ပိာ်မုၣ်သးပှၢ် လၢအအိၣ်လၢတၢ်ကဟုကယာ်အဟံၣ်ပူၤတဂၤ တကတိၤတၢ်ဒီးပှၤ နီတဂၤဒီး တဃ့တၢ်နီတမံၤဘၣ်ႉ တၢ်မၤအသး ဒ်အ၀ဲအိၣ်မူဒၣ်အတၢ်ဒ်သိးန့ၣ်‚ ဆ့ၣ်နီၤ ထိၣ်ဂဲၤအသး လၢအလီၢ်ဆ့ၣ်နီၤလီၢ်လံၤ လၢအကလုၢ်သီၣ် ကအံၣ်တဖျၢၣ်အလိၤ န့ၣ်လီၤႉ ပှၤဟဲဟးအိၣ်သကိးအီၤ တအိၣ်အါကဲာ်ဆိးဘၣ်‚ အဃိ ပိာ်မုၣ်သးစၢ် ကဟု ကယာ်တၢ်တဂၤ ညီနုၢ်လဲၤဆူအအိၣ် ဖဲအတၢ်မၤဆိ ကတီၢ်အခါန့ၣ်လီၤႉ အ၀ဲတကျဲးစၢးသံကွၢ် တၢ်သံကွၢ် တဖၣ် လၢပိာ်မုၣ်သးပှၢ်အံၤ ကကတိၤထီၣ်တၢ်အဂီၢ်ဘၣ်ႉ ထဲဒၣ်ဟံးန့ၢ်လီၢ်ဆ့ၣ်နီၤအဂၤတဖျၢၣ် ဒီးဆ့ၣ်နီၤထိၣ်ဂဲၤ သကိး ဖဲသးပှၢ်မုၣ်အံၤအကပၤန့ၣ်လီၤႉ အါလါပူၤကွံာ်ဒီး‚ သးပှၢ်မုၣ်စံးဘၣ်အီၤ‚ ‘‘စံးဘျူးနၤ လၢနဆ့ၣ်နီၤထိၣ်ဂဲၤ သကိးဒီးယၤအဃိန့ၣ်လီၤ’’ႉ အ၀ဲအသးပူၤ ပှဲၤဒီးတၢ်စံးဘျူး လၢဒိးန့ၢ်ဘၣ်တၢ်အိၣ်သကိးဒီးအီၤအဃိန့ၣ်လီၤႉ
တချူးလၢအက့ၤထီၣ်ဆူမူခိၣ်န့ၣ်‚ ယ့ၣ်။း အၢၣ်လီၤ လၢအကအိၣ်ဒီး အပျဲၢ်အဘီၣ်တဖၣ် တဘိယူၢ်ဃီန့ၣ်လီၤႉ အ၀ဲစံးဘၣ် အပျဲၢ်အဘီၣ် တဖၣ် လၢတပာ်တ့ၢ်အီၤထဲ အတၢ်ဒၣ်၀ဲ ဘၣ်ဆၣ်ကပျဲလီၤသးမုၢ်စီဆှံ ဒ်သိး အကအိၣ်ကဆိး လၢအပူၤအဂီၢ်န့ၣ်လီၤ (ယိၤ ၁၄း၁၇) ႉ တၢ်အၢၣ်လီၤအံၤ မ့ၢ်၀ဲတီ၀ဲတုၤခဲအံၤ လၢပှၤလၢအနာ်ယ့ၣ်။းတဖၣ်အဂီၢ်န့ၣ်လီၤႉ ယ့ၣ်။းစံးဆၢတၢ်ဒီး စံးဘၣ်အီၤ‚ ပှၤမ့ၢ် အဲၣ်ယၤဒီး ကတိၢ်န့ၢ်ယကလုၢ်ကထါ‚ ဒီးယပၢ်ကအဲၣ်အီၤ‚ ဒီးပကဟဲဆူအအိၣ်‚ ဒီးမၤန့ၢ် ပအိၣ်အလီၢ်ဒီးအီၤလီၤ (း၂၃) ႉ
ကစၢ်မ့ၢ် တံၤသကိး လၢအအိၣ်ဘူးဒီးပှၤ ဒီးတီဒီးပှၤလၢ ပသးသမူဒီတစိၤ အပူၤ န့ၣ်လီၤႉ အ၀ဲကနဲၣ်ပှၤကျဲ ဖဲလၢပဘၣ်ဂဲၤလိာ်လၢ ပတၢ်အိၣ်မူပူၤ အဆူၣ်ကတၢၢ်အခါ‚ အ၀ဲပျၢ်ပတၢ်ဒဲးဘး‚ ဒိးအနၢ်လၢတၢ်ထုကဖၣ် လၢတၢ်အိၣ်ဘရၣ်အိၣ်ဘီှၣ်အပူၤ‚ ဒီး၀ံစၢၤယိးစၢၤတၢ် လၢပယိးအီၤတန့ၢ်တဖၣ်န့ၣ်လီၤႉ
တနံၤအံၤ‚ ပသးခုလၢ အ၀ဲဒၣ်အိၣ်ဆိးဃုာ်ဒီး ပှၤလၢအမၤမုာ်ပသးအဃိ/