ယဖိမုၣ်သးစဲလၢ နါစံၣ်ဒ့ှူးအတၢ်ကွဲးတဖၣ်လီၤႉ လၢပူၤကွံာ်သၢနွံ‚ အ၀ဲဖး၀ဲလံာ်အဘ့ၣ် လၢအဆံဘျဲၣ် လၢတၢ်ဃုထံၣ်န့ၢ် ပှၤမၤတၢ်အၢအပူတဖၣ် န့ၣ်လီၤႉ အ၀ဲ အဲၣ်ဘၣ်နီၢ်နီၢ် ပှၤကွၢ်ဟုၣ်တၢ်အပူတဖၣ်‚ ယအဲၣ်ဘၣ်စ့ၢ်ကီးနါစံၣ်ဒ့ှူး‚ အလံာ်တၢ်ကွဲးတဖၣ်လၢ ယမိၢ်ဖးတ့ၢ်၀ဲလၢ ၁၉၆၀ နံၣ် တဖၣ်လၢ အအိၣ်လၢအလံာ်စိၤပိာ်ခိၣ်လၢ အ၀ဲအဟံၣ် န့ၣ်လီၤႉ
ထံၣ်ဘၣ်ယဲ တၢ်အဲၣ်ဘၣ်တၢ်လၢ အဘၣ်တၢ်ဟ့ၣ်ခီလီၤ တဆီဘၣ်တဆီဒီး ယဆိကမိၣ်လၢ ယဟ့ၣ်ခီဟ့ၣ်နီၤလီၤတၢ်မနုၤတမံၤ စ့ၢ်ကီးန့ၣ်လီၤႉ လၢအ၀ဲ အလံာ်ပရၠာစးၢခံဘ့ၣ်တဘ့ၣ်ဆူ စီၤတံၤမသ့းန့ၣ် စီၤပီလူး ပာ်ဖျါထီၣ်လၢ အ၀ဲဆိကမိၣ်ထီၣ် စီၤတံၤမသ့းအဂ့ၢ်ဒီး ဘၣ်တၢ်ဒုးသ့ၣ်နီၣ်ထီၣ်အီၤလၢ ‘တၢ်နာ်နီၢ်နီၢ်’ လၢအအိၣ်တ့ၢ်လံ လၢ စီၤတံၤမသ့း အဖံဒီးအမိၢ်အပူၤန့ၣ်လီၤႉ ယမုၢ်လၢ်စ့ၢ်ကီးဒီး အ၀ဲအတၢ်အဲၣ်လၢတၢ်ဖးလံာ်လၢအလီၤတိၢ်လီၤဆီတဖၣ်ဒီး ယဖိမုၣ်အံၤ ကဒိးန့ၢ်စ့ၢ်ကီး တၢ်နာ်အတၢ် န့ၢ်သါလၢ ‘ကမၤတၢ်’ ဒ်အဖုတဖၣ်ဟ့ၣ်လီၤသးဒီး မၤတ့ၢ်၀ဲအသိးလၢ ကဃ့ထုကဖၣ် ဒီးကဟံးဃာ် ဒံး ‘တၢ်စံးပာ်ဘၣ်ဃးဒီး တၢ်မူအိၣ်လၢယ့ၣ့်ှှူးခရၠာစးံာ်အပူၤအသိး’’ (၂ တံၤ ၁း၁) န့ၣ်လီၤႉ
ယအိၣ်စ့ၢ်ကီးဒီး တၢ်မုၢ်လၢ်လၢ ပှၤလၢအတအိၣ်ဒီးမိၢ်ပၢ်ဒီး အဖံအဖုတဖၣ် လၢ အသ့ၣ်ညါကစၢ်ယ့ၣ့်ှှူးန့ၣ်လီၤႉ ဖဲလၢစီၤတံၤမသ့း အပၢ်အဂ့ၢ်အကျိၤ မ့ၢ်တဘၣ် တၢ်ယၢၤထီၣ်ဘၣ်ဆၣ်‚ စီၤပီလူး ကိးစီၤတံၤမသ့း လၢ ‘ယဖိ’ (း၂) လီၤႉ ပှၤလၢအတအိၣ်ဒီး ဒူၣ်ဖိထၢဖိလၢ ကဟ့ၣ်ခီလီၤတၢ်စူၢ်တၢ်နာ်တဖၣ်စ့ၢ်ကီး‚ ဃုထံၣ်န့ၢ် မိၢ်ပၢ်ဒီး ဖံဖုတဖၣ်လၢ တၢ်အိၣ်ဖှိၣ်အပူၤ‚ လၢအမ့ၢ်ပှၤတဖၣ်လၢ ကမၤစၢၤပှၤလၢ ကအိၣ်မူတၢ်မူအက့ၢ်အဂီၤ ‘အစီအဆှံ’ (း၉) ‚ ဒီးလၢကဖိးဃာ် ယွၤအတၢ်ဟ့ၣ်တဖၣ်လၢ အဟ့ၣ်လီၤပှၤလၢ အမ့ၢ် ‘တၢ်စိကမီၤ‚ ဒီးတၢ်အဲၣ်တၢ်ကွံ‚ ဒီးတၢ်သူၣ်ဂၢၢ်သးကျၢၤ’ (း၇) သ့၀ဲန့ၣ်လီၤႉ တၢ်မ့ၢ်တၢ်တီနီၢ်နီၢ် အိၣ်လၢပ၀ဲကိးဂၤ ပအိၣ်ဒီးတၢ်န့ၢ်သါ အဃံအလၤတမံၤန့ၣ်လီၤႉ