ဆၣ်ဖိကီၢ်ဖိအကသံၣ်သရၠာစးၣ် စံး‚ ‘‘အ၀ဲကမူ ဘၣ်ဆၣ်အခီၣ်ကဘၣ်တၢ်ကူးတဲာ်အီၤ လီၤ’’ႉ ယတံၤသကိးဟဲစိာ်နုာ် ထွံၣ်ပတီၢ်မုၢ်လၢ ဘၣ်တိၢ်ဒီးသိလ့ၣ်တဒုလီၤႉ ကသံၣ်
သရၠာစးၣ်သံကွၢ်အီၤ ‘‘နမ့ၢ်အကစၢ်ဧါ’’ ဒီးအၢၣ်လီၤ၀ဲလီၤႉ တၢ်လၢာ်ကအါ၀ဲလၢ တၢ်ကွဲးအီၤ
အဂီၢ်ဒီး ထွံၣ်အံၤ လိၣ်ဘၣ်တၢ်ကဟုကယာ်ဂ့ၤဂ့ၤလီၤႉ ‘‘ယကမ့ၢ်ပှၤကွၢ်တၢ်ခဲအံၤ’’ စံး၀ဲဒီး ဟံးန့ၢ်မူဒါအဃိ ထွံၣ်ဖိအံၤ ကအိၣ်ဘၣ်လၢဟံၣ်မုာ် ပှဲၤဒီးတၢ်ကဟုကယာ်လီၤႉ
စီၤမဖံဘိၤဒီးး ထံၣ်လီၤအသး ဒ်ထံွၣ်သံတဒုလၢ တ့ကၢးဒီးတၢ်အဲၣ်အီၤဘၣ် လီၤ (၂ ့ှှမူၤ ၉း၈) ႉ လၢတၢ်ဘၣ်ဒိဘၣ်ထံးအဃိ အခီၣ်စၢ်ခံခီလိာ် ဒီးလိၣ်ဘၣ် တၢ်ကဟု
ကယာ် ဒီးတၢ်မၤစၢၤလီၤ (၄း၄) ႉ အါန့ၢ်အန့ၣ်အဖု စီၤစီလူး သံ၀ံၤ‚ အ၀ဲ ဘၣ်ယိၣ်တၢ် လၢ စီၤပၤစီၤဒၤ၀ံး ကမၤကၣ်တၢ် ဒီးမၤသံအီၤ ဒ်တၢ်မၤတ့ၢ်လံအသးလၢ စီၤပၤတဖၣ် အတၢ်အိၣ်မူလီၤႉ
ဘၣ်ဆၣ် မ့ၢ်လၢတၢ်အဲၣ်ဘၣ်အတံၤသကိး စီၤယိၤနၤသၣ် အဃိ စီၤဒၤ၀ံး
တဲလီၤတံၢ်၀ဲလၢ အဖိခွါစီၤမဖံဘိၤဒီးး ကအိၣ်ဒီး တၢ်ဘံၣ်တၢ်ဘၢ ဒီး စီၤဒၤ၀ံးပာ်အီၤ ဒ်အဖိဒၣ်၀ဲအသိးလီၤ (၉း၇) ႉ ဒ်န့ၣ်အသိး‚ ပ၀ဲလၢ အမ့ၢ်ယွၤအဒုၣ်အဒါတဖၣ်လၢ တၢ်ပာ်အီၤလၢ ကဘၣ်သံတဖၣ်အံၤ တၢ်အုၣ်က့ၤခီၣ်က့ၤ ပှၤခီဖျိခရၠာစးံာ် ဒီးဟ့ၣ်ဃုာ်ပှၤ တၢ်လီၢ်‚ ဃုာ်ဒီးအီၤလၢ မူခိၣ်ဘီမုၢ်ပူၤ လီၤစိၤလီၤဃၣ်လီၤ (လူၤကၣ် ၁၄း၁၅) ႉ ဖဲအံၤ ပမ့ၢ်လၢ စီၤပၤအဖိမုၣ်ဖိခွါကိးဂၤ‚ အါမးလဲၣ်ႉ ပတ့ကၢးဒိးန့ၢ်ဘၣ် တၢ်သးကညီၤ ဘၣ်ဆၣ် ပဒိးန့ၢ်ဘၣ်လီၤႉ သုးဘူးပသးဆူ ကစၢ်ယွၤလၢတၢ်စံးဘျုးဒီးတၢ်သးခုတက့ၢ်ႉ