ဖဲယဖိမုၣ်ဟ့လ့ၣ် ဟဲအိၣ်သကိးယၤန့ၣ် ယထံၣ်အဖိခွါသၢနံၣ်ဖိ ခီလၣ် ကူကၤဃာ် တၢ်ကူတၢ်ကၤ လီၤဆီတကလုာ်လီၤႉ ဆ့ကၤအ၀ဲန့ၣ် ကိး၀ဲလၢ ‘‘စြခဲး မံ နီး’’ၣ် ပၣ်ဃုာ်ဒီးစုဖျီၣ်လီၤႉ ယလံၤဖိ ခီလၣ်န့ၣ် အိၣ်ဒီးတၢ်ဆါ ‘‘ခ့မသညငခ နခဖနာၠယ ’’ဖံးသးညၣ်သးတၢ်ဆါတကလုာ်န့ၣ်လီၤႉ ဆ့ကၤ ‘‘စြခဲးမံနီး’’န့ၣ် ဒီဒၣ်န့ၢ်အီၤလၢ တၢ်သးတမုာ်တလၤန့ၣ်လီၤႉ
နွံလါပူၤကွံာ်လီၢ်ခံ‚ ဟ့လ့ၣ်အဖံးအညၣ် ကဲထီၣ်တၢ်ဆါၣ် ဟ့လ့ၣ်အၢၣ်လီၤ၀ဲလၢ ‘‘ခဲအံၤ ယနၢ်ပၢၢ်တၢ်လၢ ခီလၣ်ဘၣ်တူၢ်၀ဲန့ၣ်လံ’’ႉ ‘‘ယဲစ့ၢ်ကီး ယ့ကၢးကၤဆ့ကၤ ‘စြခဲး မံ နီး’ ’’လီၤႉ တၢ်မၤ အသးဒီး ဟ့လ့ၣ်အံၤ မၤသ့ၣ်နီၣ်ယၤလၢ ၂ ကရၠာစးံၣ်သူး ၁း၃-၅ အဂ့ၢ်ၣ် မ့ၢ် ‘‘တၢ်သးကညီၤအပၢ်ဒီး တၢ်မၤမုာ်ခဲလၢာ်အကစၢ် မ်အဘၣ် တၢ်စံးထီၣ်ပ့တၢၤအီၤတက့ၢ်ႉ အ၀ဲဒၣ် မၤမုာ်ထီၣ်ပှၤလၢ ပတၢ်နးတၢ်ဖှီၣ်ခဲလၢာ်အပူၤ ဒ်သိးပကမၤမုာ်ထီၣ်ပှၤလၢ အဘၣ်တၢ်နးတၢ်ဖှီၣ်တမံၤမံၤ လၢတၢ်မုာ်လၢ ယွၤမၤမုာ် ပသးန့ၣ်လီၤႉ အဂ့ၢ်ဒ်အံၤၣ် တၢ်မၤ မုာ်ထီၣ်ပှၤလၢခရၠာစးံာ်အဃိ အါ၀ဲဂီၢ်၀ဲဒ်န့ၣ်အသိးလီၤ’’ႉ
ဘၣ်တဘျီဘျီ ကစၢ်ယွၤပျဲပှၤလၢ ပကလဲၤခီဖျိတၢ်ဆၢကတီၢ်ကီခဲလၢ ပဂီၢ် ဒ်အမ့ၢ်တၢ်ဆူးတၢ်ဆါ‚ တၢ်လီၤမၢ်ၣ် ဖဲပသန့ၤပသးလၢခရၠာစးံာ် လၢတၢ်မၤမုာ်ထီၣ်ဒီး တၢ်ဂံၢ်တၢ်ဘါန့ၣ် ပ၀ဲတဖၣ် ပမၤမုာ်က့ၤ ဒီးဟ့ၣ်ဂံၢ်ဟ့ၣ်ဘါဆၢ ပှၤဂုၤဂၤလၢ တူၢ်ဘၣ်တၢ်တဖၣ်သ့၀ဲန့ၣ်လီၤႉ မ်ပကမၤဆၢက့ၤ တၢ်မၤမုာ်လၢ ယွၤဟ့ၣ်ပှၤတဖၣ် ဆူပှၤလၢအလိၣ်ဘၣ်တၢ်မၤမုာ်တက့ၢ်ႉ