တၢ်ဂ့ၢ်ခိၣ်တီလၢလါယူၤလံ | တၢ်ဘၣ်ဆှၢပှၤလၢသးစီဆှံ

လၢၦၤခရံၥ်ဖိတဖၣ် အတၢ်စူၢ်တၢ်နၥ်အကျါ ယွၤသၢဂၤတဂၤအဂ့ၢ်န့ၣ် ပသိၣ်လိသးစီဆှံ မ့ၢ်တၢ်အထူၣ်မိၢ်ၦၢ်န့ၣ်လီၤ. တၢ်သိၣ်လိမၤလိတၢ်အံၤအပူၤန့ၣ် သးစီဆှံဆှၢၦၤလၢ ပတၢ်အိၣ်မူအပူၤ မ့ၢ်လၢအဝဲဒုးနဲၣ်ပမုၢ်နံၤမုၢ်သီ ပတၢ်အိၣ်မူအပူၤန့ၣ်လီၤ.

လံၥ်ရိမ့ၤအဆၢဒိၣ် ၈ ပၥ်ဖျါထီၣ် သးစီဆှံခံဆံတဘျီန့ၣ်လီၤ. အဆၢဖိ ၁၄ အပူၤ ပကထံၣ်ဘၣ် “ဖဲဒၣ်ၦၤလၢယွၤအသးဆှၢအီၤတဖၣ်န့ၣ် မ့ၢ်ယွၤအဖိလီၤ”. လံၥ်စီဆှံတတီၤအံၤ စံးဝဲဒၣ်လၢ ၦၤစူၢ်က့ၤနၥ်က့ၤကစၢ်ယ့ၣ်ၡူးတဖၣ် ဘၣ်ဒုးတၢ်ထီဒါ ၦၤတၢ်ဒဲးဘးဖိ ၦၤကညီအန့ဆၢၣ်, အဆၢဖိ ၁၂-၁၃ ပၥ်ဖျါဝဲလၢ “ပဖံးပညၣ်”န့ၣ်လီၤ. သးစီဆှံ အတၢ်ဆှၢတၢ်တွၤအံၤ ပထံၣ်န့ၢ်အီၤတသ့, မ့ၢ်တၢ်မၤအသးလၢပနီၢ်သးပူၤဒီးဘၣ် တၢ်ဒုး သ့ၣ်ညါၦၤလၢ လံၥ်စီဆှံန့ၣ်လီၤ. အ့းဖ့းစူး ၆:၁၇ စံးဝဲဒၣ်လၢပကဘၣ် “ဟံးထီၣ် သးအနး”န့ၣ်လီၤ.

ကစၢ်ယွၤအတၢ်မၤစၢၤ မ့ၢ်တအိၣ်ဘၣ်န့ၣ်ဒီး ၦၤစူၢ်က့ၤနၥ်က့ၤ ကစၢ်ယ့ၣ်ၡူးခရံၥ် တဖၣ် ကဃုထံၣ်န့ၢ် တၢ်မၤလၤကပီၤကစၢ်ယွၤအဂီၢ် ခီဖျိလၢ ဟီၣ်ခိၣ်အတၢ်အိၣ်မူအိၣ်ဂဲၤ အပူၤ တသ့ဝဲဒၣ်ဘၣ်န့ၣ်လီၤ. ဟံၣ်ဒူၣ်ဃီထၢဖိတဖၣ် အတၢ်ရ့လိၥ်ဘၣ်ထွဲလိၥ်သးဒီး အတၢ်လီၤဆီတဖၣ်န့ၣ် ပကထံၣ်ဘၣ်ဖဲ ရိမ့ၤ ၈:၁၅ အပူၤ “သုတဒိးန့ၢ်ကုၢ်အသး ဒ်သိး သုကဘၣ် ပျံၤဘၣ်ဖုးကဒီးန့ၣ်ဘၣ်, မ့ၢ်သုဒိးန့ၢ်ဖိအသးလၢ ပကိးထီၣ် အးဘၤ ပၢ်ဧၢ လၢ အီၤလီၤ”န့ၣ်လီၤ.

ဒ်ပမ့ၢ်ၦၤဘၣ်တၢ်ဃုထၢလၢ ခွဲးယာ်လီၤဆီအသိးန့ၣ် သးစီဆှံအတၢ်ဆှၢတၢ်တွၤမ့ၢ် တၢ်န့ၢ်သါ လၢယွၤအဖိသ့ၣ်တဖၣ်အဂီၢ်လီၤ. ပမ့ၢ်စံးကတိၤဘၣ်တၢ်နီၢ်နီၢ်န့ၣ် သးစီဆှံ အတၢ်ဆှၢတၢ်တွၤန့ၣ် ကမ့ၢ်တၢ်ဒ်လဲၣ်. တၢ်ကမၤအသးဒ် ၦၤကွၢ်သိဆှၢတွၤအသိတဖၣ် လၢတၢ်အဲၣ်တၢ်ကွံအပူၤအသိးန့ၣ်လီၤ. ကစၢ်ယွၤအသးစီဆှံဆှၢၦၤလၢ “ကျဲအတီအလိၤ” အပူၤန့ၣ်လီၤ. ဒ်ပစူးကါပတၢ်ဆၢကတီၢ်တဖၣ်လၢ တၢ်ထုကဖၣ်ဒီး တၢ်ဖး ဒိကနၣ်ထူကလုၢ်ယွၤကထါန့ၣ်ဒီး ပမၤလိန့ၢ်တၢ်လၢပကဘၣ်အိၣ်မူအိၣ်ဂဲၤ ဒီးယွၤအတၢ် ပၢဆှၢၦၤအပူၤ ဒီးလူၤပိၥ်အခီၣ်လီၢ်အခံန့ၣ်လီၤ. အကတၢၢ်န့ၣ် ပကလ့ကပီၤထီၣ် ပတၢ်ကပီၤဒီး ကစၢ်ယွၤကဘၣ် တၢ်မၤလၤကပီၤအီၤန့ၣ်လီၤ.

Arthur Jackson | ကိၣ်လၢတနံၤဘၣ်တနံၤၦၤကွဲးလံၥ်