ဟီၣ်ခိၣ်အံၤ စဲဘူးလိာ်သးလၢ လီသဟီၣ် လၢအမဲာ်ညါတကဲထီၣ်သးနီတဘျီသနာ်က့‚ တၢ်မနုၤမး မၤဘၣ်ဒိဘၣ်ထံးတၢ်ဆၢကတီၢ်တပူၤဃီ လၢပှၤကညီတဂၤအပူၤတသ့ ဘၣ်ႉ ဖဲပနံၤသကိးအခါန့ၣ်‚ လၢတၢ်တပာ်သူၣ်ပာ်သးအပူၤဒၣ်လဲၣ် ပသ့ၣ်ညါပှၤဂၤ အသး မၤအသးဒ်လဲၣ် ဖဲပကွၢ်အမဲာ်သၣ်အတၢ်ဟူးတၢ်ဂဲၤန့ၣ်လီၤႉ ပှၤလၢအအဲၣ်လိာ် အသးတဖၣ်‚ ဟံၣ်ဖိဃီဖိမ့ၢ်ဂ့ၤ‚ တံၤသကိးမ့ၢ်ဂ့ၤ‚ အဲၣ်ဒိး ထံၣ်လိာ်သး မဲာ်သကိးမဲာ်န့ၣ်လီၤႉ
ပထံၣ်ဘၣ် တၢ်ရၠာစး့လိာ်သးမဲာ်သကိးမဲာ် လၢကစၢ်ယွၤ ဒီးစီၤမိၤဒီး‚ ပှၤလၢကစၢ်ယွၤဃုထၢအီၤ လၢကဆှၢ အပှၤဂီၢ်မုၢ်တဖၣ် အဘၢၣ်စၢၤန့ၣ်လီၤႉ စီၤမိၤဒီး အတၢ်နာ်န့ၢ်လိာ်သး ဟဲဒိၣ်ထီၣ်ထီထီၣ် လၢနံၣ်တဖၣ် လၢအပိာ်ကစၢ်ယွၤအခံ အပူၤန့ၣ်လီၤႉ ဒီးအ၀ဲပိာ်ဒံး ယွၤအခံ ဖဲလၢပှၤဂီၢ်မုၢ်တဖၣ် ပူထီၣ်ထီဒါတၢ်ဒီး ဘါတၢ်ဂီၤတၢ်ဖီၣ်အခါဒၣ်လဲၣ်န့ၣ်လီၤႉ ဖဲပှၤဂီၢ်မုၢ်တဖၣ်ဘါထီၣ် ကျီၢ်ထူလၢကစၢ်ယွၤအလီၢ်အခါ (၂မိၤ ၃၂) ‚ စီၤမိၤဒီးဆၢထၢၣ် လၢဒဲအချၢလၢ ဒ်သိးကထံၣ်လိာ်သးဒီး ကစၢ်ယွၤ ဖဲပှၤဂီၢ်မုၢ်တဖၣ် ခိးကွၢ်တၢ်လၢ တၢ်အယံၤ န့ၣ်လီၤႉ (၃၃း၇-၁၁) ႉ ဒ်တၢ်အၢၣ်ထူၣ်ပာ်ဖျါထီၣ် ကစၢ်ယွၤ အတၢ်ဟဲလီၤ အိၣ်လၢဒဲပူၤန့ၣ်‚ စီၤမိၤဒီးကတိၤတၢ်လၢအ၀ဲသ့ၣ်အဂီၢ်န့ၣ်လီၤႉ ကစၢ်ယွၤအၢၣ်လီၤ အသး လၢအတၢ်အိၣ်ဒီးအ၀ဲသ့ၣ်‚ ကလဲၤတၢ်ဒီးအ၀ဲသ့ၣ်န့ၣ်လီၤ (း၁၄) ႉ
မ့ၢ်လၢကစၢ်ယ့ၣ်။းခရၠာစးံာ်အတၢ်သံလၢထူၣ်စုညါလိၤ ဒီးဂဲၤဆၢထၢၣ်သမူထီၣ် အဃိ‚ ပတလိၣ်ပှၤတဂၤ ဒ်စီၤမိၤဒီး လၢကကတိၤတၢ်ဒီးကစၢ်ယွၤ လၢပဂီၢ်လၢၤဘၣ် န့ၣ်လီၤႉ လၢအလီၢ်န့ၣ်‚ ဒ်ကစၢ်ခရၠာစးံာ်ဟ့ၣ်လီၤအပျဲၢ်အဘီၣ်တဖၣ်အသိး‚ ပဒီတံၤ ဒီသကိး ဒီးကစၢ်ယွၤ ခီဖျိကစၢ်ခရၠာစးံာ်သ့၀ဲန့ၣ်လီၤ (ယိၤ ၁၅း၁၅) ႉ ပ၀ဲသနာ်က့ ပထံၣ်လိာ်သး ဒီးယွၤသ့‚ ကစၢ်ယွၤ ကတိၤတၢ်ဒီးပှၤ ဒ်ပှၤကတိၤတၢ်ဒီးအတံၤသကိးန့ၣ်လီၤႉ