ဖဲနပျံၤတၢ်အဆၢကတီၢ်

လၢယဂီၢ် တၢ်အိၣ်ဆူၣ်အိၣ်ချ့ အတၢ်ဂ့ၢ်ကီ လီၤလီၤဆီဆီ တအိၣ်ဘၣ်သနာ်က့ ယကဘၣ်လဲၤထံၣ်လိာ်သးဒီး ကသံၣ်သရၣ် ဘၣ်ဃးဒီး တၢ်အိၣ်ဆူၣ်အိၣ်ချ့ အတၢ်သမံသမိး, အတၢ်မၤကွၢ်အဂီၢ်, ယကဘၣ်လဲၤန့ၣ် ယပျံၤတၢ်န့ၣ်လီၤ. တၢ်လၢအပူၤကွံာ် အါနံၣ်အါလါအတီၢ်ပူၤ ယသ့ၣ်နီၣ်ထီၣ်က့ၤလၢ ယဘၣ်ကူစါယသး လၢတၢ်တဆိကမိၣ်တၢ်အပူၤန့ၣ် ကဲထီၣ် တၢ်သူၣ်ကိၢ်သးဂီၤလၢယဂီၢ်န့ၣ်လီၤ. ယသ့ၣ်ညါတ့ၢ်လၢ ယွၤအိၣ်ဒီးယၤ ဒီးယကြၢးနာ်အီၤ ဘၣ်ဆၣ် ယပျံၤတၢ်ဒံးအဖၢမုၢ်န့ၣ်လီၤ.

ယသးဟးဂီၤလၢ ယတၢ်ပျံၤတၢ်ဖုး ဒီးယတၢ်နာ်တအိၣ်ဘၣ် ဒ်သိးအံၤအဃိန့ၣ်လီၤ. ယွၤမ့ၢ်အိၣ်ဒီးယၤထီဘိန့ၣ်ဒီး ဘၣ်မနုၤအဃိ ယဘၣ်ကိၢ်ဘၣ်ဂီၤတၢ် ဒ်သိးအံၤန့ၣ်လဲၣ်. တၢ်မၤအသးတဖၣ်ဝံၤ ဘၣ်မုၢ်ဆ့ၣ်ထီၣ်တဂီၤန့ၣ် ယနာ်လၢ ယွၤဒုးနဲၣ်ယၤ စီၤကံးဒဧိၣ် အတၢ်ဂ့ၢ်န့ၣ်လီၤ.

စံၣ်ညီၣ် ၆:၁၂ အပူၤ စီၤကံးဒဧိၣ် ဘၣ်တၢ်ကိးအီၤလၢ “ပှၤသုးဖိအဆူၣ်”န့ၣ် ပျံၤတၢ်လၢကဘၣ်လဲၤဒုး ပှၤမံးဒယၣ်ဖိတဖၣ်န့ၣ်လီၤ. အဆၢဖိ ၁၆-၂၃ ဒီး ၃၆-၄၀ အပူၤ ပကထံၣ်ဘၣ် ယွၤအၢၣ်လီၤအီၤလီၤ လၢကလဲၤဃုာ်တၢ်ဒီးအီၤ ကဟ့ၣ်အီၤတၢ်မၤနၢၤ ဘၣ်ဆၣ် စီၤကံးဒဧိၣ် ဃုထံၣ်န့ၢ်တၢ်မၤလီၤတံၢ်တၢ် လၢကဒုးဆူၣ်ထီၣ်အသးအဂီၢ်တဘျုးဘျီညါန့ၣ်လီၤ.…

ယွၤပှ့ၤက့ၤပတၢ်ဆါ

အီလ့း(Olive)ကွၢ်ဝဲ အတံၤသကိးပာ်ထီၣ် တၢ်ထဲးမဲအပီးအလီတဖၣ်ဆူ အသိလ့ၣ်ပူၤလီၤ. ဒ်မဲကသံၣ်သရၣ်(dentist)တဂၤအသိး အဝဲပှ့ၤတ့ၢ်ဝဲ တၢ်အပီးအလီသီသံၣ်ဘှဲ တဖၣ် ဒီးတၢ်ကဲထီၣ် မဲကသံၣ်သရၣ်မ့ၢ်တ့ၢ်ဝဲအတၢ်မံမီၣ်လီၤ. ဘၣ်ဆၣ် ဖဲအဝဲအဖိခွါ “ခဲၣ်” အိၣ်ဖျဲၣ်ထီၣ် ကတီၢ်န့ၣ် မ့ၢ်လၢအဝဲအိၣ်ဒီး ခိၣ်နူာ်ထူၣ်ပျၢ်အဂံၢ်စၢ်တၢ်ဆါန့ၣ်, အဝဲသ့ၣ်ညါဝဲလၢ ကဘၣ်ဆိကတီၢ်အတၢ်မၤဒ်သိးကကွၢ်အဖိခွါလီၤ.

ယသကိးတဲဘၣ်ယၤ“ယမ့ၢ်အိၣ်ဒီးသးသမူအဘျီအကကွဲၢ်န့ၣ် ယကဃုထၢဒၣ် တၢ်တမံၤဃီအံၤလီၤ”န့ၣ်လီၤ. “ဘၣ်ဆၣ် ယဘၣ်ပျဲကွံာ် မဲကသံၣ်သရၣ်အတၢ်မၤအံၤ ကီဒိၣ်မးလီၤ” မ့ၢ်လၢယတၢ်မံမီၢ်လီၤမၢ်ကွံာ်ဝဲအဃိန့ၣ်လီၤ.

ယလဲၤခီဖျိဘၣ်တၢ်ကီတၢ်ခဲလၢပတနၢ်ပၢၢ်အီၤခဲအံၤခဲအံၤလီၤ. လၢအီလ့းအဂီၢ်, အဖိခွါအတၢ်အိၣ်ဆူၣ်အိၣ်ချ့ အတၢ်အိၣ်သးလၢတၢ်တဆိကမိၣ်တၢ်အပူၤ ဒီးတၢ်ဘၣ်ဆိကတီၢ်ကွံာ်အတၢ်သးစဲလၢတၢ်တမုၢ်လၢ်တၢ်အပူၤအံၤ ကဲထီၣ် တၢ်ခိၣ်ဆါလၢအဂီၢ်လီၤ. လၢနီၢ်နၤဧမံ အဂီၢ်စ့ၢ်ကီး ဟံၣ်ဖိဃီဖိခဲလၢာ်လီၤမၢ်ကွံာ်န့ၣ် မ့ၢ်တၢ်ခိၣ်ဆါလၢအဂီၢ်လီၤ. ဖဲရူၤသး ၁:၂၁ န့ၣ် အဝဲယၢၤထီၣ်ဝဲ, “တၢ်သ့တၢ်လၢာ်မၤအၢယၤလီၤ”
ဘၣ်ဆၣ် နီၢ်နၤဧမံအတၢ်တဲအါထီၣ်ဒံး ဖဲအထံၣ်ဘၣ်ဝဲလီၤ. ယွၤတညိကွံာ်အီၤဘၣ်, ယွၤဟ့ၣ်က့ၤအီၤတၢ်မူထီၣ်ခီဖျိဟ့ၣ်အီၤ အလံၤခွါဖိစီၤဧိၤဘ့းလီၤ (ရူးသး ၄:၁၇). စီၤဧိၤဘ့းတမ့ၢ်ထဲအစိာ် နီၢ်နၤဧမံအဝၤဒီး အဖိခွါအမံၤဘၣ် မ့မ့ၢ်အဝဲကဲထီၣ် စီၤဘိၤဧးအဒူၣ်ဖိထၢဖိလၢအလီၤစၢၤလီၤသွဲၣ်လၢကစၢ်ယ့ၣ်ရှူးန့ၣ်လီၤ(မး ၁:၅,၁၆).

ယွၤအုၣ်က့ၤခီၣ်က့ၤ(ပှ့ၤက့ၤ) နီၢ်နၤဧမံအတၢ်ဆါလီၤ. အဝဲပှ့ၤက့ၤစ့ၢ်ကီး…

လၢတၢ်သးခုကစီၣ်အဂီၢ်

ဖဲ၁၉၁၆ နံၣ်န့ၣ် နဲလစဲၣ်ဘဲ(Nelson Bell)ဖျိထီၣ်ဝဲ ကသံၣ်တၢ်မၤလိဖဲ အိၣ်ဖျဲၣ်အလီၢ် လၢကီၢ်စဲၣ်ဘကၠံနယၢၤ(Virginia)န့ၣ်လီၤ. တၢ်လၢနံၣ်အံၤအပူၤ အဝဲဒိးတ့ဒိးဖျီအသးဒီးအမါဝံၤ ဃုလါ အတီၢ်ပူၤန့ၣ်လဲၤတုၤဝဲဒၣ်ဆူတရူးကီၢ်န့ၣ်လီၤ. ဖဲအသးအိၣ်ဝဲ (၂၂)နံၣ်န့ၣ် အဝဲဘၣ်မၤဝဲ ကသံၣ်သရၣ် လၢအကွဲးကါကူစါတၢ်ဖဲ တၢ်အဲၣ်ဒီးတၢ်သးကညီၤတၢ်ဆါဟံၣ်န့ၣ်လီၤ. တၢ်ဆါဟံၣ်အံၤ အိၣ်ဝဲဒၣ်ထဲတဖျၢၣ်ဧိၤဒီး ဟီၣ်ကဝီၤန့ၣ် ပှၤအိၣ်ဆိးဝဲ ကအိၣ် ခံကကွဲၢ်ဘျဲၣ်န့ၣ်လီၤ. နဲလစဲၣ် ဃုာ်ဒီးအဟံၣ်ဖိဃီဖိတဖၣ် ကွၢ်ထွဲတၢ်ဆါဟံၣ် အတၢ်ဖံးတၢ်မၤ, ကွဲးကါကူစါပှၤဆါ, စံၣ်တဲၤတဲလီၤတၢ်သးခုကစီၣ် ဆူညါ ၂၄ နံၣ်ဆူ ပှၤတရူးဖိလၢအကထိတဖၣ်အကထိအကျါန့ၣ်လီၤ. အပူၤကွံာ် ပှၤတရူးဖိလၢတနာ်ဝဲ ပှၤထံဂၤကီၢ်ဂၤဖိသ့ၣ်တဖၣ်န့ၣ် ကိးအီၤလၢ ‘ပှၤတခီဘီမုၢ်ပှၤအၢပှၤသီ’, လၢခံနဲလစဲၣ်န့ၣ် အမံၤဟူသၣ်ဖျါလၢ “ဘဲလၢပှၤတရူးဖိတဖၣ်အဲၣ်ဝဲ” န့ၣ်လီၤ. အဖိမုၣ်ရူၤသးန့ၣ်လၢခံဒိးတ့ဒိးဖျီအသးလၢ ပှၤမၤတၢ်သးခုကစီၣ်သရၣ်ဖးဒိၣ် ဘ့လ့ၣ်ကရ့ၣ်ဟၣ်န့ၣ်လီၤ.

နဲလစဲၣ် မ့ၢ်ပှၤစဲၣ်နိးတဂၤလၢ ကွဲးကါကူစါတၢ်ဒီးသိၣ်လိလံာ်စီဆှံသရၣ်တဂၤဘၣ်ဆၣ် တၢ်သ့တၢ်ဘၣ်တဖၣ်န့ၣ် တမ့ၢ်ဆှၢပှၤဆူ ကစၢ်ယ့ၣ်ရှူးခရံာ်အအိၣ်ဘၣ်. ခီဖျိ အတၢ်အိၣ်မူသကဲးပဝာ် ဒီးအိၣ်မူအိၣ်ဂဲၤ ဒ်ကစၢ်ယွၤကလုၢ်ကထါပာ်ဖျါဝဲအသိး အဃိ ခရံာ်တၢ်သးခုကစီၣ်အတၢ်မၤကဲထီၣ်လိၣ်ထီၣ်ဝဲဒၣ်န့ၣ်လီၤ. စီၤတံတူးလၢအမ့ၢ် ပှၤတခီဘီမုၢ်ဖိလၢ ကွၢ်ထွဲခရံာ်တၢ်အိၣ်ဖှိၣ်လၢ…

နကအဲၣ်ဒံးယၤ ကစီဒီဧါ

အကတၢၢ်န့ၣ် ပိာ်မုၣ်ဖိသၣ်ဖိ လ့လ့(Lyn-Lyn) လၢအသးအိၣ် အနံၣ်တဆံန့ၣ် ဘၣ်တၢ်လုၢ်ဖိအီၤလံန့ၣ်လီၤ. ဘၣ်ဆၣ် အဝဲအိၣ်ဒီး တၢ်ပျံၤတၢ်ဖုးလီၤ. ဖဲအဝဲအိၣ်ဆိးဝဲ လၢဖိၣ်ဃဲအဟံၣ်လၢ ပှၤလုၢ်ဒိၣ်ထီၣ်အီၤအဆၢကတီၢ် မ့ၢ်မၤကမၣ်တၢ်အဆံးကတၢၢ်ဖိဒၣ်လဲၣ် ဘၣ်တၢ်စံၣ်ညီၣ်သိၣ်သီအီၤအဃိန့ၣ်လီၤ. လ့လ့သံကွၢ် ယတံၤသကိးလၢအမ့ၢ် အမိၢ်လၢအလုၢ်ဖိအီၤလၢ “မိမိၢ်ဧၢ, နအဲၣ်ယၤဧါ” ဒီးယတံၤသကိးစံးဆၢဝဲ “မ့ၢ်,ယအဲၣ်နၤလီၤ”. လ့လ့သံကွၢ်ကဒီးဝဲ “ယမ့ၢ်မၤကမၣ်ဘၣ်တၢ်န့ၣ် မ့ၢ်နကအဲၣ်ယၤဒံးကစီဒီဧါ”

ပမ့ၢ်တကတိၤထီၣ်ဖျဲးလၢထးခိၣ်ဘၣ်ဆၣ် ပဝဲတနီၤနီၤ, ဘၣ်သ့ၣ်သ့ၣ်ပကသံကွၢ်တၢ်သံကွၢ် တမံၤဃီ, ဖဲပကလၢၢ်ဘၣ်လၢပမၤဟးဂီၤဘၣ် ကစၢ်ယွၤအသးန့ၣ်လီၤ. “နကအဲၣ်ဒံးယၤကစီဒီဧါ” ပသ့ၣ်ညါလၢဖဲပအိၣ်မူဒံးလၢဟီၣ်ခိၣ်ချၢအဖၢမုၢ်န့ၣ် ပကအိၣ်ဒီးတၢ်လီၤတူၥ်လီၤကၥ်ဒီ းပမၤကမၣ်ဘၣ်တၢ်တဘျီဘျီန့ၣ်လီၤ. ဒီးမ့ၢ်ပဆိကမိၣ်လၢ ပတၢ်ကမၣ်သ့ၣ်တဖၣ်အံၤ ဆီတလဲယွၤအတၢ်အဲၣ်လၢပဂီၢ်လံဧါန့ၣ်လီၤ.

ယိၤဟၣ် ၃:၁၆ မၤဂၢၢ်မၤကျၢၤပသးဘၣ်ဃး ယွၤအတၢ်အဲၣ်လီၤ. ယွၤဟ့ၣ်ပှၤလၢ အဖိခွါကစၢ်ယ့ၣ်ရှူးခရံၥ် ဒ်သိးကဒိးသံအသးလၢပဂီၢ်ဒီး ပမ့ၢ်စူၢ်က့ၤနၥ်က့ၤ ကစၢ်ယ့ၣ်ရှူးခရံၥ်န့ၣ် ပကဒိးန့ၢ်ဘၣ် တၢ်မူလီၤထူလီၤယိၥ်လီၤ. ဘၣ်ဆၣ်ဒီး ပစူၢ်က့ၤနၥ်က့ၤအီၤဝံၤအလီၢ်ခံ ပမ့ၢ်မၤကမၣ်ဘၣ်အီၤတခီလဲၣ်. အဆၢကတီၢ်ဖဲန့ၣ် ပကဘၣ်သ့ၣ်နီၣ်က့ၤလၢ ရိမ့ၤ ၅:၈ အတၢ်ပာ်ဖျါ “မ့မ့ၢ်ဖဲပမ့ၢ်ပှၤတၢ်ဒဲးဘးဖိအဖၢမုၢ်ဒီး, ခရံၥ်ဒိးသံအသးလၢပဂီၢ်သတးဒီး...”န့ၣ်လီၤ. ဖဲပမ့ၢ်ပှၤလၢအအၢသီဒိၣ်ဒိၣ်ကလဲၥ်အခါဒၣ်လဲၥ် မ့ၢ်အဲၣ်ပှၤန့ၣ်,…

သန့ၤသးလၢယွၤအမံၤ

ဒ်ဖိသၣ်တဂၤအသိး, တၢ်ဆၢကတီၢ်အိၣ်တကတီၢ်လၢ ယပျံၤ မ့ၢ်ဝဲယကဘၣ်လဲၤဆူကၠိအကတီၢ်န့ၣ်လီၤ. ပိာ်မုၣ်ဖိတနီၤ မၤပျံၤယၤ ခီဖျိကတိၤနၢၤယၤ, ကတိၤဆါယၤ(cruel pranks) လၢတၢ်ကတိၤကလိာ်ကလာ် တၢ်တအိၣ်ဒီးတၢ်သးကညီၤဘၣ်. လၢတၢ်န့ၣ်အဃိ ဖဲတၢ်ပျၢ်ကသုၣ်ကသီ လၢကၠိအကတီၢ်, ယလဲၤအိၣ်ခူသူၣ်လၢ လံာ်ရိဖှိၣ်ဒၢး, ဒီးဖးလံာ်စီဆှံ တၢ်တဲဖိတဖၣ်အဂ့ၢ်န့ၣ်လီၤ. ယသ့ၣ်နီၣ်မံၤ “ယ့ၣ်ရှူး”လၢ ယဖးဘၣ်အဆိကတၢၢ်လီၤ. ဒ်လဲၣ်ဂ့ၤဒ်လဲၣ်ဂ့ၤ, ယသ့ၣ်ညါလၢမံၤအံၤ မ့ၢ်ပှၤတဂၤလၢအအဲၣ်ယၤလီၤ. တၢ်န့ၣ်ဝံၤဒီးဆူညါ, ဖဲယလဲၤနုာ်ဆူကၠိအိၣ်ဒီး တၢ်ပျံၤတၢ်ဘၣ်ယိၣ်တဘျီလၢ်လၢ်, ယဃ့ထုကဖၣ်လၢ “ယ့ၣ်ရှူးဧၢ, ဒီဒၣ်အိၣ်ပှိၤယၤတက့ၢ်”န့ၣ်လီၤ. ခီဖျိယသ့ၣ်ညါလၢ ၣ်ရှူး ကွၢ်လီၤယၤအဃိ, ယဂံၢ်ဘါဆူၣ်ထီၣ်အါထီၣ် ယသးအတၢ်ကိၢ်တၢ်ဂီၤ လီၤကဆှၣ်ဝဲလီၤ. လၢခံကတၢၢ်, ပိာ်မုၣ်ဖိတဖၣ် တၢ်ဘှံးအသးလၢ အမၤပျံၤယၤ ဒီးဆူညါတမၤဝဲလၢၤဘၣ်န့ၣ်လီၤ.

နံၣ်တဖၣ် လါတဖၣ်လဲၤပူၤကွံာ်၀ဲဒီး တၢ်သန့ၤသးလၢကစၢ်အမံၤန့ၣ် ပၢၤဃာ်ယၤ ဆူညါကွ့ၢ်ကွ့ၢ် လၢတၢ်ဆၢကတီၢ်ကီခဲအပူၤလီၤ. တၢ်သန့ၤသးလၢ ကစၢ်အမံၤန့ၣ် မ့ၢ်တၢ်နာ်တၢ်လၢ ကစၢ်စံးဝဲဘၣ်ဃး အဝဲအတၢ်မ့ၢ်တၢ်န့ၣ် မ့ၢ်ဝဲတီဝဲ, ပျဲယအိၣ်ဘှံးလၢအပူၤလီၤ.

စီၤဒၤဝံးစ့ၢ်ကီး သ့ၣ်ညါတၢ်သန့ၤသးလၢ ကစၢ်ယွၤအမံၤန့ၣ် မ့ၢ်ဝဲအတၢ်ဘံၣ်တၢ်ဘၢလီၤ. ဖဲအဝဲကွဲးထါစံးထီၣ်ပတြၢၤအယုၢ် ၉…

ဖဲနလိၣ်ဘၣ် တၢ်မၤစၢၤအကတီၢ်

တနံၤအံၤ မုၢ်နံၤပူၤတသီ(မုၢ်ဆၣ်)ဂီၤခီဘၣ်ဆၣ် ယတံၤသကိး ခၠဲၣ်မ့(Chia-ming)တဟဲဝဲဒၣ်ဆူ တၢ်ဖံးတၢ်မၤလီၢ်ဝဲၤဒၢးန့ၣ်ဘၣ်. အဝဲအိၣ်ဝဲလၢအဟံၣ်ဒီး မၤကဆှဲကဆှီ တၢ်လုၢ်ထံလီၢ်ဒၢးန့ၣ်လီၤ. ဒီတလါညါန့ၣ်တၢ်မၤတအိၣ်အဃိဒီး ဆိကမိၣ်ဝဲ တၢ်မၤကျဲၤအကျိၤ တအိၣ်ဝဲဒၣ်ဘၣ်န့ၣ်လီၤ. တၢ်မၤလီၢ်လၢ အဝဲမၤဝဲဒၣ်န့ၣ် ဘၣ်တၢ်ဆိကတီၢ် ခီဖျိလၢကိၣ်ဘ့း-၁၉ တၢ်ဆါအၢအဃိဒီး ခါဆူညါအဂီၢ် တၢ်ဘၣ်ယိၣ်အိၣ်ထီၣ်ဝဲ, ခၠဲၣ်မ့အသးပူၤ အိၣ်ၦဲၤဒီးတၢ်ပျံၤတၢ်ဖုးန့ၣ်လီၤ. အဝဲဆိကမိၣ်ဝဲဒၣ်လၢအသးပူၤ “ယကဘၣ် လုၢ်အီၣ်လုၢ်အီ ယဟံၣ်ဖိဃီဖိဒ်လဲၣ်. ယဃုတၢ်မၤစၢၤ ကန့ၢ်ဘၣ် ဖဲလဲၣ်တတီၤလဲၣ်”န့ၣ်လီၤ.

ထါစံးထီၣ်ပတြၢၤ ၁၂၁:၁ အပူၤ, ၦၤဂီၢ်မုၢ်လၢအလဲၤဝဲဆူ ဝ့ၢ်ယရူၤၡလ့ၣ်, ဆူယွၤအဟံၣ် ဒ်သိးကလဲၤဘူၣ်ထီၣ်ဘါထီၣ်ယွၤအဂီၢ် သံကွၢ်တၢ်သံကွၢ်လၢအမ့ၢ် “တၢ်မၤစၢၤၦၤန့ၣ် ပကဃုထံၣ်န့ၢ်အီၤဖဲလဲၣ်”န့ၣ်လီၤ. ၦၤလဲၤဆူ ဝ့ၢ်စီဆှံလၢ ကစၢၢ်စံယိၣ်အဒီခိၣ်လိၤန့ၣ် ယံၤဝဲဒီး အိၣ်ၦဲၤဒီးတၢ်ဘၣ်ယိၣ်လၢတၢ်ကီတၢ်ခဲ, တၢ်ဘၣ်ဒိဘၣ်ထံးအပူၤ ၦၤလဲၤတၢ်ဖိဘၣ်လဲၤထီၣ် ကစၢၢ်ကီကီခဲခဲန့ၣ်လီၤ. တၢ်လဲၤကီခဲအပူၤ အဝဲသ့ၣ်ဘၣ်ကွၢ်ဆၢၣ်မဲၥ်ဝဲတၢ်တၤတၢ်တဖၣ်န့ၣ် ဖျါဝဲဒၣ်ဒ်အလီၤဂၥ်ဝဲလၢ ခ့ခါအဆၢကတီၢ် ပတၢ်အိၣ်မူပူၤ ပကွၢ်ဆၢၣ်မဲၥ်လဲၤခီဖျိတၢ်ဒ်အမ့ၢ် တၢ်ဆူးတၢ်ဆါ, တၢ်ရ့လိၥ်ဘၣ်ထွဲအတၢ်ကီခဲ, တံၤသကိးဒီးဘူးတံၢ် သံလဲၤပူၤကွံၥ်ၦၤ, တၢ်မၤအတၢ်ဝံဃၢဒီး တၢ်ဆီၣ်သနံး, မ့တမ့ၢ်ဘၣ်ဒီး ဒ်ခၠဲၣ်မ့…

တၢ်ပၥ်လီၤ ခီၣ်ယီၢ်တဃၥ်တၢ်အလီၢ် တၢ်လီၢ်အကဝီၤ

အၣ်ဖရံကး ကီၢ်မိၢ်ၦၢ်(Africa)အပူၤ တၤဟိ(antelope)အိၣ်ဝဲတကလုၥ်ဒီး အဝဲသ့ၣ် မ့ၢ်ဖု(စံၣ်)ဝဲဒၣ်န့ၣ် တုၤဝဲတဆံခီယီၢ်(ပ့ၣ်) အထီန့ၣ် တုၤသၢဆံခီၣ်ယီၢ်(ပ့ၣ်) န့ၣ်လီၤ. တၤဟိတဖၣ်အံၤ အတၢ်ဟူးဂဲၤအံၤ လီၤကမၢကမၣ် ဒီးမ့ၢ်တၢ်အကါဒိၣ်လၢ တၢ်အိၣ်မူအိၣ်ဂဲၤလၢ အၣ်ဖရံကးတၢ်လီၢ်ကဝီၤန့ၣ်လီၤ. တၢ်လီၢ်ဖဲ ၦၤပၥ်ကွၢ်ကီဆၣ်ဖိကီၢ်ဖိတဖၣ်န့ၣ် တၤဟိအလီၢ် ၦၤဒူၣ်ဃၥ်တၢ်အထီ အိၣ်ဒၣ်ထဲသၢခီၣ်ယီၢ်(ပ့ၣ်) ဃၣ်ဃၣ်န့ၣ်လီၤ. ဆၣ်ဖိကီၢ်ဖိ ဒ်တၤဟိတဖၣ်န့ၣ် ၦၤပၥ်အီၤ တၢ်အဒူၣ်ဖုၣ်ဖုၣ်ဖိသ့ဝဲဒၣ်ဒ်လဲၣ်. မ့ၢ်လၢတၤဟိတဖၣ် မ့ၢ်တထံၣ်ဝဲတၢ်လီၢ်တၢ်ကျဲလၢ ကဖုစံၣ်ဝဲဒီးကပၥ်လီၤခီၣ်ယီၢ်တၢ်အလီၢ်န့ၣ် အဝဲသ့ၣ်တဖု, တစံၣ်ဟးထီၣ်ဝဲဒၣ်ဘၣ်န့ၣ်လီၤ. တၤဟိတဖၣ် မ့ၢ်လၢတထံၣ်ဘၣ် တၢ်အိၣ်အသးလၢ တၢ်အဒူၣ်အချၢတကပၤအဃိ ၦၤပၥ်အီၤလၢ တၢ်အဒူၣ်ဖုၣ်ဖုၣ်သ့ဝဲဒၣ် န့ၣ်လီၤ.

ပမ့ၢ်ဝဲၦၤကညီသ့ၣ်တဖၣ်သနၥ်က့ ပတလီၤဆီ ဒ်တၤဟိသ့ၣ်တဖၣ်န့ၣ်ဘၣ်. တချုးပလဲၤတၢ်ဆူအမဲၥ်ညါ ခါဆူညါန့ၣ် ပအဲၣ်ဒိးသ့ၣ်ညါတၢ်အိၣ်အသး သ့ၣ်တဖၣ်လၢ ပကဘၣ်ကွၢ်ဆၢၣ်မဲၥ်ဆူညါန့ၣ်လီၤ. လၢတၢ်စူၢ်တၢ်နၥ်အတၢ်အိၣ်မူအပူၤတခီ တၢ်တညီနုၥ်မၤအသးဒ်န့ၣ်ဘၣ်. စီၤပီလူး ကွဲးဆှၢလီၤ လံၥ်တၢ်ဟ့ၣ်ပလီၢ်တၢ်ဆူ ၦၤကရံၣ်သူးဖိတဖၣ်အအိၣ် စံးဝဲ “အဂ့ၢ်ဒ်အံၤ (ပမူ) ပလဲၤတၢ်လၢတၢ်နၥ်, တမ့ၢ်ဘၣ်လၢထံၣ်ဘၣ်တၢ်ဘၣ်” န့ၣ်လီၤ (၂ ကရံၣ်သူး ၅:၇).…

ယွၤထံၣ်နၤ

မုၢ်ဂီၤဆိဆိတဖၣ် ကီခဲ, တမုၥ်တလၤလၢ ယတံၤသကိးမုၣ် အဲ(လ)မၢ် (Alma) အဂီၢ် မ့ၢ်လၢအဝဲအဘၣ်ကွၢ်ထွဲအဖိခံဂၤ ထဲအဝဲဒၣ်တဂၤဧိၤလီၤ. အဝဲစံးဝဲဒၣ်, “ဖဲတၢ်ခဲလၢၥ် အိၣ်ဘှ့ၣ်အိၣ်ဘှီၣ်အခါ, တၢ်ကိၢ်တၢ်ဂီၤတဖၣ် ဟဲပၢၢ်ထီၣ်လီၤ. ဖဲယမၤဟံၣ်ဃီ တၢ်မၤတဖၣ်အခါ, ယဆိကမိၣ်တၢ် ဘၣ်ဃးကျိၣ်စ့တၢ်ကိၢ်တၢ်ဂီၤ, ယဖိတဖၣ် အတၢ်အိၣ်ဆူၣ်အိၣ်ချ့ ဒီးအတၢ်မၤလိမၤဒိးအဂ့ၢ်တဖၣ်လီၤ”.

ဖဲအဝၤပၥ်တ့ၢ်ကွံၥ်အီၤအခါ, အဲ(လ)မၢ် ဟံးန့ၢ်မူဒါလၢ ကကွၢ်ဒိၣ်ထီၣ်အဖိတဖၣ် လၢအနီၢ်ကစၢ်ဒၣ်ဝဲန့ၣ်လီၤ. အဝဲစံးဝဲဒၣ်, “တၢ်အံၤမ့ၢ်တၢ်အကီအခဲလီၤ. ဘၣ်ဆၣ် ယသ့ၣ်ညါလၢ ယွၤထံၣ်ယၤ ဒီးယဟံၣ်ဖိဃီဖိန့ၣ်လီၤ. အဝဲဟ့ၣ်ယၤ တၢ်ဂံၢ်တၢ်ဘါလၢ ယကမၤတၢ်ဖံးတၢ်မၤခံခါ, ကစၢ်မၤလၢၦဲၤန့ၢ် ပတၢ်လိၣ်တဖၣ်, ဒီးပျဲ ယဖိတဖၣ်ဒိးန့ၢ်ဘၣ် အတၢ်နဲၣ်ကျဲကိးနံၤဒဲးန့ၣ်လီၤ”.

နီၢ်ဟၤကၢ် (ၦၤအဲၤကူပတူး ကုၢ်ပိၥ်မုၣ်တဂၤ) နၢ်ပၢၢ်ဝဲ ပဘၣ်တၢ်ထံၣ်လၢ ယွၤန့ၣ် အခီပညီမ့ၢ်တၢ်မနုၤလဲၣ်န့ၣ်လီၤ. ဖဲအဝဲဒၢထီၣ်လၢ စီၤအၤဘြၤဟၣ်အခါ, အဝဲစးထီၣ်တပၥ်ကဲ နီၢ်စၤရဲလၢၤဘၣ် (၁ မိၤ ၁၆:၄). ဒီးလၢတၢ်န့ၣ်အဃိ နီၢ်စၤရဲ မၤနးမၤဖှီၣ်က့ၤအီၤ, ဒီးအဝဲဃ့ၢ်ဟးထီၣ်ဆူ ၦၢ်မုၢ်ကနၢန့ၣ်လီၤ. နီၢ်ဟၤကၢ်အိၣ်ထဲတဂၤဧိၤ,…

တၢ်ပၥ်ထီၣ်ထီသး ဒီးတၢ်ကဘျံးကဘျၣ်

တၢ်အဲၣ်ကစၢ်ယွၤဧၢ, ယစံးဘျုးနၤလၢ နဘှီဘၣ်က့ၤယၤ ခီဖျိနကနၢၣ်ယၤ လၢနစုနၢၣ်ခံ ကဖီလီဖိအဃိန့ၣ်လီၤ. တၢ်လၢယဖံထံခိၣ်လီၤဘျး, ယကတိၤသွံတၢ်ကတိၤလၢထး တဖၣ်လၢ တၢ်ကီတၢ်ခဲအပူၤန့ၣ်လီၤ. ယမ့ၢ်တ့ၢ်ၦၤပၥ်သးကဖၢလၢ ယဆိကမိၣ် ယမၤတၢ်သ့ခဲလၢၥ်လၢ ယနီၢ်ကစၢ်ဒၣ်ဝဲန့ၣ်လီၤ. တဘျုးလါအတီၢ်ပူၤ ယဒိးန့ၢ်ဘၣ် တၢ်သးမုၥ်လၢ ယတၢ်ဖံးတၢ်မၤကျဲအကျိၤအကွၥ်တဖၣ် ကဲထီၣ်လိၣ်ထီၣ်ဝဲဒၣ်အဃိန့ၣ်လီၤ. တၢ်ဟ့ၣ်လၤကပီၤယၤတဖၣ် ကဲထီၣ်တၢ်လ့ပစီလၢ ယကနၥ်န့ၢ်ယတၢ်သ့တၢ်ဘၣ် ဒီးညိကွံၥ်ယွၤ အတၢ်ဆှၢတၢ်တွၤယၤန့ၣ်လီၤ. တၢ်ဖံးတၢ်မၤလၢကူၣ်ပၥ်စၢၤတၢ်န့ၣ် ဒုးအိၣ်ထီၣ်တၢ်တၤတၢ် ဒ်သိးယကသ့ၣ်ညါနၢ်ပၢၢ်တၢ်လၢ ယတမ့ၢ်ၦၤလၢအမၤတၢ်သ့လၢလၢၦဲၤၦဲၤ ဒ်ယဆိကမိၣ်လီၤယသးအသိးန့ၣ်ဘၣ်လီၤ. ယတၢ်ပၥ်ထီၣ်ထီယသးန့ၣ်လီန့ၢ်ယၤ ဒ်သိးယကနၥ်န့ၢ်လီၤယသးလၢ ယတလိၣ်ဘၣ် ယွၤအတၢ်မၤစၢၤန့ၣ်လီၤ.

အဒိၣ်ဘီမုၢ်လၢအဂံၢ်ဆူၣ်န့ၣ် ဒိးန့ၢ်ဘၣ် ယွၤအတၢ်သိၣ်ဃီၣ်လၢ အတၢ်ပၥ်ထီၣ်ထီအသးအဃိန့ၣ်လီၤ. အဒိၣ်ဘီမုၢ်န့ၣ် “အိၣ်ဝဲလၢတၢ်ထီၣ်ထီ, လၢအစံးလၢအသးကံၢ်ပူၤ, မ့ၢ်မတၤကဒုးဟဲလီၤယၤဆူ ဟီၣ်ခိၣ်အဖီခိၣ်တဂၤလဲၣ်န့ၣ် တဂၤဧၢ” န့ၣ်လီၤ (ဧိၤ ၁:၃). ထံကီၢ်အံၤ တၢ်ထူးတၢ်တီၤအါ, တၢ်လီၢ်တၢ်ကျဲလီၤဘၣ်လၢ ၦၤဆါတၢ်ပှ့ၤတၢ်ဖိ လဲၤတၢ်က့ၤတၢ်အကျါ ဒီးတိၢ်ဂီၤစၢၢ်ပူၤထးပူၤအိၣ်အါဒီး တိၢ်ဘီမ့ၢ် တၢ်လုၢ်ဒိၣ်ပှ့ၤဒိၣ်လၢအစိၤအဆၢကတီၢ်န့ၣ်လီၤ. ထံကီၢ်အိၣ်ၦဲၤဒီး တၢ်ဂ့ၤတၢ်ဝါတဖၣ် ဃုၥ်ဒီးတၢ်ပၥ်ထီၣ်ထီလီၤသးန့ၣ်လီၤ. အထံဖိကီၢ်ဖိတဖၣ် နၥ်ဝဲလၢ အဝဲသ့ၣ်…

အဝဲသ့ၣ်ညါ

လံၣ်ယၣ် (Lea) န့ၣ် ကဘၣ်စးထီၣ်အတၢ်မၤ ဒ်သရၣ်မုၣ်ကွၢ်ၦၤဆါ (nurse) တဂၤအသိး ဖဲထံကီၢ်တၣ်ဝၣ် (Taiwan) န့ၣ်လီၤ. ဖဲန့ၣ် ကန့ၢ်ဘၣ်အဘူးအလဲဂ့ၤဒီး အဝဲအတၢ်ဟ့ၣ်မၤစၢၤဘၣ် အဟံၣ်ဖိဃီဖိတဖၣ် ကအါထီၣ်, ကအါန့ၢ်ဒံး ဖဲအဝဲမၤတၢ် ဖဲဝ့ၢ်မနံၣ်လၣ် (Manila) , လၢတၢ်မၤတဖၣ်တအိၣ်အါကဲၣ်ဆိးအလီၢ်န့ၣ်လီၤ. ဘၣ်တနၤ ဖဲအဝဲတချုး ဟးထီၣ်န့ၣ် အဝဲတဲဘၣ် အဒီပုၢ်ဝဲၢ်မုၣ်လၢအကကွၢ်ထွဲ အဝဲအဖိမုၣ်ဖိလၢအအိၣ်ယဲၢ်နံၣ်တဂၤန့ၣ်လီၤ. “နမ့ၢ်ဒုးအီၣ်အီၤ ထီပး သဘ့ဟီၣ်လၥ်အဂံၢ် တနီၣ်တၢၤန့ၣ် အဝဲကအီၣ်ကသံၣ်န့ၢ်ဂံၢ်န့ၢ်ဘါ (vitamins) ဒီး, သ့ၣ်နီၣ်နသး, အဝဲန့ၣ် မဲၥ်ဆှးသ့, အဝဲကလိၥ်ကွဲ ဒီးအတခွါတဖၣ် ဒီးအဝဲန့ၣ် ပျံၤတၢ်ခံး... ”. လၢခံတနံၤ ဖဲအနုၥ်လီၤဆူကဘီယူၤပူၤဒီး အကွၢ်လီၤတၢ်ဖဲ ကဘီယူၤအပဲတြီဆံးအခါ, လံၣ်ယၣ်ထုကဖၣ် “ကစၢ်ဧၢ, ၦၤမတၤတဂၤမး တသ့ၣ်ညါ ယဖိမုၣ်ဒ်ယၤအသိးန့ၣ်ဘၣ်. အိၣ်ဒီးအီၤတသ့ဘၣ်, ဘၣ်ဆၣ် နအိၣ်နဲသ့လီၤ ”.

ပသ့ၣ်ညါၦၤလၢ ပအဲၣ်တဖၣ်, ဒီးပပၥ်သူၣ်ပၥ်သး တၢ်ဂ့ၢ်လီၤတံၢ် ဘၣ်ဃး အဝဲသ့ၣ် တခါစုၥ်စုၥ် မ့ၢ်လၢအဝဲသ့ၣ်န့ၣ် မ့ၢ်ၦၤလၢပပၥ်လုၢ်ပၥ်ပှ့ၤအီၤအဃိလီၤ. လၢတၢ်အိၣ်သးမၤသးအကလုၥ်ကလုၥ်အဃိန့ၣ်,…