ယစူးကါတၢ်ကွဲးလံာ်လဲၢ် ဒ်တၢ်ဘူၣ်ထီၣ်ဘါထီၣ် ဒီးတၢ်မၤယွၤအတၢ်အသိးလီၤႉ ယမၤတၢ်အံၤအါထီၣ်ခဲအံၤ မ့ၢ်လၢယတၢ်အိၣ်ဆူၣ်အိၣ်ခ@အဃိ ယဟးထီၣ်က့ၤလီၤတကဲကဲၣ်ဆိးလၢၤဘၣ်အဃိန့ၣ်လီၤႉ အန့ၣ်သတးဒီး‚ ဖဲပှၤလၢယသ့ၣ်ညါအီၤတဂၤ မ့ၢ်တဲလၢ အ၀ဲတထံၣ်န့ၢ် တၢ်အလုၢ်အပရၤနီတမံၤဘၣ် လၢယတၢ်ကွဲးအပူၤအခါ‚ ယသးဟးဂီၤယဲလီၤႉ ယသးဒ့ဒီထီၣ် မ့ၢ်ယတၢ်လုၢ်အဆံးဖိ တဖၣ်အံၤဆူယွၤအအိၣ်န့ၣ် အခီပညီအိၣ်ဧါန့ၣ်လီၤႉ
ခီဖျိတၢ်ထုကဖၣ်‚ တၢ်မၤလိယွၤအကလုၢ်ကထါ‚ ဒီးတၢ်ဟ့ၣ်ဂံၢ်ဟ့ၣ်ဘါလၢ ယ၀ၤသးဘိ‚ ယဟံၣ်ဖိဃီဖိ‚ ဒီးတံၤသကိးတဖၣ်န့ၣ်‚ ကစၢ်စံးသပှၢ်ပှၢ် လၢတမ့ၢ်ဘၣ် ပှၤဂၤအတၢ်ထံၣ်ဘၣ်ႉ မ့မ့ၢ်ထဲအ၀ဲဒၣ်တဂၤဧိၤန့ၣ် စံၣ်ညီၣ်တဲာ် ပတၢ်ဘူၣ်ထီၣ်ဘါထီၣ်အဂ့ၢ်မိၢ်ပှၢ်ဒီး ပတၢ်လုၢ်တဖၣ် အလုၢ်အပရၤသ့၀ဲန့ၣ်လီၤႉ ယဃ့ယွၤ လၢကဟ့ၣ်တၢ်ခဲလၢာ် လၢအကမၤဒိၣ်ထီၣ်ထီထီၣ် ယတၢ်သ့တၢ်ဘၣ်တဖၣ်ဒီး ကကတဲာ်ကတီၤန့ၢ် တၢ်ခွဲးတၢ်ယာ် လၢယကနီၤဟ့ၣ်တၢ် လၢအ၀ဲဟ့ၣ်ယၤတဖၣ်အဂီၢ်န့ၣ်လီၤႉ
ကစၢ်ယ့ၣ်။းထီဒါ ပတၢ်ဂ့ၤတၢ်၀ါအတီၤ လၢပညီနုၢ်ပာ်အီၤဘၣ်ဃးဒီး တၢ်ဟ့ၣ်တၢ်နှၣ်လီၤ (မၢ် ၁၂း၄၁-၄၄) ႉ ပှၤထူးပှၤတီၤတဖၣ် တ့ၢ်လီၤတိၢ်လၢအအါ ဆူတၢ်လုၢ်ဟံၣ်အတၢ်ပာ်ဖှိၣ်အလီၢ်ပူၤလီၤႉ မ့မ့ၢ် ပှၤမုၣ်ကမဲအဖှီၣ်အယာ်တဂၤ တ့ၢ်လီၤစ့ ‘‘ကးခံဘ့ၣ်လၢ အမ့ၢ်တိၢ်တဘ့ၣ်’’လီၤ (း၄၂) ႉ အတၢ်ဟ့ၣ်အံၤ ကဖျါ ဆံးစှၤ၀ဲ လၢပှၤလၢအခိၣ်အဃၢၤတဖၣ်အဂီၢ် (း၄၄) လီၤႉ ဘၣ်ဆၣ်‚ ကစၢ်စံး၀ဲ‚ ပိာ်မုၣ် အတၢ်ဟ့ၣ်န့ၣ် အါန့ၢ်ပှၤဂၤခဲလၢာ်လီၤ (း၄၃) ႉ ဒ်မုၣ်ကမဲအံၤအသိး‚ ပမၤလၤကပီၤယွၤ ခီဖျိပတၢ်ဟ့ၣ်တၢ်လၢတၢ်သးအိၣ်‚ တၢ်သးညီ‚ ဒီးတၢ်ဟ့ၣ်လီၤသးအပူၤန့ၣ်လီၤႉ ဖဲပဟ့ၣ်ထီၣ်ယွၤ ပတၢ်ဆၢကတီၢ်‚ တၤလၣ်‚ မ့တမ့ၢ် တၢ်လုၢ်ဒိၣ်ပရၤဒိၣ်အဂ့ၤကတၢၢ်‚ အိၣ်ဒီးသး လၢအအဲၣ်အီၤန့ၣ်‚ မ့ၢ်ပလုၢ်ထီၣ်အီၤ ဒီးတၢ်ဘူၣ်ထီၣ်ဘါထီၣ် လၢအလုၢ်ပရၤဒိၣ်နီၣ်မးန့ၣ်လီၤႉ