တၢ်ဂ့ၢ်ခိၣ်တီလၢလါဒံၢ်စ့ဘၢၣ်အဂီၢ် | ယအိၣ်မူအိၣ်ဂဲၤလၢဟီၣ်ခိၣ်ချၢၦဲၤဒီးလုၢ်လၢ်တၢ်ဆဲးတၢ်လၤ

ကီၢ်ဘနံၣ်စွဲလါ, ဝ့ၢ်ကါရၤကၤမုၢ်နၤအတကီၢ် ကလံၤလၢၤဟဲအူကသူၣ်0ဲဒၣ်န့ၣ်လီၤ. ကျဲဖိ တဖၣ်အပူၤ ၦၤတ့ဆါကိၢ်အစိ, တၢ်အီၣ်တၢ်အီအစိ ဒီးၦၤဖီအီၣ်တၢ်သိအစိတဖၣ် ပံၥ်ပုၥ် နၢဃိနၢဃဲးဝဲဒၣ်န့ၣ်လီၤ. ယၤဒီးယတံၤသကိး ပလဲၤတုၤဝဲဒၣ်ဆူတၢ်သူၣ်ထီၣ်, မ့ၢ်ၦၤအိၣ်ဆိး လၢဒၢးတဖျၢၣ်အပူၤ ဖဲၦၤကွဲမုၥ်ၦၤဟါတၢ်အိၣ်အဂီၢ်န့ၣ်လီၤ. ဖဲန့ၣ် ၦၤကညီလၢအနီၢ်ကစၢ်ဖးဒိၣ်, (လၢအအဲၣ်တူၢ်လိၥ်သမှံၤတဂၤ အမဲၥ်သၣ်ဖျါနံၤကမှံ ဒ်မုၢ်တၢ်ကပီၤဟဲထီၣ်လၢဂီၤ)တဂၤန့ၣ် အိးထီၣ်န့ၣ်ၦၤ ပဲတြီဒီးတူၢ်လိၥ်ၦၤလၢတၢ်ဖိးဟုဖိးဃၥ် အပူၤန့ၣ်လီၤ.

ပဆ့ၣ်နီၤသကိးဒီးဟံၣ်ဖိဃီဖိလၢ သ့ၣ်စီၢ်နီၤခိၣ်အမဲၥ်ညါဒီး စီၢ်နီၤခိၣ်လိၤကျီၢ်ညၣ်လၢ လီခီဖးဒိၣ်အပူၤ, မ့ၤဒီးတၢ်ဒိးတၢ်လၣ်တဖၣ်န့ၣ်လီၤ. တံၤသကိးနၢ်ပၢၢ်ဝဲ စပ့ၣ်ကျိၥ်ဘၣ်ဆၣ် ယဘၣ်ခိးကနၣ်အဝဲသ့ၣ်ကတိၤနံၤတၢ်ဘၣ်ဃးတၢ်တဲ, တၢ်ဂ့ၢ်တၢ်ကျိၤန့ၣ်လီၤ. တဘျီဘျီ အဝဲသ့ၣ် ဟ့ၣ်တၢ်ခွဲးလၢႇ ကစံးကတိၤရ့လိၥ်သးဒီး အဝဲသ့ၣ်န့ၣ်လီၤ. တဘျီဘျီ ယတံၤသကိး ကျိၥ်ထံဒုးသ့ၣ်ညါတၢ်ဂ့ၢ်အဖုၣ်လၢ အဝဲသ့ၣ်ကတိၤသကိးတၢ် မ့တမ့ၢ်ဘၣ်ဒီးတၢ်သံကွၢ်လၢ ဟံၣ်ဖိဃီဖိသံကွၢ်ယၤန့ၣ်လီၤ. တၢ်ဆၢကတီၢ်အါနံၣ်ရံၣ်အတီၢ်ပူၤ တၢ်စံးကတိၤလၢ ယတနၢ်ပၢၢ်ခဲလၢၥ်ဘၣ်ဆၣ် ယသးတပလၢၢ်ဘၣ်ဒ်ၦၤတၢ်ချၢ, ၦၤလၢအတဘၣ်ဃးဒီး ဟံၣ်ဖိဃီဖိန့ၣ်ဘၣ်. တၢ်မၤအသးလၢ ထီဒါလိၥ်သးတမံၤ မ့ၢ်ဝဲ ခီဖျိအဝဲသ့ၣ်တူၢ်လိၥ်မုၥ် ယၤလၢ တၢ်အဲၣ်တၢ်ကွံန့ၣ် လုၢ်ဘၢဘၣ်ယၤအဃိန့ၣ်လီၤ. ယဟဲတုၤ တၢ်လီၢ်လၢအပူၤကွံၥ်, ယတဟဲတုၤဘၣ်ဝဲနီတဘျီ ဒီးထံၣ်လိၥ်ရ့လိၥ်ဘၣ်ဃးဒီး ၦၤကညီ လၢအတၢ်စံၣ်စိၤတဲစိၤ, ၦၤကလုၥ် တဒ်သိးလိၥ်အသးဒီး တကးဒ်ဘၣ်န့ၣ် ပကစံးကတိၤရ့လိၥ်သးအဂီၢ် ကျိၥ် တၢ်ကတိၤ တဒ်သိးလိၥ်သးန့ၣ်လီၤ. ဘၣ်ဆၣ် အဝဲသ့ၣ်ဟ့ၣ်ယၤသးအတၢ်တူၢ်လိၥ်မုၥ် ဒီးအိးထီၣ်အစု ဒ်ယမ့ၢ်ၦၤလၢအဘၣ်ထွဲ ဒီးအဝဲသ့ၣ်အဒူၣ်အထၢတဂၤအသိးန့ၣ်လီၤ.

စီၤပီလူးဒုးသ့ၣ်နီၣ်ထီၣ်က့ၤၦၤလၢ ပမ့ၢ်စူၢ်က့ၤနၥ်က့ၤ ကစၢ်ယ့ၣ်ၡူးန့ၣ် ဒီးပကဘၣ် အိၣ်မူအိၣ်ဂဲၤလၢ တၢ်တူၢ်လိၥ်မုၥ်လၢ အဒူၣ်အဆၢတအိၣ် လၢလုၢ်လၢ်တၢ်ဆဲးတၢ်လၤ အတဒ်သိးလိၥ်သးပူၤဒၣ်လဲၣ်န့ၣ်လီၤ. ရိမ့ၤ ၁၂:၇ အပူၤ စီၤပီလူးစံးဝဲ, “တူၢ်လိၥ်လိၥ်သုသး ဒ်ခရံၥ်တူၢ်လိၥ်သုလၢ ယွၤအလၤကပီၤအဂီၢ်အသိး”န့ၣ်လီၤ. ပကဘၣ်တူၢ်လိၥ်သကိး ပသးကဒဲကဒဲယ အိးထီၣ်ပသးအတြဲၤထုးဖှိၣ်ပၥ်ဖှိၣ် ၦၤအဂုၤအဂၤ လီၤဆီဒၣ်ၦၤလၢ အလုၢ် အလၢ်တၢ်ဆဲးတၢ်လၤ တဒ်သိးလိၥ်အသးတဖၣ်န့ၣ်လီၤ. စီၤပီလူး စံးကတိၤ ဘၣ်ဃးဒီးတၢ် သဘံၣ်ဘုၣ်, ဘၣ်ဃးဒီးၦၤယူၤဒၤဖိ ဒီးၦၤတခီဘီမုၢ်ဖိအဘၢၣ်စၢၤဘၣ်ဆၣ် ကလုၥ်ဒူၣ်မ့ၢ်ဂ့ၤ, တၢ်ရ့လိၥ်ဘၣ်ထွဲလိၥ်သးအပတီၢ်မ့ၢ်ဂ့ၤ, ကယဲၢ်အဒူၣ်အဆၢ တမံၤဂ့ၤတမံၤဂ့ၤအဂီၢ် တၢ်ကဘၣ်မ့ၢ် တၢ်တမံၤဃီန့ၣ်လီၤ. တၢ်လၢလုၢ်လၢ် တၢ်ဆဲးတၢ်လၤ တဒ်သိးလိၥ်သးန့ၣ် တမ့ၢ် တၢ်အခီၣ်ထံးခီၣ်ဘိလၢ တၢ်နိးတၢ်ဘျးလၢ မၤတံၥ်တၥ်တၢ်ဘၣ်. မ့မ့ၢ်လၢအတခီန့ၣ် ဒုးကဲထီၣ် တၢ်ခွဲးတၢ်ႇၥ်လၢ ပကပၥ်ဖျါထီၣ်သးလၢအတူၢ်လိၥ်မုၥ်ၦၤဂၤ ဒ်ကစၢ် ယ့ၣ်ၡူး ဟ့ၣ်ခီဂၥ်ဆူပအိၣ်အသိးန့ၣ်လီၤ.

Winn Collier | ကိၣ်လၢတနံၤဘၣ်တနံၤၦၤကွဲးလံၥ်