ယကွၢ်ဃီၤလီၤတၢ်ဆူ ယလံာ်ဒၢးအပဲBတီဖိအချၢ လၢအိးထီၣ်အသး‚ ဒီးနၢ်ဟူဘၣ်ယဲ ထိၣ်ဖိတဖၣ်ကမဲၤစံၣ်စိတၢ်‚ ဒီးနၢ်ဟူဒီးထံၣ်ဘၣ် ကလံၤဖိအူတၢ်ကသုၣ်ကသုၣ် လၢသ့ၣ်တဖၣ်အကျါန့ၣ်လီၤႉ ကဟံအကဒိၣ်ဖးဒိၣ်တဖၣ် အိၣ်ပူၣ်အသးဆူန့ၣ်ဆူအံၤ လၢပှၤလၢယဃၢၤအပျီ လၢတၢ်ထဲၣ်လီၤကွးလီၤ၀ံၤသီသီအပူၤ‚ ဒီးတၢ်အၢၣ်အလိၣ် ၀ါ၀ါတဖၣ်အိၣ်ဖျါဂ့ၤမး လၢမူခိၣ်လါအဲးအလိၤန့ၣ်လီၤႉ
ယမုၢ်လၢ်သးခုယဲ လၢပၤရၠာစးၤဒံစူးဖိတဆံးတက့ၢ်ဖိ အံၤ‚ ထဲဒၣ်သိလ့ၣ်လဲၤတၢ်က့ၤတၢ်သီၣ့်ှူၢ့်ှူၢ် လၢပတၢ်လီၢ်ကပၤ ဒီးယပျိၢ်ဆါတစဲးဖိန့ၣ်လီၤႉ ယသူတၢ်ကတိၤ ‘‘ပၤရၠာစးၤဒံစူး’’ ဖှံဖှံဖိ‚ မ့ၢ်လၢဟီၣ်ခိၣ်အံၤ တဘျီမ့ၢ်တ့ၢ်တၢ်လၢအဂ့ၤခဲလၢာ်‚ ဘၣ်ဆၣ်တမ့ၢ်လၢၤဘၣ်အဃိန့ၣ်လီၤႉ ဖဲပှၤကညီမၤကမၣ်တၢ်န့ၣ်‚ ပဘၣ်တၢ်ဟီထီၣ်ကွံာ်ပှၤလၢ ဧ့ၤဒ့ၣ်တၤသၣ်လီၢ်ဒီး ဟီၣ်ခိၣ်ဘၣ်တၢ် ‘‘ဆိၣ်အၢ’’ အီၤ (၁ မိၤ ၃) န့ၣ်လီၤႉ စးထီၣ်ဖဲန့ၣ်‚ ဟီၣ်ခိၣ်ဒီး ကယဲၢ်တၢ်လၢအအိၣ်လၢအပူၤတဖၣ် အိၣ်လၢ ‘‘တၢ်အုၣ်တၢ်ကျၣ်အတၢ်ကဲကုၢ်’’ အပူၤန့ၣ်လီၤႉ တၢ်နးတၢ်ဖှီၣ်‚ တၢ်ဆူးတၢ်ဆါ‚ ဒီးတၢ်သံတဖၣ်ခဲလၢာ်န့ၣ် မ့ၢ်ပှၤဟီၣ်ခိၣ်ဖိအတၢ်လီၤတဲာ် ဆူတၢ်ဒဲးဘးအပူၤ အတၢ်ပိာ်ထွဲထီၣ်န့ၣ်လီၤ (ရၠာစးိမ့ၤ ၈း၁၈-၂၃) ႉ
နာ်သက့‚ ယွၤမၤသီက့ၤတၢ်ခဲလၢာ်လီၤႉ မုၢ်တနံၤအတၢ်အိၣ်ဆိးအလီၢ် ကမ့ၢ် ဖဲအပှၤဂီၢ်မုၢ်တဖၣ်အကျါ လၢတၢ်ဘၣ်တ့ လၢအဘၣ်တၢ်မၤသီမၤဂ့ၤထီၣ်က့ၤကဒီး အပူၤ‚ ‘‘မူခိၣ်အသီဒီးဟီၣ်ခိၣ်အသီ’’‚ ဖဲ ‘‘တၢ်ဘှံးသူၣ်ဘှံးသးတအိၣ်လၢၤဘၣ်ႉ အဂ့ၢ်ဒ်အံၤ တၢ်လၢ အခီၣ်ထံးတဖၣ်ပူၤကွံာ်လံ’’ (လီၣ် ၂၁း၁-၄) ႉ တုၤလီၤလၢ မုၢ်နံၤအ၀ဲန့ၣ်န့ၣ်‚ ပမုၢ်လၢ်ပာ်သးသ့၀ဲလၢ ဟီၣ်ခိၣ်အံၤ အတၢ်ဃံတၢ်လၤလီၤလး လၢအဆံးမ့ၢ်ဂ့ၤ‚ လၢအဒိၣ်မ့ၢ်ဂ့ၤ လၢပထံၣ်ဘၣ် လၢပခိၣ်ပဃၢၤတဖၣ်န့ၣ်လီၤႉ တၢ်သ့ၣ်တဖၣ်အံၤ မ့ၢ်ဒၣ်တၢ်လ့ၣ်ကွၢ်ဆိတဆံးတက့ၢ် ‘‘ပၤရၠာစးဒံစူး’’ လၢအက အိၣ်ထီၣ်၀ဲန့ၣ်လီၤႉ