‘‘မ့ၢ်ပကထံၣ်ဂုၢ်ဧါ’’
ပိာ်ခွါဖိသၣ်တဂၤ လၢပဟံၣ်ကပိာ်ကပၤ အမံၤလၢ အဲၣ်လဲၣ်သံကွၢ် တၢ်သံကွၢ်အံၤ‚ ဖဲပစးထီၣ်တၢ်ဟးကျဲလၢထံကျိကပၤ လၢအအိၣ်ဘူးဒီးပဟံၣ်အခါန့ၣ်လီၤႉ
ယစံးဆၢအီၤ‚ ‘‘လၢအပူၤကွံာ်န့ၣ် ပတထံၣ်နီတဘျီဘၣ်‚ ဘၣ်ဆၣ် ဘၣ်သ့ၣ်သ့ၣ် ပကထံၣ်လီၤႉ အဃိ ပကဃ့သကိးယွၤ လၢကအံးကွၢ်ပှၤအဂီၢ်တက့ၢ်’’ႉ ပဆိကတီၢ်တစိၢ်ဖိဒီး ဘါထုကဖၣ်တၢ်‚ ၀ံၤဒီး ပလဲၤဆူညါန့ၣ်လီၤႉ
တဘျုးမံးနံးပူၤကွံာ်အလီၢ်ခံ‚ ယမါ ကၤရၠာစးံၤ သတူၢ်ကလာ် ခါအခီၣ်ခ@ခ@ ဆူအလီၢ်ခံတဘီ‚ ဘူးကယီၢ်ဘၣ် ဂုၢ်အၢတဘိအိၣ်ကွီၤအသး လၢကျဲခိၣ်လိၤ ဖဲတၢ်မဲာ်ညါန့ၣ်လီၤႉ ပဟ့ၣ်ဂုၢ်အံၤ တၢ်လီၢ်လဲၢ်လဲၢ် လၢကသုးကစီၤ‚ ဒီးပအိၣ်ခိးတုၤအဟးထီၣ်ကွံာ် လၢကျဲန့ၣ်လီၤႉ ၀ံၤဒီး ပဆိကတီၢ်တစိၢ်ဖိဒီး စံးဘျုးကစၢ်ယွၤလၢ တၢ်တမၤအသး နီတမံၤဘၣ်အဃိန့ၣ်လီၤႉ ယနာ်လၢခီဖျိ အဲၣ်လဲၣ်အတၢ်သံကွၢ်န့ၣ်‚ ယွၤကတဲာ်ကတီၤန့ၣ်ပှၤ လၢတၢ်ထံၣ် လိာ်သးဒီးဂုၢ်အဂီၢ်‚ ဒီးပတၢ်ထုကဖၣ်မ့ၢ် ယွၤအတၢ်အံးထီၣ်ကွၢ်လီၤပှၤန့ၣ်လီၤႉ
ပတၢ်ဘၣ့်တူာ်ဒီးတၢ်လီၤဘၣ်ယိၣ်ဖဲအဟါအံၤ ဒုးဆိကမိၣ်ထီၣ်ပှၤစီၤဒၤ၀ံး အတၢ်ကတိၤ လၢအကါဒိၣ်တဖၣ်လၢအစံး ‘‘ဃုယွၤဒီးအဂံၢ်အဘါ‚ ချုအမဲာ်တထံၣ်ဃီတက့ၢ်’’ (၁ ကွဲး ၁၆း၁၁) ႉ တၢ်ဟ့ၣ်ကူၣ်အံၤ ဖျါဖဲထါသဂၢၢ် တၢ်ဟဲက့ၤစိာ် ယွၤအတလါစီဆှံဆူ ၀့ၢ်ယ့ှူၤ့ှှလ့ၣ်အပူၤန့ၣ်လီၤႉ ထါအံၤ စံၣ်ဃဲၤတဲဃဲၤက့ၤ ယွၤအတၢ်တီဒီး အပှၤဂီၢ်မုၢ်တဖၣ်‚ လၢအ၀ဲသ့ၣ်အတၢ်ဂဲၤလိာ် လၢအတၢ်စံၣ်စိၤတဲစိၤ အပူၤ‚ ဒီးဒုးသ့ၣ်နီၣ်ထီၣ်က့ၤ အ၀ဲသ့ၣ်လၢ ကစံးထီၣ်ပ့တၢၤယွၤ ထီဘိအဂီၢ်န့ၣ်လီၤႉ
‘‘ဃုယွၤအမဲာ်‚ စံးတၢ်န့ၣ် မ့ၢ်အခီပညီဒ်လဲၣ်ႉ မ့ၢ်၀ဲ တၢ်ဃၣ်ဃီၤ ပသးဆူ ယွၤအိၣ် လၢမုၢ်ဆ့ၣ်မုၢ်ဂီၤ အကတီၢ်ဖိတဖၣ်အခါဒၣ်လဲာ်န့ၣ်လီၤႉ တဘျီဘျီ‚ ပတၢ်ထုကဖၣ် တဖၣ် ဘၣ်တၢ်စံးဆၢအီၤ လီၤဆီဒီးပတၢ်ဃ့န့ၣ်လီၤႉ ဘၣ်ဆၣ် တၢ်ကမၤအသး ဒ်လဲၣ်ဒ်လဲၣ်ဂ့ၤ ယွၤန့ၣ်တီ၀ဲလီၤႉ ပပှၤကွၢ်သိလၢအဂ့ၤတဂၤအံၤ ကနဲၣ်ပကျဲဒီး ကအံးကွၢ်ပှၤလၢ အတၢ်သးကညီၤ‚ အတၢ်ဂံၢ်တၢ်ဘါဒီး တၢ်အဲၣ်အပူၤန့ၣ်လီၤႉ မ်ပကဘိးဘၣ်သ့ၣ်ညါ ပတၢ်သန့ၤပသးလၢအီၤတက့ၢ်ႉ