တၢ်လၢလီၢ်ခံကတၢၢ် ကကဲထီၣ်တၢ်အဆိကတၢၢ်

တယံာ်ဒံးဘၣ်အခါ‚ ယအိၣ်လၢပှၤကထီၣ်ဆူ ပှၤလဲၤတၢ်ဖိအကဘီယူၤဖးဒိၣ်လၢ အအိၣ်တီၢ်လၢ လီၢ်ခံကတၢၢ်တဖၣ်အကျါ အိၣ်ဒီး ကဘီယူၤလဲးမး လၢအနီၢ်ဂံၢ်တအိၣ် လီၤတံၢ်ဘၣ်တဘ့ၣ်လီၤႉ ယဒိးန့ၢ်တၢ်လီၢ် လၢကဘီယူၤအဒံးဆ့ကပၤ လီၢ်ဆ့ၣ်နီၤ အခၢၣ်သးတဖျၢၣ်လီၤႉ မ့မ့ၢ် တၢ်လီၢ်ဖိထဲတလီၢ်ဖိ လၢယထၢၣ်အဂီၢ်တခီ အိၣ်လၢ တၢ်လီၢ်လၢခံကတၢၢ် ပှၤကညီဆ့ၣ်နီၤအဂီၢ်အဖီခိၣ်န့ၣ်လီၤႉ အခီပညီန့ၣ် ယကဘၣ်အိၣ်ခိးတုၤ ပှၤကိးဂၤ ဟးထီၣ်၀ံၤမး ယကဘၣ် လဲၤဟံးန့ၢ်ယထၢၣ် ဒီးဟးထီၣ်ဘၣ်လီၤႉ
ယနံၤထီၣ်‚ ဖဲယဆ့ၣ်နီၤလီၤလၢ ယလီၢ်ဒီး တၢ်ဆိကမိၣ်ဖိတခါ လၢဖျါလၢအအိၣ်ဟဲ လၢကစၢ်ခရၠာစးံာ်အအိၣ် ဟဲထီၣ်လၢယသးပူၤလီၤႉ ‘‘နကဘၣ်ခိးတၢ်အံၤ တမၤဆါနၤ လ့ၤတက့ၤဘၣ်ႉ မ့ၢ်တၢ်လၢ ကမၤဂ့ၤနၤ နီၢ်ကီၢ်လီၤႉ’’ အဃိ ယပာ်လီၤသးကျၢၤမုဆှု လၢယသးခုအိၣ်ခိးတၢ်‚ ဒီးမၤစၢၤ ပှၤလဲၤတၢ်ဖိတဖၣ် ပာ်လီၤအတၢ်ဘိၣ်တဖၣ် ဖဲကဘီယူၤစီၢ်လီၤ‚ မ့ၢ်၀ံၤကမၤစၢၤ ပှၤဒိးကဘီယူၤဖိ လၢတၢ်မၤကဆှဲကဆှီက့ၤတၢ်အဂီၢ်လီၤႉ ဖဲယမၤန့ၢ်က့ၤ ယထၢၣ်န့ၣ် ယဘၣ်နံၤကဒီးတဘျီ‚ မ့ၢ်လၢပှၤတဂၤန့ၣ် ဆိကမိၣ်၀ဲလၢ ယမ့ၢ် ပှၤမၤတၢ်လၢ ကဘီယူၤအပူၤအဃိလီၤႉ
တၢ်လဲၤခီဖျိ ဖဲမုၢ်နံၤအ၀ဲန့ၣ်န့ၣ်‚ ဒုးဆိကမိၣ်ယၤထံထံဆးဆး…