လါစဲးပထ့ဘၢၣ်တၢ်ဂ့ၢ်ခိၣ်တီ | တၢ်အိၣ်ဖှိၣ်

ဖဲပနၢ်ဟူတၢ်ကတိၤ “တၢ်အိၣ်ဖှိၣ်” (Church) န့ၣ် ညီနုၢ်ပသ့ၣ်ညါလၢ နီၢ်ခိတၢ်သူၣ်ထီၣ် အက့ၢ်ဂီၤန့ၣ်လီၤ. ဘၣ်ဆၣ်, လံာ်စီဆှံအပူၤ, တၢ်လၢပဖးဘၣ်တဖၣ်န့ၣ် ဒုးဆိကမိၣ်ထီၣ်ပှၤလၢ “ပှၤဂီၢ်မုၢ်” အါန့ၢ်ဒံး “တၢ်လီၢ်တၢ်ကျဲ,” ဒီးလၢ “တၢ်သူၣ်ထီၣ်တဖၣ်” အလီၢ်န့ၣ် မ့ၢ်ဝဲဒၣ် “ပှၤစူၢ်က့ၤနာ်က့ၤတၢ်တဖၣ်” န့ၣ်လီၤ. နီၢ်နီၢ်န့ၣ်, လၢဟ့ၤလ့ၣ်အကျိာ် “ekklesia” န့ၣ် (ဘၣ်တၢ်ကွဲးကျိာ်ထံက့ၤလၢ “တၢ်ဘါသရိာ်”) ဒီးအခီပညီမ့ၢ် “တၢ်အိၣ်ဖှိၣ်ရိဖှိၣ်” ဒီးလၢလံာ်စီဆှံအသီတကတြုၢ်အပူၤ အါတက့ၢ်န့ၣ်, ဘၣ်တၢ်ပာ်ဖျါအီၤ ဒ်ပှၤစူၢ်က့ၤနာ်က့ၤ ကစၢ်ယ့ၣ်ရှူး တဖၣ် ပာ်ဖှိၣ်ထီၣ်အသး ဖဲတၢ်လီၢ်တၢ်ကျဲ လီၤလီၤဆီဆီတတီၤန့ၣ်လီၤ.

လၢတၢ်အိၣ်ဖှိၣ်တဖၣ်အဂီၢ်, ယွၤအတၢ်ဘၣ်ထွဲလီၤဆီ, ဒီးအတၢ်တိာ်ကျဲၤတဖၣ်န့ၣ် ဆဲးကပီၤဖျါထီၣ်က့ၤ ခီဖျိလၢတၢ်ကတိၤတဖၣ်, ဒီးတၢ်ကပာ်ဖျါထီၣ် ယွၤအတၢ်ပညိၣ်အဂီၢ်, တၢ်စူးကါတၢ်ကတိၤက့ၢ်ဂီၤတဖၣ်န့ၣ်လီၤ. “မ့မ့ၢ်, သုဝဲသ့ၣ်အံၤ, သုမ့ၢ်တၢ်အစၢၤအသွဲၣ်လၢ အဘၣ်တၢ်ဃုထၢအီၤ, ပှၤလုၢ်တၢ်အဒိၣ် စီၤပၤ, ပှၤစီဆှံတကလုာ်, ပှၤဂီၢ်မုၢ် လၢတၢ်ပှ့ၤက့ၤအီၤ, ဒ်သိးသုကလီၣ်ဖျါထီၣ် ပှၤလၢအကိးန့ၢ်သု လၢတၢ်ခံးဆူ တၢ်ကပီၤလီၤလးအပူၤတဂၤ, အတၢ်ဂ့ၤတၢ်ဝါ” (၁ ပ့း ၂:၉) န့ၣ်လီၤ. စီၤပ့းတရူး အတၢ်ကတိၤတဖၣ်အံၤ ဒုးသ့ၣ်နီၣ်ထီၣ်က့ၤပှၤ ကျိၤကျဲလၢ ကစၢ်ယွၤ စံးကတိၤတ့ၢ် အတၢ်အၢၣ်လီၤအီၤလီၤဒီးအပှၤဂီၢ်မုၢ်, လၢလံာ်စီဆှံ အလီၢ်လံၤတကတြူၢ် (၂မိၤရှ့ ၁၉:၅-၆) အပူၤ န့ၣ်လီၤ. အါန့ၢ်အန့ၣ်, ပှၤစူၢ်က့ၤနာ်က့ၤ ကစၢ်ခရံာ်တဖၣ် ဘၣ်တၢ်တူၢ်လိာ်မုာ်အီၤဆူ ဒူၣ်ဖိထၢဖိတကလုာ်, လၢအဒိးဘၣ်တၢ်သးကညီၤ (၁ ပ့း ၂:၁၀), ဒီးဘၣ်တၢ်ယုၢ်န့ၢ်အမံၤအသၣ်ဒ်အမ့ၢ် “ပှၤလၢတၢ်အဲၣ်အီၤ” န့ၣ်လီၤ.

“ပှၤစူၢ်က့ၤနာ်က့ၤတၢ်ဖိတဖၣ် တဂၤဒီးတဂၤ အတၢ်ဘၣ်ထွဲလိာ်သးဒ်လဲၣ်” န့ၣ် ကမ့ၢ်တၢ်အခီပညီ မနုၤတမံၤလဲၣ်. ပှၤလၢ ကစၢ်ယွၤ ပာ်လုၢ်ပာ်ပှ့ၤအီၤတဖၣ်န့ၣ်, ကဘၣ်ပာ်လုာ်ပာ်ပှ့ၤလိာ်အသး, ဒီးကဘၣ်အံးထွဲကွၢ်ထွဲလိာ်အသး တဂၤဒီးတဂၤန့ၣ်လီၤ. ဒ်ပှၤကွဲး လံာ်စီဆှံအသီတကတြူၢ် အဂုၤအဂၤတဖၣ်အသိး, စီၤပ့းတရူး စူးကါဝဲဒၣ်တၢ်ကတိၤ “ပှၤတဂၤဒီးတဂၤ” န့ၣ် မ့ၢ်တၢ်မၤလီၤတံၢ်ပှၤလၢ ပကဘၣ်ရ့လိာ်ဘၣ်ထွဲလိာ် သးတဂၤဒီးတဂၤဒ်လဲၣ်န့ၣ်လီၤ. ၁ ပ့း ၄:၈-၁၁ ပာ်ဖျါထီၣ်ဝဲဒၣ် ပှၤလၢအဘၣ်ဃးဒီး ကစၢ်ယွၤ အဒူၣ်ဖိထၢဖိ တဂၤလၢ်လၢ်န့ၣ် ကဘၣ် “အဲၣ်လိာ်ကွံလိာ်သးဒိၣ်မး” (:၈), “တၢ်ကဒူးကဒ့ၣ်တအိၣ်ဘၣ်ဒီး, တူၢ်ထံၣ်တူၢ်သမှံၤလိာ်သုသးတက့ၢ်” (:၉), ဒီး “ဒ်ပှၤဂ့ၤကွၢ် ယွၤ အဘျုးအဖှိၣ် အကလုာ်ကလုာ်အသိးန့ၣ်, အံးက့ၤကွၢ်က့ၤလိာ်သုသး, ဒ်သုန့ၢ်တၢ်ဘျုးတၢ်ဖှိၣ်တဂၤဒီးတဂၤအသိးန့ၣ်တက့ၢ်” (:၁၀-၁၁) န့ၣ်လီၤ.

အခီပညီကမ့ၢ်ဝဲ တၢ်ဟ့ၣ်လီၤအးလီၤ ပမံၤလၤသၣ်ကပီၤ မ့တမ့ၢ် ပတၢ်မုၢ်လၢ်တဖၣ်လၢပတၢ်အိၣ်မူကြၢးအိၣ်ဖျါထီၣ် ဒ်လဲၣ်အဂီၢ်န့ၣ်လီၤ. ဖဲပပာ်ဖှိၣ်ပတၢ်သူၣ်ဒူသးဒူ, ဒီးပိာ်ကစၢ်ခရံာ်အခံတဘျီလၢ်လၢ်န့ၣ် ပကထံၣ်လီၤက့ၤပသးလၢ ပခါထီၣ်ပခီၣ်ကါဆူ သးလၢအအဲၣ်ဟ့ၣ်ညီတၢ်အဒိၣ်အမုၢ်အပူၤန့ၣ်လီၤ. Winn Collier, ကိၣ်လၢတနံၣ်ဘၣ်တနံၤ ပှၤကွဲးလံ

<< ဖးက့ၤအပူၤကွံာ်လါ အတၢ်ကွဲး