ယစံးထီၣ်ဖျဲးလၢ ‘‘ပါပၢ်ဧၢ‚ တၢ်ဘျုးလၢ နဒုးအီၣ်ယၤ ဟါတၢ်အီၣ်အဃိလီၤ’’ ဖဲယပာ်လီၤ တၢ်ထွါစုလၢ တၢ်အီၣ်ကျးအစီၢ်နီၤခိၣ်န့ၣ်လီၤႉ ယဟဲက့ၤဆူဟံၣ် ဖဲယခီလ့ၣ်ကၠိပျၢ် လီၤႉ ဖဲယအိၣ်ယံာ်လၢဟံၣ်ဒီး ယဘၣ်အိၣ်ဒၣ်ယကစၢ်အဃိ‚ ဒုးကလၢၢ်ဘၣ်ယၤလၢ တၢ်လီၤဆီလၢယဂီၢ်‚ လၢယမိၢ်ယပၢ်ပရၤဒုးအီၣ်ယၤဟါတၢ်အီၣ်လၢ ကျးန့ၣ်လီၤႉ ဖဲန့ၣ်‚ယပၢ်စံးဆၢက့ၤယၤ‚ ‘‘ကၠူလံၣ်ဧၢ‚ အတွးတအိၣ်ဘၣ်ႉ တလိၣ်လၢ နကဘၣ် စံးဘျုးယၤ လၢ တၢ်ကိးမံၤလၢကိးဆၢကတီၢ်န့ၣ်ဘၣ်ႉ ယသ့ၣ်ညါလၢ နဟးထီၣ်လၢဟံၣ်ဒီး နအိၣ် နကစၢ်ဒၣ်၀ဲဘၣ်ဆၣ်‚ နမ့ၢ်ဒံးဒၣ် ယဖိမုၣ်ဒီးမ့ၢ်ဟံၣ်ဖိဃီဖိတဂၤ’’န့ၣ်လီၤႉ ဖဲန့ၣ် ယနံၤကမှံၤထီၣ် ဖဲစံးဆၢက့ၤ ‘‘တၢ်ဘျုးလီၤ‚ ပါပၢ်ဧၢ’’ႉ
လၢယဟံၣ်ပူၤဃီပူၤ‚ ယတမၤတၢ်နီတမံၤလၢ ကဒိးန့ၢ်ယမိၢ်ပၢ်အတၢ်အဲၣ်ဒီး တၢ်လၢ အ၀ဲသ့ၣ်မၤဘၣ်ယၤန့ၣ်ဘၣ်ႉ ဘၣ်ဆၣ်‚ ယပၢ် အတၢ်ကတိၤဖိအံၤ‚ ဒုးပလီၢ်ယၤ
လၢ ယမ့ၢ်တမၤတၢ်နီတမံၤ ဒ်သိးတၢ်က့ကၢး၀ဲဘၣ်၀ဲ ဘၣ်ဆၣ်‚ ယမ့ၢ်ဟံၣ်ဖိဃီဖိတဂၤ န့ၣ်လီၤႉ
လၢလံာ်အ့းဖ့းစူးအပူၤ‚ စီၤပီလူးစံးဘၣ် အပှၤဖးလံာ်ဖိတဖၣ်လၢ ယွၤဃုထၢ အ၀ဲသ့ၣ်လၢ တၢ်စီဆှံဒီးတသံၣ်သူမီၢ်ကျာ်ဘၣ် လၢအမဲာ်ညါ (၁း၄) ‚ ဒီးလၢ ကဆၢထၢၣ် လၢအမဲာ်ညါ လၢတၢ်တအိၣ်ဒီးမဲၣ်သူမဲၣ်ဂီၤ (၅း၂၅-၂၇) န့ၣ်လီၤႉ ဘၣ်ဆၣ်‚ တၢ်အံၤ ကဲထီၣ်အသးသ့ဒၣ်လၢ ခီဖျိကစၢ်ယ့ၣ့်ှှူးလၢ ဟဲပရၤက့ၤပှၤလၢအသွံၣ်‚ တၢ်ပျၢ်ပတၢ်ကမၣ်‚ ဒ်အဘျုးထူးအဖှိၣ်တီၤအသိးႉႉႉ’’ (၁း၇) န့ၣ်လီၤႉ ပဂုာ်ကျဲးစၢးမၤန့ၢ် ယွၤအဘျုးအဖှိၣ်‚ တၢ်ပျၢ်ပတၢ်ဒဲးဘး ဒီး တၢ်နုာ်လီၤဘၣ်ဆူ အ၀ဲအဒူၣ်ဖိထၢဖိလၢ ပဂံၢ်လၢပဘါ တသ့တန့ၢ်၀ဲဘၣ်ႉ ထဲဒၣ်‚ ပကဘၣ်တူၢ်လိာ် အ၀ဲအတၢ်ဟ့ၣ်သဘ@ဆူ ပအိၣ်ဧိၤ န့ၣ်လီၤႉ
ဖဲပဃၣ်ပသးဆူ ကစၢ်ယ့ၣ့်ှှူးန့ၣ် ပကဲထီၣ်၀ဲကစၢ်ယွၤအဖိလၢ အခီပညီ မ့ၢ်တၢ်ဒိးန့ၢ် တၢ်မူအထူအယိာ်ဒီး အိၣ်ဒီးတၢ်န့ၢ်သါတမံၤလၢ အအိၣ်ခိးပာ်စၢၤပှၤလၢ မူခိၣ်ဘီမုၢ်န့ၣ်လီၤႉ ပစံးထီၣ်ပ့တၢၤယွၤလၢ အဟ့ၣ်ပှၤတၢ်ဟ့ၣ်လီၤလး ဒ်သိးအံၤ တမံၤ န့ၣ်လီၤႉ