ဖဲအပူၤကွံာ်တယံာ်ဒံးအဆၢကတီၢ်‚ လၢယဒိးကဘီယူၤအခါ‚ ယကွၢ်မိၢ်တဂၤဒီးအဖိ တဖၣ် လၢအဆ့ၣ်နီၤ လၢယမဲာ်ညါလီၢ်ဆ့ၣ်နီၤစှၤကျိၤန့ၣ်လီၤႉ ဖဲဖိလၢအဟးထီၣ်သ့ သီသီဖိတဂၤ ဂဲၤလိာ်ကွဲဒၣ်အတၢ်ခါ‚ မိၢ်တဂၤကွၢ်စူၣ်ဖိဆံးဖိ လၢအအိၣ်ဖျဲၣ်ထီၣ်သီ အမဲာ်‚ အိၣ်ဒီးတၢ်နံၤကမှံဒီး ဆဲးတိ၀ဲအဘိးပၤန့ၣ်လီၤႉ ဖိသၣ်ဆံးဖိအံၤ ကွၢ်ကဒါက့ၤ အမိၢ် လၢအမဲာ်ချံအိးထီၣ်သးက၀ီၤကျီၤ အိၣ်ဒီးတၢ်ကမၢကမၣ်န့ၣ်လီၤႉ တၢ်ဆၢကတီၢ်တကတီၢ်ဖိအံၤ ဒုးဆိကမိၣ် ထီၣ်က့ၤယၤ ဖဲလၢယဖိတဖၣ်အနီၢ်ဆံးခါ‚ ဒီးမၤဘၣ်ဒိ ယသး‚ မ့ၢ်လၢအဟဲတုၤအိၣ်က့ၤယၤ တသ့လၢၤဘၣ်အဃိန့ၣ်လီၤႉ
ဒ်လဲၣ်ဂ့ၤဒ်လဲၣ်ဂ့ၤ‚ ယဆိကမိၣ်ထီၣ်က့ၤ စီၤပၤ ့ှှလိၤမိၤ အတၢ်ကွဲးလၢ ပှၤစံၣ်တဲၤတဲလီၤတၢ်အပူၤ ‘‘ကယဲၢ် တၢ်ကူၣ်တၢ်ဖးလၢမူခိၣ်အဖီလာ်’’ (း၁) / အ၀ဲပာ်ဖျါ တၢ်ဂ့ၢ်လၢအခီပညီဒူချၢလိာ်သးခီဖျိ ‘‘တၢ်အခ့အခါအိၣ်၀ဲ လၢကယဲၢ်တၢ်တမံၤလၢ်လၢ်’’ (း၁) ‚ ‘‘အကတီၢ်လၢ ပှၤကအိၣ်ဖျဲၣ်အဂီၢ်‚ အကတီၢ်လၢပှၤကသံအဂီၢ်‚ အကတီၢ်လၢသူၣ်တၢ်အဂီၢ်‚ ဒီး အကတီၢ်လၢထဲးကွံာ်တၢ်လၢအသူၣ်အသးအဂီၢ်’’ (း၂) န့ၣ်လီၤႉ ဘၣ်တဘၣ်န့ၣ်‚ စီၤပၤ ့ှှလိၤမိၤ အတၢ်ကွဲးတဖၣ်အံၤ ပာ်ဖျါလၢ အတၢ်မုၢ်လၢ်တအိၣ်လၢၤ‚ ဘၣ်ထွဲဒီး တၢ်မၤ အသး လၢအလဲၤတရၠာစးံးအသး တ၀ီဘၣ်တ၀ီလၢပတၢ်အိၣ်မူပူၤ‚ မ့ၢ်တၢ်လၢအခီပညီ တအိၣ်ဘၣ်န့ၣ်လီၤႉ ဘၣ်ဆၣ်‚ အ၀ဲအၢၣ်လီၤ လၢယွၤမၤတၢ်လၢအကတီၢ်ဒၣ်၀ဲ‚ ‘‘ဒီးမုၢ်လၤတၢ်ဂ့ၤ လၢအမၤတၢ်ခဲလၢာ်အပူၤန့ၣ်‚ မ့ၢ်ယွၤအတၢ်ဟ့ၣ်စ့ၢ်ကီးလီၤ’’ (း၁၃) ဒီး ‘‘ကယဲၢ်တၢ်လၢ ယွၤမၤ၀ဲန့ၣ် ကအိၣ်၀ဲလီၤထူလီၤယိာ်လီၤ’’ (း၁၄) /
ဘၣ်တဘၣ် ပကသ့ၣ်နီၣ်ထီၣ်ဒီး ဆၢတုၤအိၣ်က့ၤဆၢကတီၢ်လၢ ပတၢ်အိၣ်မူ အပူၤ‚ ဒ်ယနီၢ်ကစၢ်ဒၣ်ယဲ သ့ၣ်နီၣ်ထီၣ်က့ၤ ယဖိတဖၣ်ဒ်ဖိသၣ်ဆံးတဖၣ်အသိးန့ၣ်လီၤႉ ပသ့ၣ်ညါ လၢဒ်လဲၣ်ဂ့ၤဒ်လဲၣ်ဂ့ၤန့ၣ်‚ ယွၤအၢၣ်လီၤ လၢကအိၣ်ဒီးပှၤကိးဆၢကတီၢ်ဒဲး န့ၣ်လီၤ (ယ့ှှါ ၄၁း၁၀) ႉ ပဒိးသန့ၤပသးသ့ လၢအတၢ်အၢၣ်လီၤလၢအကအိၣ်ဒီးပှၤ‚ ဒီးသ့ၣ်ညါဘၣ် လၢပတၢ်မုၢ်လၢ်ကွၢ်စိမ့ၢ် ဒ်သိးပကလဲၤဃုာ်ဒီးအီၤန့ၣ်လီၤႉ