲကူငန ဗခုနမာၠည ူငညု